68A 係唔係廢架?

68A是由元朗開出經屯門出荃葵的路線,班次遠比58M疏,
眼見係屯中等車,68A只係執死雞,在屯門區好似跟尾狗.

相比之下,58M就密好多,所以就算係突然等68A既
屯門客都忍唔到改搭58M. 其實68A是否需要重組一下呢?

老友
建議你先了解 68A 既背景

你知道 68A 係俾咩人用嗎?
係俾青公人同埋朗屏個邊嫁MA
加埋屯門去青衣個D
佢個著眼點都唔係單純屯門
咁做咩要用 58M 重組呢?


加上
你用個廢字
其實感覺上唔係咁好
(此為個人感覺)

68A本身的任務就係SERVICE青山公路(屏山至藍地)的居民來往葵青及荃灣
講真，這些區的需求不是太大，而且好多居民都會以自家的汽車代步
再加上相同地方亦有263M前往差不多的地方...
自自然然就會疏架啦..

不過，唔知樓主的疏係咪指成日三十分鐘先有一班車..
係咁的話就只能向九巴投訴一下吧..

原帖由 victorwong888 於 2012-4-6 17:54 發表
如果九巴開一條郎屏到屯市密車線，（8-10分鐘一班）
與58X、58M、260X線提供轉乘優惠，
相信就可以取消63X、68A

呢個方案唔可行, 政府好似唔俾九巴開屯門 / 屯元區內線...

禁令名義上係已經沒有了..
但..九巴肯唔肯開就係另一個問題。

而且，九巴肯開，都唔知收你幾多錢好..
收得貴又無客，收得平又畀運輸署BAN緊...
點都係死..

再加上，你要做轉乘，263M已經可以做得到..
點解又要開多一條路線呢？
又或者，等屯公轉車站明年落成後，或者會有戲睇呢..

原帖由 趙元暢 於 2012-4-6 15:25 發表
68A是由元朗開出經屯門出荃葵的路線,班次遠比58M疏,
眼見係屯中等車,68A只係執死雞,在屯門區好似跟尾狗.

相比之下,58M就密好多,所以就算係突然等68A既
屯門客都忍唔到改搭58M. 其實68A是否需要重組一下呢? ...

一黎 68A 係做青公客，你都識講 68A 由元朗開，咁 58M 經唔經元朗？
二黎早繁 58M 絕對做唔哂 D 客，68A 係有疏導作用
不過近年青公多左咁多新樓都唔幫得幾多 ...

原帖由 樂仔〞 於 2012-4-6 19:15 發表


一黎 68A 係做青公客，你都識講 68A 由元朗開，咁 58M 經唔經元朗？
二黎早繁 58M 絕對做唔哂 D 客，68A 係有疏導作用
不過近年青公多左咁多新樓都唔幫得幾多 ... ...

58M早繁依家都好左..
起碼肯開D柯打車過兆邦苑後直飛紅橋的特車...
再加埋建生、寶田特車...

不過說實在，我住澤豐，出荃灣的話寧願夾時間搭66P...
時間多十分鐘，但絕對舒服過朝早搭58M..

68A 早繁 8-10 分鐘時段出荃葵係頂閘囉
屯門根本好難上到車

廢 ? 大把線廢過佢
要拉去打耙既....263M 絕對係早過怇