1:120 巴士模型珍藏 ( Keep 住嚟)

小弟初黎報到,平時玩開1/76巴模今日行過屋企附近既文具舖,
咁啱見到有卜三力95號平寶,當然仆住吟荷包比錢啦
多口問老闆,仲有無95,佢就問我要幾多架
小弟唔貪心,買住兩架返屋企先
另外部川崎BK117 C-2直升機就得返一部
P.S.95號每部$36,直升機$32,但價錢牌有文具舖名,所以搣咗價錢牌,費事比某人買斷貨,搞到其他細路無得買...利申：小弟住土瓜灣


[ 本帖最後由 HJ2127s 於 2014-6-8 17:55 編輯 ]

果時又話我估吾中,而家咪真係整尖頂寶同12米熱狗

原帖由 板田 於 2014-6-6 14:53 發表
前晚終於收到第一次樣板, 原來仲有好多地方要修改, 所以呢我都決定要打回頭再改今次玩大D, 一次過做兩架車出黎, 睇下做邊架先都要各位廠長投票決定.

昨天已給兩個廠長睇過樣板, 一致都覺得今次出黎效果 ...

回樓上, 咁易比你估中就唔好玩啦, 不過呢兩架車都係大勢所催, 今日唔做, 遲早都會做, 只係時間問題吧
終於係台灣充完電返來, 又要投入工作. 今個星期就要決定做邊款車, 收集了好多意見, 包括資深巴士迷等等....你們的意見, 我已經放左入腦, 好快就會同工廠商討生產工序及所有車既細節問題, 包括骨位, 外形及內籠, 當然有地方修改會有好或不好的情況出黎, 不過都係呢一句, 做出來既效果一定會比之前既進步, 希望各位朋友及廠長耐心等侯,  並準備你們心目中的顏色及廣告

以下是之前已完成既泰坦顏色, 原來真係咁好玩

到我回下文先，首先歡迎樓樓上位師兄入黎
不過我覺得你貼文好似別有用意 首先，我想話，95 珍寶依家又未絕版，而且個模又比以前肉酸左咁多，$36 一架你都好似執到寶咁，仲要唔話俾人知係邊度買果下攪笑，仲話驚某人全部掃清，我睇完差 d 笑到反凳 對號入座先，我係係土瓜灣某樓上舖賣 tomica 既，我想話你知，要 tomica 95 珍寶既話，只需同代理訂貨就可以，而且仲有批發價添，大約 $25 左右 再者，你千萬不要亂說"掃晒"呢兩個字添呀，因為據我所知，代理仍然積存左大批 95 係度，要掃晒，我都唔知幾多錢先掃得晒

其實係上個月，我上一上日本拍賣網睇睇，95 珍寶多到嚇死人，我見到有個拍賣一次過放 17 架，仲要全部日本製，有盒，到最後埋單都係 6500 yen 左右，我俾人賺埋手續費，佣金，返到黎我手除返開都係 HKD$45 左右一架，每架都只係貴你 HKD$9 咁大把，但記住喎，係日本製，舊模喎

今日特登執返出黎影下相




開盒




舊模，清楚睇到 MADE IN JAPAN




另回樓上板田兄，熱切期待新車出場

以下一套尋日入廠, 特別鳴謝DA21兄已一個筍價割愛


好了, 已聯絡工廠standby, 下星期準備開工做車, 請各位廠長whatapps, we-chat 我入貨數量

這個星期繼續忙著去改模, 應該月底會正式生產, 請各位好友繼續等待.
雖然好忙, 不過都不會忘記攪埋淨低既泰坦

呢幾日唔使溫女將啲DL上埋廣告先
嚟緊又有咁多LF要入總修，整死人咩

貼相先，DL26 是日特見行鴨仔線

~~ 聲明一則 ~~
由於缺乏金主資金, 前境未明朗, 再加上有人以為有d車係佢就唔單聲攞哂, 令到點算數量混亂, 更加有人因為結識異性, 令其財政不能負擔. 所以本人做好ML及LF之後便正式結束, 唔會再安排做車.

而今次決定令到各方好友沒有車益而做成情緒低落, 大小便失禁, 有自殘傾向. 本人身心感抱歉, 並會協助轉介心理醫生跟進閤下情況. 特此聲明, 新車後會無期.

臨別秋波之作, 兩車仍然有地方要改

以上仍有地方要修改, 待工廠改好後便會正式生產, 希望這個最後之作, 可以令到各好友有一個好好既紀念. 由於同工廠有保密協議, 所以敬請不要向我查詢工廠資料

[ 本帖最後由 板田 於 2014-6-25 12:06 編輯 ]

如果以之前DL,  LV作比較, 此兩車之輪拱好似稍為貼近了下層車窗 , LF是否放棄了車身車門制及訊號燈?

想問可否影一張 四車合照, 即四車車頭平排影一張, 想一次過比較下各車之高度

此兩車之車頭車尾都造得好神似

[ 本帖最後由 ME19andG316 於 2014-6-25 18:52 編輯 ]