大熱天時同女朋友拍拖點可以搭巴士架，搭中架熱狗巴咪弊?

查番套劇係去年夏天拍攝，以上年夏天氣溫再加埋上左架熱狗，如果用來行市區，真係對車長和乘客的折磨，加上去年數宗車懷疑中暑事件，編劇有呢個感覺寫出這句對白都係有原因。班細路仔想野唔太理智，科技進步就令我們生活轉變，比如幾十年前你打開窗，打開門都有生風入，而家同一個情況只有一堆熱氣向你攻埋來，你仲要唔要呀，有時有些野無奈要消失也是無辦法，只希望自己盡本份多多珍惜，不是盲目要人地接受你個套。

原帖由 edhong 於 2012-3-17 18:12 發表

so, 咁又點? 要唔要全港市民同你一樣做德道高人呢, 請問?

如果你認為咁就叫德道高人,
其實恐怕你亦同樣企晌另一個層面上看人

比我地辛苦既人大有人在,
我地其實冇野比佢地優勝,
反之可能係佢地比我們還要優勝,
因為無論係我地,定還是佢地,
大家都係人,
如果你咁就認定我係企晌道德高地上看,
我會同你講你想得太片面

搭中架熱狗巴有幾弊?
以去年夏天黎講,
有邊條有熱狗線,等下架冷馬要多過十幾分鐘?
比你地見面多十幾分鐘咪仲好, 定係趕住去邊?

[ 本帖最後由 KV9033 於 2012-3-18 00:17 編輯 ]

原帖由 KV9033 於 2012-3-18 00:15 發表
搭中架熱狗巴有幾弊?
以去年夏天黎講,
有邊條有熱狗線,等下架冷馬要多過十幾分鐘?
比你地見面多十幾分鐘咪仲好, 定係趕住去邊?

各花入各眼

我係唔鍾意, 點解要我等下班?
何必將你的喜愛強加別人，甚至非巴迷身上?
這個世界有好多人的，不要做井底之蛙


認真你便輸了

其實各位係咪太過認真呢?
成句說話重點唔係熱狗喎
俾著我同女朋友出街都唔想逼巴士啦
係,你可能會認為呢個係情趣
有豪宅你住邊會去住湯房?

引用名討論區名言 : 認真你便輸了

[ 本帖最後由 AP38 於 2012-3-18 01:09 編輯 ]

咁到底, 拍拖搭中架熱狗巴士, 係會有幾弊架呢?

從你人生所遇過既弊事黎比較,拍拖搭中熱狗算得上幾個弊?

[ 本帖最後由 KV9033 於 2012-3-18 01:11 編輯 ]

真係無錯，唔同年代有唔同環境，人嘅要求總會/要變。
更何況夏天氣溫比以前真係熱咗，如果夾硬要人坐無冷氣嘅車就有點......
特別係車嘅車身係有啲金屬成份，會吸收日照帶來嘅熱力。

好多事同物都唔到自己/一個人改到，當有一些事物要消失嘅時候，
有時人係要接受，唔係話留就一定留到。
單係氣候變化都已經唔係一朝一夕﹑一個人就造成/改變得到，
而其後所導致嘅事都係好難逆轉得到。
好多時可以做嘅都係適應改變同珍惜現在，無需想得太複雜同動輒話人道德唔道德。
接受到一些事/接受唔到一些事嘅人不一定係百份百道德/唔道德。

或者有一小部份巴迷未嘗投身社會或有更多嘅經歷(亦不排除有一些係自身有性格問題)，
太自我中心﹑過份執著，好容易會將自己嘅睇法要他人全部接受而不顧其他事。
少少事都睇得太大反應，難怪會有唔少人會誤解﹑害怕甚至以為係巴士迷嘅人一定係唔正常。

[ 本帖最後由 Dennis34 於 2012-3-18 01:29 編輯 ]

原帖由 KV9033 於 18-3-2012 01:09 發表
咁到底, 拍拖搭中架熱狗巴士, 係會有幾弊架呢?

從你人生所遇過既弊事黎比較,拍拖搭中熱狗算得上幾個弊?

邊有得咁比較
舉個例, 打劫同殺人都係犯罪, 殺人比打劫嚴重, 又是否代表打劫不用坐監