新記 歐四 55xx 改tuning??

其實我唔明點解同是慳油程式，
Ecolife 表現就咁好，但 TopoDyn 就搞到架車行到有如爛泥扶唔上柄，
E5 E500 個慳油波箱加埋把老牛偈聲真係令人覺得好反胃…

原帖由 ML3941 於 2012-3-9 16:55 發表
TopoDyn?

Voith波箱有無份玩?

40xx 5500 810x MTR8xx 新車時已經非常早轉波
(400x 新車時都識拖下 1波，不過執到平路都拖餐死咁，英皇道暗斜都要下下上 1900-2100轉先安樂)
但總括黎講 2 3 4 波都早轉，只有 810x MTR8xx 呢兩者好少少
下下轉完波都只得 900-1000轉，跌出慳油轉數範圍 (ISLe 呢副偈為 1100-1500 轉)
轉到 4波時只得 37kph，3 波蠆同 MTR2xx 呢 d 細尾牙車 1波已經一口氣上到此速度
不過唔趕時間的話，坐下層聽著副偈咁低轉但無礙波箱聲愈高波愈高音咁唱歌都算唔錯



Voith 波箱都有類似既程式叫 SensoTop，不過 40xx 5500 810x 呢 d 應該無採用到，
上斜 2波以上依然唔多識拖波，落斜唔踩油又係會自動轉高波愈衝愈快


歐四蠆應該都有類似歐五既裝置，係某 d 情況下會自動 cut 油
舊年搭過 4011@722，平路都比同款車無力得多，水務署對出上東廊個條橋仔都慢到死，東廊一路得 6x 已經無晒力去
無為意架車有無著燈，不過司機沿途駕駛態度明顯表現出唔係有心碌車



燃油唔係平，慳少少油好過巴士公司千方百計搵藉口加價
個人完全支持巴士公司為全線車隊繼續加裝慳油程式，或至少調較波箱至較慳油設定
事實上新城呢方面一早比九記積極得多，呢幾年新巴同城記 (營運一部為主) 絕大部分大細車型都做過唔同調較，行車時明顯比九記同款車黎得早轉波
但前提係應該符合埋以下條件：
得 D N R 既車加裝適當波掣，前波起碼應該要有 2 或者 3 掣
0-30kph 範圍容許引擎拖到較高轉同埋 k/d
同埋應該鼓勵司機適當控制波段 (九巴司機雖然普遍駕駛態度比新城保守，不過似乎九巴班司機更傾向係適當地方鎖波保持合理行車表現)
同時行車黑盒記錄埋引擎轉數，防止司機亂谷車浪費燃油 (唔知而時有無咁做)



慳翻 d 油又環保又節省成本，只係巴士公司有時矯枉過正
搭得巴士係預左無的士小巴咁快，但慢極應該有個譜
以前搭巴士無咁多冷馬、一樣有好多例塞既地方，但一般黎講都算忍受到
近年 d 車有冷氣理應舒服得多時反而成日搭到無命火起，起步慢停站慢
(其實唔只自己，近年多左聽到普通乘客細聲抱怨搭極都未到，身邊亦有唔少人出街寧願徙少少錢中途轉架快 d 既交通工具都唔一程過)
巴士座位愈整愈少又無進步 (只有座位距離同體積比以前多少少)、
又有電視同刺耳閂門警報聲嘈生晒、由細搭同一路段搭到大車程要倍增，
好難怪香港咁易塞車都重咁多人買車，無錢既都一樣諗計避搭巴士，造成惡性循環

原帖由 3ASV174 於 2012-3-9 18:03 發表
其實我唔明點解同是慳油程式，
Ecolife 表現就咁好，但 TopoDyn 就搞到架車行到有如爛泥扶唔上柄，
E5 E500 個慳油波箱加埋把老牛偈聲真係令人覺得好反胃… ...

