運輸署兩度去信一間巴士公司嚴正責成減少脫班

早就要啦,連d旺既線都經常甩班,價就年年加,服務就年年降

出信有鬼用, 你話唔夠人唔夠車, 將48x,74x,87D,215x,271...比其他公司做, 睇下九巴敢唔敢收車

[gag mode]一於奉行鴕鳥政策, 只要減班減到脫無可脫, 就自然唔會出現脫班.
橫掂年年都話有大半路線虧蝕, 六月底前應該夠時間幫呢堆路線cut車止血.[/gag]

我都贊成用削線做懲罰, 最好削B1, 960系, 968, 74X呢類十大. 九巴係唔見棺材唔流眼淚.

連老冠都請唔夠人，九記都幾難攪...

如果真係要放線既話，就應該係成個地區D 線放晒/at least 放一半
而唔係求其係老九堆線抽幾條出黎，否則人地公司都唔肯接收啦
你估新界加九龍真係咁細咩，好似港島走圍私都係講緊半個鐘內既事

既然咁多人投訴將軍澳，運吉可以考慮用將軍澳堆線做試點 (係幾條定幾十條就容後再講)
將軍澳就當然俾新巴做啦，有個協同效應，但多線既話，新巴同城巴一齊做亦無不可

我唔知其他區九巴既服務情況，但唔好話我保九，有D野真係要以事論事
就以我住緊既藍田為例，對搭果堆線 (平田、啟田、地鐵站) 都無咩怨言，可能係好多線都係頭站所以實上到
不過有部分線都要彈下既，16M 30分鐘一單，可以無啦啦30分鐘一班 (最勁係1粒鐘一班)
215X 有時真係等極都無，不過尖沙咀/東九龍走廊/漆咸道北塞車可以怪邊個？
15 係要抵讚既，咁多年既班次真係越黎越密，可能因為紅磡區無鐵路服務

平心而論，果堆十大俾新城做係咪真係會帶黎好既改變？我估，最多只係同樣結果
74X - 我唔知佢收左幾多車，但係開源道迴旋處同apm 出入足夠令佢3分鐘一班變5-7分鐘一班
B1 - 九巴係咁加班喎，咁都要鬧？
215X - 塞車位多到...
大家睇下對面海，一樣同受塞車困擾既香隧線，城巴一樣束手無策，日日摩頓台堆線係咁脫班
所以，大家唔好一口咬定係收車造成脫班，主因隨時係塞車造成，收車只係其次，俾着邊間公司做果堆線都隨時脫班

如果係維澳蓮運個case，完全係佢自己問題，削線並非不可，但九巴個case 似乎仲有好多外來因素

原帖由 LM1933@641 於 2012-3-21 15:20 發表
如果真係要放線既話，就應該係成個地區D 線放晒/at least 放一半
而唔係求其係老九堆線抽幾條出黎，否則人地公司都唔肯接收啦
你估新界加九龍真係咁細咩，好似港島走圍私都係講緊半個鐘內既事

既然咁多人投訴將軍澳，運 ...

塞車影響班次唔係呢兩三年既事, 如果真係因為塞車致脫班, 我都可以接受.
我住北區, 個人觀察多條線慣性收車, 70X 下晝六點幾由上水開出, 可以係 35 分鐘
一班, 我寫信去運輸署投訴, 回覆亦係話因有司機 "sudden sick leave". 之前, 本板
有主題列出各線收車字軌, 路線之多, 範圍之廣, 無不令人吃驚.