新都城免費穿梭巴士大改動

由四月二日（星期一）起，新都城免費穿梭巴士將會有以下修訂：
一：將軍澳區內南線更改車站位置，修訂後，由新都城一期開出，只停唐德街天晉一站，之後直接返回新都城一期。
二：觀塘、牛頭角線更改為藍田線，由新都城一期開出，只停藍田公共運輸交匯處上落客區一站，之後直接返回新都城一期。
三：順利、秀茂坪線更改車站位置，修訂後，由新都城二期開出，停順利村利富樓、秀明道秀和樓，之後返回新都城二期。
四：西貢線更改車站位置，修訂後，由新都城二期開出，只停西貢福民路鄧肇堅運動場一站，之後直接返回新都城二期。
所有路線服務時間不變。

不知所謂既改動 ...

[ 本帖最後由 c98q79 於 2012-3-18 19:02 編輯 ]

Sad…我最常用的牛頭角和康盛兩處以後都再沒有便捷的免費巴士服務了

不過老實說，我自己住新都城，
對我來說條觀塘牛頭角線反而係鼓勵左我出九龍灣各大型商場消費，
而且條線都唔少人濫用，例如用牛頭角坐到觀塘落車，我見唔少，
可能管理層都知條線對吸客效用不大所以最終取消…

今次條條線都停少好多站，唔知係咪為左cut行車時間，從而達到減少用車數目同成本的目的？

牛頭角線已經有左好耐，當年搭過無數次，記得係40分鐘行完一轉，加埋休息都要60分鐘，
用三架車。而家cut剩藍田，應該兩架車就搞掂。

自從有左呢條線開始，屋企人好鐘意週末就搭免費車入新都城消費，
而家條線準備cut，我估佢地應該都唔會經常入去喇。

牛頭角線有人牛頭角上車、觀塘落車係事實，但係記憶之中自從發現俾人濫用之後，
站頭已經有通告寫明「牛頭角上車只可以新都城落車」，亦見過司機嚴格執行。

而家身處外地，上面全憑記憶。

老實講，藍田線都係唔知開黎做咩
藍田個站位無地鐵站咁方便，地鐵入寶林又近，
相反牛頭角、觀塘兩個站位行去鐵路站都要起碼7-8分鐘，
的確吸到唔少淘大、安基苑、四彩、牛頭角上村的居民入去消費（唔少老人家）
排隊尾的人好多時都要第二架車先上到。

[ 本帖最後由 S3BL100 於 2012-3-20 00:50 編輯 ]