[感想文章] 交通迷應該持更積極的思想

P.S.我都唔知post 係邊一版好, 決定是N版

本身自己作為交通迷一份子, 亦長年有睇開討論區, 但似乎時代不斷進步,
不少交通迷思想則越來越守舊

交通迷其中一個優勢, 是非常熟識交通工具的運作, 尤其在於技術層面, 但
面對一D新建議, 無論是設備的建議, 例如巴士站加設巴士到站時間, 鐵路
站加廁所, 甚至只是巴士加開得的窗, 或是服務/運作模式的建議, 例如巴士
實施雙向分段, 司機改行跳飛機, 鐵路加班次, 部分交通迷往往都一開始就
提出強烈反對, 並提出大量技術層面問題, 將負面放大.

直言, 咁反映出部分交通迷仍然停留係"技術員"心態, 一開始就用技術問題
去作為反對的理由, 這樣想法其實係好消極, 事實上, 如果有關建議是會有好
的結果, 我地應該做的, 唔應該係只提出技術問題去作為反對理由就停止, 而
是提出技術問題後, 再嘗試去想出其解決方案, 這才是由"技術員"心態提升
到"專業人士"心態的表現.

回顧返過往香港情況, 其實每一樣改變, 每一個進步, 都係經過唔少努力,
解決好多技術問題, 長時間的試驗及改良, 先可以達到好的成果. 無一個
改變係無技術問題的, 由巴士改到一人控制, 到冷氣巴士的試驗, 到輕鐵開
放式的收費設計, 到鐵路站加裝幕門閘門, 巴士用路程加GPS準確報站, 甚
至香港起第一條高鐵, 每一項起初其實都面對好多不同困難, 亦有好多技
術問題, 但最終都是成功, 部分更是世界首例及先驅.

睇返最近一D消息, 例如, 不久之前, 新任的MTR CEO, 已經話會係旺角站加
設廁所, 旺角站是一個地底車站, 亦是在香港最繁忙, 樓宇/道路最緊迫的地方,
由港鐵公司, 本身一個私人會賺錢的機構, 去講話會起wor, 我想都係好多人
心目中的"不可能"吧...我自己雖然一直覺得有關工程是可行, 不過都想睇下
MTR 真正時係用咩方法同空間去做...

有d野, 一開始睇可能會覺得無可能, 技術上亦是困難, 要做一定唔係易,
但是否就等於將來完全無可能?

甚至部分建議有晒外國例子, 技術可行, 好多交通迷係討論區好興就會
有一句, "係香港無可能", 事實上, 香港人能接受的轉變是世界中首屈
一指, 創新及效率亦是世界最強之一, 相對上經濟亦唔差, 真係有咩
係"咁無可能"?

作為交通迷, 我真係好欣賞李日新先生, 上2年有一個機會, 同佢交談過,
真係十分欣賞佢的創意及理想, 如果無左佢, 香港巴士服務都未必今日
咁發達, 佢由當年加入中巴, 首先引入一人控制, 12m大巴士, 到城巴年代,
成功冷氣巴士, 加強效率之跳飛機制度, 到試驗將現有柴油巴士改裝成
無軌電車(雖然最後部車成功但計畫失敗左), 甚至當年油麻地小輪汽車
渡輪沒落, 佢向油麻地小輪建議成部巴士上小輪過海之計畫(最後當
然無做到), 一一都睇到其創意胸襟, 將"唔可能"變成可行的功力, 全在
香港發生~~

作為交通迷, 應該持更積極的思想, 用其技術及運作層面知識, 去以正
面態度去睇新建議, 即使最後未必可行/實行, 但仍然嘗試過盡量解決,
已是十分足夠, 因為係解決問題之過程, 已是為其他問題提供解決方法
之基礎

我講咁多, 唔係想批評, 亦唔係話可任意天馬行空, 建議本身都需要有技術
基礎, 而是想交通迷, 即使面對交通公司/政府可能的不再積極, 去用更積極
的思想, 面對及提出不同建議, 呢種積極的思想, 這不但係交通興趣方面, 令
社會整體有所得益, 係工作/學業上, 個人發展上, 亦是重要...也是人類進步
的根源.

