1:120 巴士模型珍藏 ( Keep 住嚟)

Sorry Deleted!

[ 本帖最後由 DA21 於 2013-9-19 01:35 編輯 ]

果然效率高,正！唔該哂！可以幫我加埋果條迷人既黑缐嗎？

原帖由 DA21 於 2013-9-17 02:58 發表
回樓上，容許我再重申一次！我地做車唔係要公開發售，只係小圈子自己人做批車玩下！我地專程去揾廠做貨，起模到做出嚟嘅貨，數量有限，所以成本會好高！唔係我地自私唔想賣，而係我地做出嚟嘅成本真係唔平，我地唔想一開價之後聽到：“嘩，乜 ...

我真係好有興趣想要，咁可唔可以私底下pm我讓一兩部俾我呀???/

原帖由 andylui1103 於 2013-9-18 00:37 發表


我真係好有興趣想要，咁可唔可以私底下pm我讓一兩部俾我呀???/

點解我講完話唔會賣出街你都仲要問我可唔可以私底下pm讓？

我讓得俾你又對其他師兄唔公平！之前已經有好多師兄問過，我真係無能為力！

而且啲車已經分好晒，啲老友都已經找晒數，唔通我叫佢地嘔返出嚟咩？

sorry....我諗係我表達得差啦，我對上幾個留言都係話下次再有新車可唔可以讓一架俾我。
不過既然唔方便咁就算啦!

回樓上，的確係唔方便，而且某店喺呢一版好多鬼戶口，所以我地係唔會打算將啲車分俾我地唔識嘅人，希望各師兄明白
回大埔一廠廠長，你的DL已加上迷人的黑線，並將首航14號線

仲有少少手尾要執執，下星期就可以正式出廠喇




你睇下我對你地幾好，我自己嗰架都冇迷人嘅黑線同 K 廠及將廠 DL 合照




PS 廣告部已開工執圖，我地手頭上有齊四面相，出嚟一定跟足真車，而唔似得某店嘅執圖嗰位名牌周先生咁用DM
車尾個圖嚟整 DL，出到嚟又係錯到七彩，如果我係佢啲客，俾成千幾蚊，整架錯漏百出嘅車，我情願幫襯姜太公好過



[ 本帖最後由 DA21 於 2013-9-19 03:20 編輯 ]

萬分感謝,我覺得我果部有黑缐好迷人

各位廠長, 新車已經開發及進行中, 等待下星期出圖及打板出黎, 今次出來既效果好有信心會比DL好, 請各位準備好紙巾
回樓上DA21兄, 你又唔駛咁慶既, 講左比呢位人兄聽唔賣咪由佢囉, 總言之自己圍內人大家HAPPY就可以.

我再重申一句, 做出來既車只係提供我地圍內人之間訂購, 因為價錢高而且數量極度有限, 所以不會接受外人訂購, 希望各位諒解及明白

回樓上ML55兄, 你就好啦, 有條迷人黑線仲要掛14號去赤柱, 真係未見過史上咁益既事, 抵你發達. 請準備現金, 下一部車已經進行中, 包你幾盒紙巾都唔夠用


另一架已上經典廣告既雞車





好彩以上呢個廣告雞車只係自娛, 唔係用來做宣傳做生意, 如果唔係一定好似某店咁樣, 家醜傳千里. 所以果位周先生D資料唔係樣樣正確, DM永亨廣告以為同DL一模一樣, 好彩我地有證據, 原來錯漏百出, 又係靠估, 唔知周先生係咪無間道要累佢個金主面朦朦呢

銀紙,厠紙皆準備好
我喜愛線條美丫嗎
今次益處未算益,下次12米車首航可能係9,13呢

又回樓上，中巴當年上廣告，就算同一個廣告都可以有好多個版本，永亨銀行同一隻色上過 DL20，DL34，DM11，而某店呢，就同一時間做左 DL20 同 DL34 出黎，兩架如出一徹，名牌周以為三架車一樣，所以就一架車將三架車既廣告三合為一，DM11 個車尾同 DL20 ，DL34 既字係唔同架，無車尾相就唔好搏啦，而 DL20 同 DL34 都係唔同架，收得人千幾蚊，連真車既相都無，一味靠估黎整車，邊得架？我就戥俾左千幾蚊果兩位人兄唔抵喇
至於 DL20 同 DL34 有咩唔同，而車尾究竟係點樣既呢？我就無謂講喇，費事人地一陣多謝都無聲就偷左我張相去

既然人地都靠估黎整車，我就索性玩大 D ，直情虛構一架出黎，第一，我唔係收人錢整車，第二，我要黎自娛既者，第三，每年一度既大集會 ( 而唔係當年某人口中既唔知乜野集會 )

廢話又講完，去相，SOGO DL 配 260 中環 ( 黃底紅字牌 )   無人夠我益喇卦





咦，架 SOGO DL 後面有張 DL34 既永亨銀行車尾相喎

[ 本帖最後由 DA21 於 2013-9-21 18:54 編輯 ]