96R調整班次

原帖由 gn3509 於 2012-4-1 23:41 發表

96R都話有一程到市區既優勢，275R乜都冇，貴又貴過人，又唔係快，
索性cut到用1架車，學291R咁淨係做大美督新娘潭駁腳，30分鐘一班，
其餘既車拎黎開條75S大美督不停站到大埔站特快同20C死過仲好 ...

其實275R可唔可以拉埋落鹿頸一帶，因為新娘潭比較「刁鑽」，除左BBQ同行山客會坐(又唔似20C咁入埋烏蛟騰)，
如果去到鹿頸附近可以多d客......(除左BBQ/行山客外，仲有其他生客)

(不過小弟淨係去過兩三次，有冇師兄可以講下，而家既細車過唔過到鹿頸總站<->沙頭角公路........?
我只知幾十年前九記鹿頸有線開過)

唔止　96R 的服務不夠全面　去海下的人，老早就在西貢轉車
或者，今時今日入西貢，唔係九龍彩虹就一定最近最方便又轉到地鐵
沙田、馬鞍山馬鐵、坑口等地已經好多人改為於此地轉乘，九巴的服務抓不緊乘客需要
仲要市場上幾個競爭者存在，當然Cut 班是必然啦
西貢往市區、港鐵站，四方競爭wo
老九：92, 96R（九龍）
　　　99, 299（沙田）
新巴：792M（將軍澳）
小巴：1, 1A （彩虹）
　　　101M （坑口）

所以……

原帖由 LM1933@641 於 2012-4-1 23:57 發表
96R 始終人流比較單向，個問題真係幾難處理，但去到18分鐘一班真係幾唔合理，希望九巴會適時制宜啦
其實 96R 可唔可以cut 走 1100 - 1500 之間既服務呢，始終依段時間無乜人出入西貢
咁樣可能會幫到九巴改善營運狀況:victory ...

其實99拉去烏溪沙站後，假日時間明顯多左人坐99，特別係由西貢返烏溪沙..

另外，275R，問題係新娘潭總站唔就腳，不過綠小20C特車班次俾275R更不穩定，都有唔少行山客多行幾步落到新娘潭坐275R走人o既

原帖由 cheungtszfung 於 2012-4-2 00:00 發表

所以唔明點解當年取消289R之前係無試過拉入去黃石去試下救線，去到北潭涌半天吊......

個人估計(有錯請指正)：
1. 當時入黃石條路行唔到大車(289R既派車係AV)，雖然唔知後來條路有冇擴闊/整過，但N兩、三年後城記開698R都派大車入去(聽聞拉入黃石果陣都照用大車)。另一方面，九巴唔敢/肯試大車入去。
2. 拉長入去要加價(見698R)。
3. 會唔會係當時黃石個巴總放唔到太多車？當年289R雖然都唔係用好多車，但假日94/96R用車都唔係少。[已知：碼頭曾經重建過/做過工程。]

當年289R接近吉車遊街, 所以路線取消了

原帖由 DT716@71A 於 2012-4-2 01:58 發表
唔止　96R 的服務不夠全面　去海下的人，老早就在西貢轉車
或者，今時今日入西貢，唔係九龍彩虹就一定最近最方便又轉到地鐵
沙田、馬鞍山馬鐵、坑口等地已經好多人改為於此地轉乘，九巴的服務抓不緊乘客需要
仲要市場上幾個 ...

搞爛gag? 96R兜入海下？ 放去F1板貼文都俾人投訴啦

十幾年前, 唯一有合理對外交通就係大網仔路,
冇人估到今日會咁多村巴,
西灣亭有15分鐘一班小巴, 水壩有定價泥的,
連94都開得密過92, 呢樣以前真係發夢諗。

因此, 入郊區唔需要再死靠96R, 去其他地方又得, 所以入去程車少人。
但出市區新既選擇都係收得早, 我六點去到壩尾冇泥的, 難道再行兩個鐘出市區？
所以大家會乖乖地由北潭坳 / 黃石走, 96R出市區仍然頂閘。

我唔知實際車務運作會點, 入西貢cut車我冇意見,
出九龍都cut, 上唔到車難道叫人係大網仔流浪？

其實今次96R所謂的調整班次，只是九巴官方式話減班，實際上是看需要的，必要時會加密。

96R呢條線在班次上的調動是相當有靈活性的(鑽地/西貢/黃石站長處事係比較靈活)，
我親眼見過唔少次在鑽地96R未開頭班車已經有超過200人等，站長都識得叫提早開頭車，
最誇張試過07:35前已經開走左3班96R，仲要打上台問想調埋91/91M/92短車落96R，
套返d大車去91/91M/92，所以而家所謂的18-25分鐘，我相信都會因應客量而加密班次，
就算之前12-20分鐘年代，96R多人坐起上黎，我見96R可以做到5分鐘開一班，唔通有錢
都唔賺，多人到爆都死開18-25一班咩？

其實96R即使一程是吉車(呢條線客量只是單向多人)，但係都好賺過92，
96R是無轉乘優惠，92就多轉車客/半價客，就算坐爆都未必有錢賺，
而96R只要坐滿一單車就已經穩袋成千蚊，我諗92做一轉都唔知有無一千蚊落袋！

96r又真係貴我去北潭涌果頭都係92-->94算數
爭成5蚊wo

原帖由 kwyeung 於 2012-4-2 10:17 發表


搞爛gag? 96R兜入海下？ 放去F1板貼文都俾人投訴啦

十幾年前, 唯一有合理對外交通就係大網仔路,
冇人估到今日會咁多村巴,
西灣亭有15分鐘一班小巴, 水壩有定價泥的,
連94都開得密過92, 呢樣以前真係發夢諗。

星期日正正就是西貢各公共交通最賺錢時間，NR29收$15一位，
一個鐘一轉車，出四架車跑，可說是浩名巴士的黃金路線，
睇住以前即使假日也是得幾班車的29R，做到而家機動加班，
西貢鄉郊地區的交通真是改善左好多好多。

以前西貢的公交服務真是很死板，94假日一小時一班，仲疏過平日，
去海下仲要在北潭涌轉7號小巴。可能自2003年SARS之後，多了市民
開始喜歡親親大自然，西貢呢類地方就自然多了很多人去。

原帖由 LM1933@641 於 2012-4-1 23:57 發表
正如上面所講，行山客行完見攰，真係有乜車上乜車 (同時候，94都係班班頂閘出西貢)

絕對是重點，行山客行完幾個鐘頭山，第一時間通常都係盡快返屋企沖涼休息，好多時連的士都會照殺！

小弟近排做開的士假日替工，試過幾次元朗經荃錦公路出市區搵客，結果次次都在51沿線接到客，
有一次下午四點幾上到荃錦公路頂巴士站，直情同時有三組客爭住上我部的士(應該是等太耐51又上唔到車)，
最後有幾個夾硬衝上車話去大角咀再去何文田，我先開到車走，果幾組客真係差點為坐的士落山而開片，真誇張