1:120 巴士模型珍藏 ( Keep 住嚟)

三不像鐵底寶？？我都有幾架喎！！

而家手機貼相真係方便！！

3年前有一位仍未開店既人兄做左一架米酒雞, 當時既我滿心歡喜就叫呢位人兄比埋錢做左一架米酒雞一架米酒寶, 有相有真相 : -

相片中仲好清楚是2010年3月13日, 當時架車仲係呢位人兄個溫心老契牛老闆個總修中心內

3年後既今日3月11日, 呢位人兄終於改車舖又開了, 生意又做了, 600蚊所謂高清執圖費又報了, 有人又拆開了, 有隻騾仔又走佬了, 牛老闆又歸邊了, 所謂好多了...之後我決定再重做一架新既米酒雞, 當然都係有相有真相, 去相先

左車身, 上面是3年前某人所做既車, 下面是3年後我重新再做既車


右車身, 同樣上面是3年前某人所做既車, 下面是3年後我重新再做既車


車頭, 左面是3年前某人所做既車, 右面是3年後我重新再做既車



車尾, 同樣左面是3年前某人所做既車, 右面是3年後我重新再做既車


車頂, 上面是3年前某人所做既車, 下面是3年後我重新再做既車


再近少少睇下新車效果

再拍埋一齊睇下

對比返新做既米酒雞, 我好明白咩野叫高清(High Definition), 記住係High Definition..... 成架車字又清楚, 圖又清楚, 又唔化又唔起邊, 最緊要係成架車價錢方面, 執圖出水貼唔駛好似某人兄所講連工包料未計噴油要600 / 架, 不過我知道他所報的只是朋友價, 記住係朋友價, 因為人地以1:76標準來做指標.
點樣都好依家新車已改好, 舊車既字又繼續化, 原來新車出來既效果仲比某店好, 所以話唔好成日標榜話自己出高清, 唔係你先可以做到, 其實我都可以做得到
不過呢排怨氣重, 都係唔好影響人地包萬寶路

回樓上，多謝解答高清 (HD = High Definition), 到了今日我先明白原來高清係咁解
如果當時我決定以 $600 / 架幫襯某店，咁我得到既所謂高清車咪即係等於你架舊米酒雞咁既樣？唔係卦？好在我當機立斷，無幫襯到呢間店者，如果唔係，我咁辛苦噴既油就前功盡廢了

都係果句啦，高乜鬼清呀，靚咪得囉，高唔高清，唔洗成日係面書度寫明既

貼相先，早排出廠既 COLOUR EIGHTEEN










事先聲明，呢架 COLOUR EIGHTEEN 長寶無真車，車尾亦係我自己估的，唔好到時抽我水話我唔跟真車整!

PS ：想當年，我有個老友幫襯某店，改架健牌 3N，我老友問店主有無相，佢話有，咁結果整出黎，一架車計埋車頂，五面錯四面，咁我老友當時好慶，俾左千幾蚊整"高清"廣告車，但換來係一架錯漏百出既車，我老友當時問過店主，話點解架車可以錯成咁？跟住店主答：我地都係靠估架咋 我老友心諗，下？靠估？唔係卦，收我千幾蚊你同我講靠估？到最後，我老友搵到相啦，叫佢照整，但改出黎都仲係錯，而且錯得好離譜，跟住相整都錯，我老友已經無言了，最慘係佢放架車上某拍賣網賣，但一直都無人問津，我都戥我老友慘，千幾蚊就咁就跌左 結論就係，原來整 1:76 高清廣告車都可以靠估黎整，咁我呢架 1:120 COLOUR EIGHTEEN 長寶靠估黎整個車尾絕對唔過份啦
PS 2 ：某些人，無人逼你地睇呢一版架，唔睇，怨氣就無咁重啦

[ 本帖最後由 DA21 於 2013-3-12 19:56 編輯 ]

做人同造車一樣都要好似呢隻熱狗巴士咁有大有細。如果莊閒不分，唔識三思後行就好弊了

依家手機貼相真方便
入主題：今日 （16/03 ) 1:120 BUS RALLY 再次取得成功，今日要特別鳴謝老友借出場地，另外更要額外鳴謝兩位資深巴士迷提供珍貴廣告照片，有好多罕有廣告，有車尾，有車頂，真係大開眼界！

由於恐防有人盜取相片，所以只係貼一張大合照算了！

今日展出 120 架雞車再加約 150 架其他 1:120 巴士




以後陸續有嚟！再次多謝今日有份提供展品的廠長和老友們，亦順便多謝自己

[ 本帖最後由 DA21 於 2013-3-17 02:13 編輯 ]

呢個都好有霸氣！！

各廠長注意，呢排忙於搬屋，加上天氣非常潮濕，所以驗車服務要暫停一段時間
而同一時間，某店店長非常勤力，連平日都返黎開工，睇怕好快又有新既"高清香煙廣告鐵底寶"出場了