Ecolife 波箱電腦運算速度比 Ecomat 快

只係唔肯定 Ecomat 4 個電腦會唔會又比 Ecomat 2 (歐四個堆) 快

(記得九記最初試驗 TopoDyn 個幾架歐四 ATEU 真係嚇死人，上斜個所謂漸進式拖波個過程要 load 好耐，碌下碌下碌左大半條斜已經又要停燈停站)



不過個人懷疑 ZF 有心整 d 垃圾出黎做對比，顯得新產品 (其實同 Ecomat 4 同期) Ecolife 係好野

[ 本帖最後由 HW8373 於 2012-3-9 18:25 編輯 ]

原帖由 HW8373 於 2012-3-10 02:15 發表



40xx 5500 810x MTR8xx 新車時已經非常早轉波
(400x 新車時都識拖下 1波，不過執到平路都拖餐死咁，英皇道暗斜都要下下上 1900-2100轉先安樂)
但總括黎講 2 3 4 波都早轉，只有 810x MTR8xx 呢兩者好少少
下下轉完波都 ...

其實你個思路有啲矛盾..
而家就係講緊得兩個選擇 : 一係快,,一係慳油
咁而家公司已經揀咗後者,,自然就要犧牲速度啦,,邊有得兩全其美

[ 本帖最後由 AV512 於 2012-3-10 21:57 編輯 ]

原帖由 3ASV174 於 2012-3-10 02:03 AM 發表
其實我唔明點解同是慳油程式，
Ecolife 表現就咁好，但 TopoDyn 就搞到架車行到有如爛泥扶唔上柄，
E5 E500 個慳油波箱加埋把老牛偈聲真係令人覺得好反胃… ...

慳油同更慳油既分別囉！

OT:
其實宜家應該有過半數嘅歐二豬都比人改左tune....
轉波改到好似VA咁...把油壓聲冇左 ...

原帖由 2353 於 2012-3-10 13:45 發表
OT:
其實宜家應該有過半數嘅歐二豬都比人改左tune....
轉波改到好似VA咁...把油壓聲冇左 ...

九記定新記?

原帖由 VA54-HN8897 於 2012-3-10 14:05 發表
九記定新記?

新記

原帖由 AV512 於 2012-3-9 19:50 發表

其實你個思路有啲茅盾..
而家就係講緊得兩個選擇 : 一係快,,一係慳油
咁而家公司已經揀咗後者,,自然就要犧牲速度啦,,邊有得兩全其美

莫講而家新車
舊車都唔會得快同慳油兩種選擇


香港地咁多燈咁多站
一架巴士起步頭段加速快已經足夠
唔需要下下容許引擎扯到盡行車
當九記 3 波 TD 豪而家重係 2波未到 2000轉都唔肯轉波時
城記個堆好多時 45kph 2波中高轉已經轉得 3波，落斜同輕油甚至更早轉波
同時 1波正常運作時仍然可以去到合理轉數先轉 2波，司機亦可因應需要用 k/d 或波掣鎖 1 2波


而家新既 ZF 車上斜波箱識自己做反應，落斜唔踩油識自己限波
上落斜無得彈，頂龍係收油時個波箱減速中下中下連拖幾次波，比舊式 ZF 車唔舒服
但最大問題係 1 2 波幾乎一定要落直結，但引擎轉數配合奇差，chok 到死，起步至 3波又早轉波又截油；
3 波後先慢慢放鬆個截油愈行愈有力，同埋較高轉先轉波
顯然應該係調翻轉，起步 2x kph (配合而家 d 6波車大約 1 2波範圍) 容許高轉少少轉波
(Ecolife 波箱而家都做到，Ecomat 系列做唔做到只係調較問題)
3 波以上實在無需下下扯著去，如果暗斜想助跑已經有 3掣可以用，保持中低轉範圍慳油實在無問題


