巴士新聞檔案：班次不穩 251M候車需半小時

以下報導摘自2000年12月8日《明報》新界西專線

編輯先生：
本人發覺九巴251M的服務甚有問題。一是班次不穩，經常需候車二十分鐘，甚至三十分鐘，才見有車到來，
且常出現兩車齊來的情況。二是候車時間長。早上七至九時的繁忙時間，在吉慶圍站及蒙養站的乘客往往要
等二至三部車才上到車。下班時間在大欖隧道轉車站候車，也經常要等十五至二十分鐘才有巴士到站，但一
車不能載滿排隊的乘客，須等另一部車，所以，不少人要在大欖轉車站候車半小時才可上車。

現本人對九巴有下列建議，一是加密班次；二是穩定班次；三是從實際服務中了解錦田居民的乘車時間，因
有不少尼藉人士不是朝九晚五一族；四是設立特別線如由錦田前往中環、葵芳等地。

此外，亦希望運輸署考慮在錦田區引入專線小巴往荃葵或九龍。以疏導錦田居民的交通需求。

　　　　　　　　　　　　　　　　　　　　　　　　　　　　　　　　　　　　　錦田居民梁先生

運輸署署長回覆：
九巴251M號（青衣機鐵站至錦田八鄉）繁忙時間的基本班次為八分鐘一班。根據調查，該線早上及下午的
平均乘客量約為七成及八成，反映該線現時的服務水平基本已能應付乘客需求。

不過，由於251M號為一條長途的循環路線，班次較易受到路面的交通情況影響，巴士公司已因應交通情況，
在錦田中途站開出額外特別班次以疏導乘客，減輕因交通阻塞導致班次延誤而對乘客構成不便。

現時，錦田居民除可乘搭251M號前往荃灣及青衣一帶外，亦可選擇在大欖隧道轉車站轉乘68X、269B、
269C、269D及968號等路線分別前往佐敦、尖沙嘴、觀塘、沙田或港島等各區。此外，錦田居民還可以乘
搭途經荃錦公路的51號（錦田至荃灣碼頭）。

雖然上述公共交通服務已能應付現時的乘客需求，但是本署已備悉增設錦田對外專線小巴服務的建議，並會
在規劃未來新專線小巴服務時，加以考慮。另外，本署會繼續留意251M號的服務，在有需要時要求巴士公司
進一步加強該線的服務。

251M背景資料：
12年前的251M往來青衣機鐵站至錦田八鄉(循環線)，錦田區行車路線為逆時針方向，先經錦上路東行、
然後利用錦田公路西行返回青衣方向，官方全程行車里數49.1公里，行車時間100分鐘，收費$8.4。

初時為配合需求，早上有由錦田起載往青衣的特別班次，很快便以提早青衣頭班車時間取代；另於午夜時份
設有青衣單向往錦田的特別班次。

錦上路西鐵站啟用後，251M雖設定為雙向服務，但錦田居民利用西鐵往返各區更為便利，需求不斷下降。
在巴士公司節省成本的前題下，終敵不過路線重組的大趨勢，成為今日往返上村的251M，以及往返八鄉路
及上村的251A循環路線。

個人感想：
咁多年黎小弟只係搭過兩次251M，除左年多前去錦田影相搭過之外，最深刻就係第一次為左遊河而搭，一嚐
全港最長循環線既滋味。當日係1999年8月30日星期一，由荃灣南豐中心對面登上AV270 HJ7540，入去錦田
兜左一圈出返青衣站，沿途見到既251M大部份都係新簇簇既HJ牌AV。對我呢個市區人來講，錦田呢種與世無
爭既鄉村地方亦係一種新體驗。

不過，251M需求量下跌，而家拆成兩線服務，睇怕只到上村的251M，客量唔會有乜起色；相反，251A行經
人口較密集既錦上路，有望吸納以前嫌巴士去大欖隧道轉車站慢既乘客回籠，寄望能成為錦田版既「1A」！

歡迎討論。

p.s. 小弟離開italk三年，現在重返了，請各位多多指教！（前用戶名: TL, UID: 3696）

[ 本帖最後由 EX-TL 於 2012-4-15 19:00 編輯 ]

如果能夠做到雙循環，效果應該會更好…

btw, 呢到好似唔畀開分身架喎…

原帖由 流星☆雨 於 2012-4-2 20:44 發表
如果能夠做到雙循環，效果應該會更好…

btw, 呢到好似唔畀開分身架喎…

佢早幾年向站方申請取消戶口
過完冷河返黎既人佢唔係第1個

原帖由 kay 於 2012-4-2 20:47 發表

佢早幾年向站方申請取消戶口
過完冷河返黎既人佢唔係第1個

嚇得我, 以為自己講左D咩不可告人既秘密出黎
不過憑小弟文筆同埋用戶名, 應該好快會被資深版友認出本人

Anyway, 多謝版友支持!!

站規表明「自行取消戶口者」均不得在兩年內開新戶口而樓主講是取消有關戶口後3年再開戶口，即明顯無犯版規。

離題了，多言.....。

我想問點解各位要咁執著「分身」而唔係「討論」「文章」?

251M第一版我仲未搭過 年紀還小
但係251M改去上村 再開條251A出黎
也免了哂氣咁

假設你係上村住 隔黎就係251M巴總
咁你會搭251M去荃灣
定還是搭251A去八鄉路行條樓梯上大欖隧轉其他線出荃灣?(265M 269M 69M)

呢個問題留返比大家諗下。

黎2條線最有用的方法是上大隊駁其他車....出全彎睇邊部上邊部....

原帖由 新手 於 2012-4-7 00:37 發表
我想問點解各位要咁執著「分身」而唔係「討論」「文章」?

251M第一版我仲未搭過 年紀還小
但係251M改去上村 再開條251A出黎
也免了哂氣咁

假設你係上村住 隔黎就係251M巴總
咁你會搭251M去荃灣
定還是搭251A去八鄉 ...

唔好意思，唔熟站規唔知有呢條，所以當左樓主係開分身

回正題，A仔個target唔係上村，係錦上路

原帖由 新手 於 2012-4-7 00:37 發表
我想問點解各位要咁執著「分身」而唔係「討論」「文章」?

251M第一版我仲未搭過 年紀還小
但係251M改去上村 再開條251A出黎
也免了哂氣咁

假設你係上村住 隔黎就係251M巴總
咁你會搭251M去荃灣
定還是搭251A去八鄉 ...

我覺得九巴應該加強251A服務,並繞經錦上路站,逐步將251A的角色提升,並同時削弱251M既競爭力,方便日後將251M縮去八鄉路,慳多一筆隧道費.
就算251M日後縮短唔到,都可以轉單層.

講番251M既班次,以前老九做得唔錯既,但自從開左西鐵,減班兼收車之後,等251M仲慘過等51.

原帖由 FBI2 於 2012-4-7 09:53 發表


我覺得九巴應該加強251A服務,並繞經錦上路站,逐步將251A的角色提升,並同時削弱251M既競爭力,方便日後將251M縮去八鄉路,慳多一筆隧道費.
就算251M日後縮短唔到,都可以轉單層.

講番251M既班次,以前老九做得唔錯既, ...

咁當年西鐵通車, TD 都肯定要求九記放車交數,
睇返一大埋出九龍路線單程都收到成十幾銀的話, 如果比著我自己平衡輕重, 要拎 251M 去交數都無可厚非 ~