皇崗口岸有無可能開番深夜公交﹖

午夜後皇崗口岸交通差唔多全部由的士做晒，點解唔可以開番一兩條深夜公交線﹖
深圳紅的即日起收四元附加費了，貴到嘔。

尋晚坐的士先知additional charge又加多1蚊....真係搶$

以前有一條47路去下沙，是開通宵的。後來開到11點收工，之後開了B685就順勢取消埋。

始終皇崗口岸深宵時段使用的對象大多是香港人，通常十居其九一係去飲，一係去浸，一係去跳，一係去滾，仲邊有時間同你等巴士呀！

原帖由 Alex_Tsang 於 2012-3-26 20:02 發表
以前有一條47路去下沙，是開通宵的。後來開到11點收工，之後開了B685就順勢取消埋。

始終皇崗口岸深宵時段使用的對象大多是香港人，通常十居其九一係去飲，一係去浸，一係去跳，一係去滾，仲邊有時間同你等巴士呀！ ...

如果用呢個理論，咁香港呢邊都唔需要有77/44系/旺角綠小。

皇崗口岸晚上係有七元一位，由二十九座rosa行的巴士路線，由皇崗口岸經福田保稅區去下沙。此車約30分鐘一班。開一條路線由皇崗口岸經漁農村，保稅區，益田，上沙，下沙，其實有得做，收返四元一位啦

原帖由 cx838 於 2012-4-1 08:20 發表
皇崗口岸晚上係有七元一位，由二十九座rosa行的巴士路線，由皇崗口岸經福田保稅區去下沙。此車約30分鐘一班。開一條路線由皇崗口岸經漁農村，保稅區，益田，上沙，下沙，其實有得做，收返四元一位啦 ...

師兄一定有成個月冇去過皇崗坐過華通小巴，由3月1日起已經加了價，人仔八蚊，港紙十元，加幅超過40%，次次坐都有人媽媽聲，除左部車企理左，服務冇好過。

早上在上沙好多時四個人夾份坐的士都唔使30人仔，夜晚如果仲早，寧可行去福民新村坐377去上沙。

除左上下沙, 皇崗仲有一條通宵中巴去布吉, 收10蚊位, 不過要行上天橋再直去停車場上車

我其實都唔止一個月冇坐啦，因為藍牌車15元一位，的士25元一部車，小巴收七蚊都覺貴啊。唔怪得最近朝早見佢都冇乜人坐，22座車，都冇6個人，蝕死佢囉。而家大陸柴油，以公司車價都貴過香港啦。