ZF 車要改 tunning 另一樣要改應該係 1 2波之間油壓直結個跳動
起步下下 1油 1直 chok 到死，多年黎都係無改善
Ecolife 波箱本身將油壓波比例改過，油壓轉直結過程只係輕輕窒一窒，非常舒適；Ecomat 先天性無得改，但可以做波段入手
九記豬而家都開始改到 AMN 或者 D10A豪咁 1油、2油、2直、3、4波咁，起步至 2波保持唔會太高轉又唔 chok
以前尾牙無咁大，拖著 2波油壓理論上係會有少少動力流失；
而家 d 車扭力線靚得多尾牙又大，用油分別唔會太大，但全車乘客舒服同安全得多
(1油 1直時突然收油一大 chok 好易出意外，自己搭車都中過幾次招撞親頭同爭 d 仆低，尚幸多年黎未有傷亡意外)


Voith 車多年黎一大優點係 1波起步一氣呵氣，上斜同平路一口氣上到一定速度先停止加速/轉 2波，但 1 2 波距離遠
以前尚且可以 k/d 爆盡 1波扯到盡落 2波時都已經中轉咁樣加速，或者起碼 1波盡一野爆晒條斜
以前 d 車無咁好力，Voith 都只得 1波時同期 ZF 車通常 2油 2直跳黎跳去
而家 ZF 車波段密上斜愈黎愈好，Voith 車優勢已經愈黎愈細，上斜無得鎖波 (係香港 d 巴士公司唔加波掣)，由得架車中轉就轉波然後兩個波段跳黎跳去，重要連最大賣點既 1波一氣呵氣起步都愈整愈差，難怪近年少左咁多 Voith 車
都係個句，唔使下下 1 2 3 D N R 掣齊晒，俾翻個 2掣係適當時候可以用已經好好多
限波掣始終要伸隻手去禁，司機要亂用徙油而家 d 舊車都日日徙緊，因為咁而直接取消個掣又無其他配套實在本末倒置


慳油同速度兩樣野可以有所平衡，一定可以兩全其美，唔會互相茅盾

港鐵批E500都唔好得去邊, 雖然1波扯到2千轉至跳2波, 但起步發圍非常慢, 2波打後又係極速轉波, 好似K12, 車程咁短, 上太和路行得50幾km, 已上到4波 .

另外, 據聞E500可以先進到detect到約1800轉, 就自動cut油.  過多的電子調控, 正如樓上所言, 真係矯枉過正, 亦是過於迷信理論ge惡果.


對Voith波箱而言, 1掣和2掣都好重要, 因為按了2掣, 架車都唔會快d落1波, 除非司機長時間踩地板油, 但佢咁樣係好辛苦, 總不及按1掣來得直接 (而且要面對工程部廢kick-down ge風險, 踩幾大油都唔會拖波 ). 正如升降機, 你按了10樓, 架lift無可能同你停7機ga.


同時, 係合理情況下, 司機都唔會長期鎖1波, 因為1波極速得30幾km, 行觀塘道, 太子道等大直路只係龜速, 司機總唔會傻到俾架車又嘈又唔識快.  對於碌車ge司機, 佢根本不會考慮鎖唔鎖波, 只要架車行得郁就算.  所以公司根本唔使擔心濫用波掣ge問題.


例如超豪, 以前講過新巴超豪 (特別係#5040或之前) 可以好飛得, 但大前提係要持續踩地板油, 一鬆腳就會轉高波, 所以只按3掣, 只能鎖到3波, lock唔到1或2波. 反之後期有1, 2掣的超豪, 就可以按鎖波掣, 穩健地hold係1, 2波上斜.


除了Voith, ZF都好應該有齊1, 2, 3掣, 1/2掣固然可幫助上斜, 但2波極速只有約40km, 跑公路係超慢的, 如有3波掣, 一上公路暗斜, 都可以迅速hold係3波 (極速有50幾km), 好力之餘, 又可保持合理ge速度. 難怪冠忠的Man旅遊巴, 其ZF波箱有齊1, 2, 3, D, N, R掣.


有時, 我寧願搭架性能可靠d ge E蛇龍, 老虎蘭, TD豪, 超豪等舊車, 好過搭d搞到唔拖唔水ge所謂 "新" 車.

今日搭城巴8112，都發覺引擎表現已經變到同歐5無咩分別