最近, 係B2版講及冷氣巴開窗建議, 有位站友建議上熱下冷的郊遊2軸用車,
其積極創意的思想是值得鼓勵的, 亦係這熱狗將沒落的時間, 帶來新的構思~

其實又唔淨止交通咪既, 好多香港人都係食古不化。

好似我識個小朋友, 明明唔係讀書材料, 佢媽媽問點樣算
我就好老實講, 唔讀大學唔駛死既, 最緊要唔好學壞。
佢媽媽聽到, 就立即一副omg既樣子, 接受唔到幾乎要崩潰。

又好多人大學揀科, 一定要讀經濟金融先覺得唔駛餓死,
大哥, 你自己冇興趣, 又到去又要嘈, 你唔覺得好有問題咩？

總之好多香港人一走出人地既想法, 就好似要世界末日,
但應該點先有效改進現況, who cares?

[ 本帖最後由 kwyeung 於 2012-3-18 02:06 編輯 ]

原帖由 kwyeung 於 2012-3-18 02:04 發表
其實又唔淨止交通咪既, 好多香港人都係食古不化。

好似我識個小朋友, 明明唔係讀書材料, 佢媽媽問點樣算
我就好老實講, 唔讀大學唔駛死既, 最緊要唔好學壞。
佢媽媽聽到, 就立即一副omg既樣子, 接受唔到幾乎要崩潰 ...

你講得對,有時見家父要細妹考好D讀大學,眼見細妹根本冇讀書天分,日日俾家父鬧,我都睇唔過眼...唔學壞已經好好啦..

調番轉說我自己,讀到碩士出來又如何? 老謀心算,酒色財氣(幸好現時努力戒掉)呢樣野都唔見得好好.大把上流社會讀到博士,
一樣會貪污洗黑錢,最後咪一樣俾人拉去坐監...咁係咪代表唔讀書就會學壞先? 好啦...講番黑社會,幾多大佬都係外國高學歷
回來,精通兩文三語甚至連律師都唔夠佢英文好,咁樣說法讀書唔成就係咪等於會群埋班飛仔?

原帖由 3ASV196 於 2012-3-16 16:47 發表
P.S.我都唔知post 係邊一版好, 決定是N版

本身自己作為交通迷一份子, 亦長年有睇開討論區, 但似乎時代不斷進步,
不少交通迷思想則越來越守舊

交通迷其中一個優勢, 是非常熟識交通工具的運作, 尤其在於技術層面,  ...

其實,近十年來,香港交通真係好悶好悶,比起以前新舊機場交接,西隧快線,中巴沒落,東涌道飄移等,真係差好遠.

由於香港交通近年實在太悶,所以新晉巴士迷只係識迷熱狗,因為冇野可以迷,唔似得以前我地迷雞車,迷珍寶,迷佳牌,迷中巴,甚至迷坡柴等.
也是因為香港交通太悶,所以好多巴士迷已北望神洲,或者係將自己既興趣擴大到飛機,船,火車等.

我會覺得咁

依家社會係，做一樣野，要考慮好多野，美其名多角度、批判思考

仲有，社會比人既局限比以前多好多
唔係真係必須，強迫做既，多一事不如少一事

就好似報站，如果唔寫落去專營權，城巴會唔會花咁多錢搞?
仲要一搞就遇上第一間公司清盤

原帖由 kay 於 2012-3-18 10:04 發表
我會覺得咁

依家社會係，做一樣野，要考慮好多野，美其名多角度、批判思考

仲有，社會比人既局限比以前多好多
唔係真係必須，強迫做既，多一事不如少一事

就好似報站，如果唔寫落去專營權，城巴會唔會花咁多錢搞?
仲要一搞就遇上 ...

係, 同意, 依家社會的確係要考慮好多野, 無論其他人的顧慮,
錢的顧慮, 環保的顧慮都多了唔少, 政府/巴士公司做野都係咁....

好多人面對好多反對, 好多批判, 開始都變得消極, 咩都"多一事
不如少一事", 咩都講左唔得先....

有關情況的確亦唔只是交通迷出現....就算係大學, 講學術, 相對上
著重創新, 都面對緊同類問題

雖然2樣野係有關, 但事實上, 我本身唔係反對多顧慮, 咁的確可以
全面d去考慮, 而面對他人的批判, 自己應更保持積極性, 去盡量解決
各項問題, 平衡各方....

任何野, 都有機會有不能預期的問題, 就好似你講搞報站, 公司未必
有動力去主動搞, 搞搞下亦遇到清盤, 但今日都係成功ga bor, 其實
有時迫, 都係其中一個方法去處理....

