1:120 巴士模型珍藏 ( Keep 住嚟)

話說今日在公司得閒沒事做，上左某著名拍賣網睇睇有咩好車bid，無意中發現左一架疑似某店出品的高清水貼廣告改裝車！

望細相，唔錯，但一放大張相，送左三個字俾自己：嚇鬼死 至於點解？ 我就無謂多講了，原來所謂高清水貼就係咁樣！

標價 29.99 英鎊，計返港幣都唔使 400 ，仲要噴埋油，包埋車，有埋個 code 3 盒  都唔使 600 ，咁咪好抵？

至於係咪真係好抵，我就真係唔敢講了！我今日諗左半日都唔明點解我淨係要一套所謂高清水貼要俾人開價 600 ，仲要係朋友價，既然講得係朋友價，即係已經著數左俾我，咁我都唔好意思還價啦！大家話係唔係呀？

講返正題，今日都係繼續 code3 英國車





好鬼靚，襯到絕！呢架車，噴油連貼紙，100 攪掂啦！

以上內容如有雷同，實屬正路！

回覆樓上 : BSM收你600蚊所謂高清水貼 (唔包車), 唔賺到盡唔通當係朋友價呀 一架咁既 "貓7" 所謂高清水貼鐵底寶要BID成 29.99磅, 仲要配架唔值錢既爛車, 呢位店主真係諗大左.
至於呢架車成本幾多錢, 心中有數啦. 更而且聽聞有歸邊人用左每架10蚊入左60架....嘩 ! 真係大手筆, 唔講太多了, 繼續益到爆系列二 :

又講下故事先！話說公司有一個同事，一直以來都好受老闆看重，又成日擦老闆鞋，深得老闆歡心！有一日，我在洗手間聽到佢同另一位同事講，其實我表面上擦老闆鞋，暗撐公司，但實際上同時幫緊敵對公司做嘢，我心諗原來呢個人食緊兩家茶禮，當我離開洗手間的時候，轉身發現原來老闆都在洗手間入面，他面色即時一沉！唔夠一個禮拜，呢位同事就從此消失了，在呢行，亦有如人間蒸發一樣！

呢個故事教訓我地，撐，一係就明撐，唔好暗撐！同時，食得兩家茶禮係要好小心，一不小心，會付出沉重代價！

故事講完，貼返今日出廠車先！兩架code 3 泰坦，英美大戰





英航特寫





使乜攪咁多野？又高清水貼，又整個不倫不類的盒，呢啲玩具車，簡簡單單咪得囉！

人已歸邊, 你呢位同事見到面say個hi都縑佢口臭啦. 正所謂佢渣開荔廠車, 見屯門南廠有利益有好車渣, 就暗地裡撐屯門南廠, 但返去荔廠崗位時又成日 "魚蝦蟹" 屯廠差, 葡萄別廠的維修, 又話好多人講出佢對屯門南廠既心底話. 最後呢位荔廠人兄日日如是, 舉旗不定, 無目標, 無方向. 繼續撐屯門南廠, 卒之攪到人唔似人, 鬼唔似鬼...最後比人燉埋冬姑, 依家做埋鬼...見到面hea hea hea....
所以點都好, 做人同做生意都是一樣, 要有方向有定位有人緣, 唔係改左架廣告鐵底寶出來示下威擺上網賣咁簡單..
唉...不過點講都係牛皮燈籠, 面子大過厠紙. 多言了..
繼續發益系列三 : -

有DMS 無理由無TITAN 呀







P.S. 最近好多版友PM OR E-MAIL我呢間是什麼舖 ? 唔好意思, 係呢度唔方便講, 不過聽聞這間舖個名開始有少少濃味, 大家估下吧

繼續發益系列






前日真撞鬼, 行去天后探下阿叔, 順便望下有乜野好車, 點知見到有一架mild seven鐵底寶, 嘩, 真係核突到想...
水貼又甩色透底, 銀線劃上去, 成日標榜自己係高清水貼, 係睇唔到有乜野高清囉. 仲要配埋咁既車, 仲賣到280蚊, 扣除阿叔既錢, 咁既車執成200幾蚊, 真係發到豬頭, 毫無誠意之作.

不過聽聞都賣左一架, 有人又會沾沾自喜.

[ 本帖最後由 板田 於 2013-1-21 15:22 編輯 ]

想當年，荔廠收我50元一架幫我翻新啲舊車，本來我都覺得ok，但佢噴油技術日益退步，屯門南廠見一次就鬧一次，又話人慳膠紙，懶，唔識噴，總之彈到一文不值！事實係點？冇錯，的確係咁！不過有樣嘢真係好好笑，依家屯門南廠竟然要荔廠幫手，我諗極都唔明，不過應該得一個原因啫，四個字：利益輸送！而屯門南廠亦唔好得去邊，自以為是，從不接納別人意見，見到他人的作品，只識彈，從冇讚，改出來，就只會自己讚自己靚，在自己公司的面書同自己拍檔讚好，講出來都好笑啦，好唔好係人地讚而唔係自己讚，自視過高！

以下係荔廠當年幫我噴的



以下係我今日親手翻噴的



我由唔識噴，到噴到出晒界，到今日叫做拉到條直線，頭尾只係半年時間左右，雖然未算好好，但我自己俾自己有60分，我還有很多要改進的空間，有好多要學習的地方，人家給我意見我會接受，批評亦可，因為我覺得咁樣我先會更努力去做好一點！有好多朋友都有同我交流噴油心得，我從而學到好多野！而唔係下下只識得踩人地做得唔好囉！根本唔需要理會人地做得好唔好，你係做得好嘅，就自然會有人欣賞！

比多幾張相大家對比下



















[ 本帖最後由 DA21 於 2013-1-23 05:11 編輯 ]

回覆樓上, 以前既噴油車算啦, 大家對荔廠d手工都心知肚明. 衰還衰, 荔廠都歸左邊, 分分鐘可能做埋小股東都唔出奇.
繼續發益系列.




number 68 雞終於翻新出廠
估唔到張貼紙咁高清, 自己執埋圖, 噴油, 貼紙及打印都唔駛600蚊, 駛鬼靠果間店幫手咩

回樓上，荔廠應該上左位，做左老闆！不過靠啲咁唔見得光嘅小動作去上位，祝佢坐得穩啲，如果唔係，一跌落嚟，我驚佢真係承受唔到，分分鐘又歸返我呢邊就好笑！

以下呢架車，全車由拆散，起油，上底油，噴油，執圖，print 貼紙，上貼紙，裝配返架車，都係我一手一腳包辦，前後只係兩日時間！改架車要半年時間，真係嚇死人！原因係乜？大家估下啦！





個design 好似當年吉百利“花街“朱古力個盒咁！簡簡單單就可以將一架冇用嘅車重生

又回下樓上先 : 原因係咩野, 真係要數都好多喎. 不過我總以為有競爭才有進步, 點知原來都係一直原地踏步.
而令我最為相信係佢改完的作品, 有部份既買家都會"媽媽聲"拿去別處再找人執手尾, 所以一架1200元左右改車費, 值唔值得比真是見仁見智.
正如樓上k廠所講, 拆車, 噴灰, 噴油, 做圖, 打印都是自己一手包辦, 出來的成本點會超過佢地報價600元 ?

以下呢架又是一個例子, 全部都係k廠一手包辦




而荔廠果位無間道人士, 我地唯有放長雙眼睇下點樣 ?