1:120 巴士模型珍藏 ( Keep 住嚟)

等左3年又3年, F15動物園版終於到手
雖然殘殘地, 不過好過無, 因為實在太難搵, 就算搵到都好貴.






P.S.有人又做二仔底

吾知道有冇高手會油返架DL 做DL1新車時既獨特色彩 或整架中巴末代銀豪果隻色玩下呢? 整到應該會幾正

回樓上, 油DL1出廠既顏色機會好微, 上銀豪色更加唔會, 因為我地始終都係上舊廣告為主. 當然都會睇下各廠長意見係點樣, 希望將來有朝一日會安排到啦. 而且我地又唔會好似某改巴士店二仔底死跟, 我地有既舊廣告資料, 佢地就未必有, 而且有機會仲係靠估. 正所謂無料辦四條, 胡周比人 _

好了, 又一架雕雞/鴨噴好油, 準備入廠, 當然都仲係以紅色為主








好快又到3月了, 月中要開始籌備第3架車, 當然又係熱狗, 我相信各廠長都會好震撼, 到時將會有大把懷舊顏色及廣告比你地玩

呢幾日忙到命都無, DA21兄忙住執圖改車, 我就攪緊自己廠既雞車, 構思黎緊既廣告車...等等.而且黎緊既時間又要準備新車去工廠傾開發問題, 所以工作永遠都做唔停, 都係為求有車玩, 各廠長有車益.

剛剛返黎既廣告雞車之一, 出返個原味, 又估下呢架係中記時代係LV咩NUMBER ?





P.S. 睇怕好快又有人二仔底

各廠長既出品加故事簡直精彩,為小弟帶來一個夜晚既娛樂~
雖然各位既出品好到我都差d忍唔住想問有冇得出售~
不過亦明白各位廠長既立場或底線~
只希望各位廠長能夠有更多精彩既出品同故仔上載上網~
能令小弟繼續大開眼界就好了~祝各位廠長未來有更多好作品能上來分享

DM身0既LV可謂小弟0既回憶中最常出沒0既車種...
(竟然連落車門前0既單下橫位都有埋... )

服0左各位0既「大手筆」演出...

PS 連小弟都想出自家1:130...(有意就PM內進啦...)

小小意見或問題:部DM身既LV上層窗是否大o左d???可不可以整番細少少???
細少少應該會更靚~~

潛水好耐，終於浮返上黎
呢排忙於整理一個好經典既廣告，所以都無乜時間幫各廠長處理訂單，不便之處，敬請原諒

執開圖有時間，順便幫之前架中巴 LV 上埋個牌箱玩下，DUPLE LV 當年真係行 111 字軌架




請各廠長耐心等候

回樓上kps板友, 你所講係咪車尾上層個尾窗 ? 車已經做左出黎, 相信改的機會都沒有, 不過無論車窗大與小, 各位收到車既廠長都沒有投訴, 每一位都贊賞這款車的外型近似真車. 始終我們是剛剛起步做車出來玩, 好多事情都要經過學習去改進, 正如上一款既DL, 我收到好多意見要做好車門, 所以這架DUPLE我好落力做好車門及外觀, 唯求各位廠長滿意. 之前已經講過, 這款車總共打了3次樣板, 才出到這個效果. 希望黎緊第3架車, 會給各位驚喜, 因為我已準備好資料去工廠開會商討做車既計劃.

八佰伴廣告已經出爐, 鳴謝一位高手劃圖, 當然唔需要600蚊劃圖費啦. 都係呢句果間巴士改車掂有本事開人600蚊, 又無本事做好佢, 我寧願請人地食餐好既飯, 都好過益佢, 反正呢啲佢認為係做生意既樂趣, 真係  笑大人個口了
P.S. 呢個圖仍然有部份要執要處理, 因為八佰伴個字仲有瑕疵, 希望好快會改進好.  





[ 本帖最後由 板田 於 2014-3-9 23:34 編輯 ]

回樓上，今次到我做二仔底先
嗰間舖仲提嚟做乜呀，嗰位胡生淨係識噴油，執圖？咪玩啦！咁樣就以為自己叫做識改車？

講得多都嘥氣，我都一味死跟




板田兄，你有你嘅雞車，我有我嘅95呀，唔知某店嗰位無間道人兄會唔會用鐵底寶整呢架車呢