而點解我強調討論區同交通迷? 就是係討論區, 作為交通迷, 已經係少
d顧慮的一群, 因為我地係度都的確唔係直接去做的一群, 大家都係討
論下興趣, 如果咁都消極面對, 樣樣覺得唔可能, 而唔係積極去想解決
方法, 咁如果真係自己要去做, 只會更消極

所以, 無論係交通迷, 或香港人, 應該更持積極的態度, 做唔做到唔係重點,
但要有積極的態度是每個人都可以嘗試去做的...

這是我想去講的...亦想去鼓勵的...

原帖由 FBI2 於 2012-3-18 09:29 發表


其實,近十年來,香港交通真係好悶好悶,比起以前新舊機場交接,西隧快線,中巴沒落,東涌道飄移等,真係差好遠.

由於香港交通近年實在太悶,所以新晉巴士迷只係識迷熱狗,因為冇野可以迷,唔似得以前我地迷雞車,迷珍寶,迷 ...

其實的確係悶, 尤其巴士, 因為我地係面對緊巴士行業的收縮, 而唔係進步中, (整個香港都有d係咁)
就係因為咁, 我地先要更多新創意同衝擊, 多d新建議, 話唔定真係有行內決策人留意到, 帶來新希望呢....

原帖由 kwyeung 於 2012-3-18 02:04 發表
其實又唔淨止交通咪既, 好多香港人都係食古不化。

好似我識個小朋友, 明明唔係讀書材料, 佢媽媽問點樣算
我就好老實講, 唔讀大學唔駛死既, 最緊要唔好學壞。
佢媽媽聽到, 就立即一副omg既樣子, 接受唔到幾乎要崩潰 ...

其實我覺得係批評其他香港人同時, 我地作為香港人, 唯一
容易亦可以做的, 就係做好自己先, 開放自己思想, 用行動
去鼓勵同正面咁影響他人

所以我係度打篇文同時, 我都盡量係度俾多d積極建議同
解決方法

交通迷的確係較少既顧慮
不過好可惜既好大部分既交通迷(包括自己)所知道既野唔多
當有一D念頭上身既時候就已經自己ban自己
(曾經幻想273可唔可以試行先購票/do機排隊後上車減低上客時間)
又或者去ban人地
但並非因為諗法消唔消極
而只係自己所知既只係去到咁多

但可能原來當你既知識deep到去某一個水平
又或者知道某D data時
原來係可行係可以又唔出奇

原帖由 Snoopy@FB8617 於 2012-3-18 21:15 發表
交通迷的確係較少既顧慮
不過好可惜既好大部分既交通迷(包括自己)所知道既野唔多
當有一D念頭上身既時候就已經自己ban自己
(曾經幻想273可唔可以試行先購票/do機排隊後上車減低上客時間)
又或者去ban人地
但並非因為 ...

其實我睇關係就唔大bor, 無錯, 部分既交通迷所知道既野唔多,
但其實好多人所知道既野都唔會多, 積極的意思唔係一定要
一早知好多野, 而是如果係有好念頭, 自己都會集中去search,
去搵多d data /例子lor, 而唔係一開始就自己ban自己/ban人..

好似你講273的例子, 先購票/do機排隊後上車, 其實香港有無例子?
有無唔同做法? 有的

我地香港的鐵路就係咁做, 而有最少2個做法, 封閉式, 同開放式,
前者即係市區線一d, 要確保收費區與非收費區之分隔, 開放式即輕
鐵, 無明顯分隔收費區, 但車上突擊性有人check 飛...這方式係外國
一樣有巴士咁做...

咁你認為邊個易d做? 如果要有效分隔, 巴士站又可以點設計?

但當然, 亦要睇返效益, 如咁快得幾多? 同紅隧口, 加左部流動8仔機
係中門, 又差多少?

其實我講呢d野, 都係日常生活都會遇到, 並唔係你唔會知, 也唔係
完全搵唔到...

真正的積極性, 唔係在於本身知識多少, 而是有個心去找尋更多support,
去支持有關念頭, 並盡量解決各項問題...

無一個人一開始就知晒所有野, 而亦唔係所以新建議都有先例, 有時亦
要用類比, 透過相近的東西的再推斷

[ 本帖最後由 3ASV196 於 2012-3-19 14:17 編輯 ]