至於我地呢 d 一向被認為低清既，就一於少理，繼續出車，都係果句啦，玩具車黎者，高乜鬼清呀，自己覺得靚就得

又抽完水喇，貼下上次有份出 show 既車先







呢兩架 TITAN 係我同咁多位廠長去完新加坡益完熱狗返黎之後自己創作的，記住，真車係無呢隻色架，而架 SBS TRANSIT 我仲唔小心噴漏左前面隻紫色添，不過無乜所謂啦，我自己覺得靚就得啦，而 SMRT 呢，就更加係無雙層巴士既，所以呢隻色亦都係我自己創作架，唔好到時抽我水話我唔跟真車整呀，因為根本就無真車

PS 聽聞將廠廠長又過左新加坡，唔知係咪好掛住個黑鬼呢 定係靜靜雞過左馬拉食海南雞呢

依家好多人改玩具車(我地當1:120係玩具車)下下當真車改, 尤其是某店將玩具車當1:76模型又話要高清圖, 又要收人600蚊/架執圖費.  

大佬呀, 依家做玩具車, 自由創作上下現實或模擬廣告, 如果下下同你講要做高清圖跟真車一樣, 你有幾百萬身家只係益左D奸商. 人地收你錢會唔會下下用心幫你噴油 ? 唔會囉, 因為人地連條底邊都唔噴

.  人地收你錢個廣告會唔會跟原車一樣 ? 唔會囉, 因為人地連真車都未見過, 只係靠估, 好似架3N健牌一樣. 人地收你錢時又見你個樣益益地會唔會即時幫你做 ? 唔會囉, 因為只有佢會講有好多單未知幾時做,幾時有圖, 唔會即時比個改車時間你 . 人地交貨比你時你會唔會好開心 ? 唔會囉, 因為好多人都要事後要找人補穫 :lol 所以以上例子, 唔係純粹虛構, 而係經常出現. 不過呢期怨氣大, 千奇唔好對號入座
一架虛構作品玩具車, 丹拿74 清潔香港廣告

加埋一架TITAN 合照

尋日有位板友私人pm 我, 問我地以上講既事情是不是真實 ? 我話講得出黎, 絕無老作, 唔會好似d 廣告巴士咁, 創作出來去砌人生豬肉.仲問我點解唔開名係咪有一些私人恩怨 ? 我回佢話, 係呢個咁 "和諧" 既網頁開人地名, 即係想我比admin ban 或者逼人地提早結業, 我話唔會做一些損人利己的事情, 我更希望佢地做好d, 繼續賺人地多d錢, 做多d佢地認為係高清水貼車, 去造福巴模界既朋友, 我咁樣祝福佢點會有私人恩怨呢 ? 只是該店有人仍唔知道自己錯了什麼 ? 思想葡萄罷了.

之後我反問他 : 有沒有去過呢間舖報個價 ? 他說 : 有去過, 不過好像有點古怪, 我問有什麼唔妥, 他沒有答我便走了......

希望我之後再可以聯絡呢位板友, 再睇下佢遇到什麼事先

清潔香港第二波, never any excuse to offer HKD600 / bus for High Definition

水貼

[ 本帖最後由 板田 於 2013-3-27 11:35 編輯 ]

回樓上，我都收到唔少 PM，當中不少師兄問我，究竟件事係唔係真係如我所講咁樣呢，我話事件當然係千真萬確啦，無中生有的事我係唔會講的! 而且咁大個人，對自己講的一定會負責任，講得出就要承擔後果!
我並不會像某人咁，講完成件事，而且係真人真事，但轉個頭成篇文 delete 左，以為當無事發生，唔會囉，而亦好在我一位老友當機立斷，將成篇文 backup 左，結果當事人無所遁形

所以話呢，呢個故事教訓我地，做人呢，夠膽講就要夠膽承擔後果，講完又要縮，又要威又要帶頭盔

又到講故仔時間，以下呢件事亦係千真萬確，話說，當年我見到某店店長做左架 1:76 KCR TITAN，而我亦好鐘意 KCR 呢隻花，但當時我仍在學師階段，心想："整出來未必靚喎"，不過既然自己噴功未到家，呢架難度亦唔低，我就抱住一試既心態黎整下，結果整出黎，效果都算唔錯喎，起碼過到自己果關! 我睇過架 1:76 實物，睇相一流，近睇就 ，真係嚇死人

廢話少講，睇相先 不過仍然等候紅線水貼










此車的 KCR LOGO 乃某店的 HD 水貼，但因紅線做唔岩位，所以我成張掉左落垃圾桶! 現正等候人地口中所謂的"LD"水貼

PS 呢架車仲有一段鮮為人知的故事，話說當年我噴好左油，拎呢架車出黎俾某店長過目，換來第一句竟然唔係讚彈的說話，而係俾人問候娘親 話我做乜抄襲佢版權，我當時呆左，噴架車者，點解又有版權又俾人問候娘親呢，我心想，呢位店長改咁多車，全港各大巴士公司既車都有改過，印埋人地 LOGO 去賺錢，咁唔知呢 D 係唔係叫侵權呢？我噴架車都係自娛，同 D 廠長交流下，又唔係賣，都唔知點解會俾人問候娘親