[鬥悲情]北區悲情過天水圍好多

成日話天水圍幾慘幾慘，其實鬥悲情，北區悲情過天水圍好多
*************************************************************

1. 交通(以全鐵路搭法計，時間根據MTR官網，不過真實時間其實耐得多，尤其係北區，因東鐵線碌車嚴重......兩者均無計算輕鐵/巴士/小巴之駁腳時間)

--------------------------------------------------------------------------
a.往中環
上水/粉嶺—54/52分鐘 (轉車最少兩次)
天水圍—42分鐘 (轉車最少一次)

結果：北區勝
--------------------------------------------------------------------------
b.往尖沙咀(以最快搭法，即以原九鐵路線往尖東站計)
上水/粉嶺—42/39分鐘 (轉車一次)
天水圍—29分鐘 (免轉車)

結果：北區大勝
--------------------------------------------------------------------------
c.往旺角
上水/粉嶺—42/40分鐘(旺角，轉車一次)，
34/32分鐘(旺角東，免轉車，但旺角熱點一般在彌敦道一帶，行得去黎，預多約8-10分鐘)
天水圍—38分鐘 (旺角，轉車一次)

結果：北區小勝
--------------------------------------------------------------------------
d.往深圳
上水/粉嶺—5/7分鐘
天水圍—不宜搭鐵路，巴士約20分鐘

結果：天水圍勝
--------------------------------------------------------------------------
e.鐵路服務質素
北區—東鐵線，服務質素差劣，在港鐵各線中，坐擁多項「獨家服務」：碌車(近乎獨家，尤其南行)、車站簡陋到落雨要開傘(獨家)、全線冇幕/閘門(獨家)、頭等阻頭阻勢(獨家)、冇免費接駁、過海最少轉兩次車(獨家)、蝗通車擾亂班次(獨家)、大量羅湖劣客嚴重劣化乘車環境，蝗蟲遍地走、哇哇叫，講野好似地盤打樁咁大聲，自由蝗、水貨狗、回鄉阿嬋的大包小包、成車成地都係既紅白藍、行李、紙皮箱、奶粉.....(近乎獨家)........衰野數之不盡，唯一優點係表面上車費平，但多數居民都要付費接駁去東鐵站，計埋呢樣，所謂平車費既優點立即KO。

天水圍—西鐵線， 服務質素極佳，與東鐵線相比，幾乎係另一極端 ，東鐵線既缺點，西鐵線全無。唯一缺點係車費表面上貴，但有完善免費接駁，又有超值全月通，計落其實同東鐵線差唔多，用全月通的話隨時平過東鐵線。

結果：北區大勝
--------------------------------------------------------------------------
f.巴士服務質素
北區— 路線唔多，所謂特快X線一樣兜到阿媽唔認得，過海線只得平日繁時有，完全冇直車去尖沙咀(巴士冇鐵路冇)。

天水圍 — 路線多好多，有大量過海路線(部份全日部份繁時)仲要行西隧，有去尖沙咀，遠到去觀塘都有。

結果：北區大勝
*************************************************
2. 蝗禍
北區
與蝗國緊接，每日大量蝗蟲與水貨狗路過盤旋，商場、東鐵線大量蝗蟲，作為交通命脈的東鐵線有嚴重蝗禍(上面講左)，每次蝗國有咩食品問題，北區都係第一個地方淪陷：奶粉、鹽....

天水圍
已經係蝗蟲殖民地 ，尤以天北公屋為重災區，蝗蟲港人互相同化中 。

結果：難分高下，和
**************************************************************
3. 景點、設施
北區
冇酒店、冇戲院、冇景點。唯一優點係有北區醫院同粉嶺neway。

天水圍
濕地公園、百老匯戲院、酒店，仲有天水圍飛馬 ，冇醫院冇neway，但過少少有元朗、屯門有。
冇食環街市，被逼買貴送。

結果：北區勝
**************************************************************
4.社區問題如家庭慘劇、治安、童黨MK、區內就業機會少，去市區返工交通費又貴時間又耐......

其實兩者差唔多，講交通北區仲要差過天水圍廿幾條街(上面講左)，分別就係天水圍大把人關注支援，一有事就煲到大一大，北區冇人理。

結果：北區勝
**************************************************************
大家又點睇，有冇補充？

[ 本帖最後由 mckhgc 於 2012-4-9 01:49 編輯 ]

北區人...
人地住左幾多年先有條似樣少少GE鐵路?
北區同元朗計距離又唔同
點比較
根本係輸打贏要

其實不如搬去天水圍, 咁就咩都解決晒lor?

記得閣下都唔只一次去比新界東同新界西交通,
今次仲比埋其他情況tim....

我唔係話反對閣下論點, 每區不是公平亦係事實,
有d市區, 10幾年都無鐵路tim, 不過既然事實已定,
不如改變自己, 身體力行, 努力搵錢, 搬去自己心目
中更好的地區, 天水圍d 樓好似仲比上水平d tim

其實所謂悲情, 本身唔在於地區, 而是在於人的思想
要比, 真係大把都有得比....

隔離飯香，我理解樓主的心情。但我都希望樓主可以企出個框框睇下人地的感受。好似你話東鐵線服務質素差劣、而西鐵線服務質素極佳，我住沙田，都係東鐵線人，我都理解東鐵線係有唔好既地方。但我都會滿足東鐵線有12卡車，想繁時上到車或者非繁時有位坐，行多兩部去頭尾卡就有位坐了，呢d係市區線/西鐵線都做唔到。東鐵做到1-2分鐘一班車，西鐵線又做到嗎?我想像到如果將東鐵班次減到西鐵的水平，相信閭下提及的碌車情況、以致係直通車的影響都唔會明顯。

我覺得用交通質素、服務設施黎評論一個城市係咪「悲情」或者只係低層次準則，居民生活得開唔開心、滿唔滿足、生活融洽性先係最重要。
其實每區都有佢比其他區優勝同遜色既地方，如果個個區的居民只係成日好似樓主咁睇唔好既地方，唔滿足而家有既野，咁既話想果區唔悲情就難了

東鐵線班次比西鐵線密，卡數比西鐵線多，本是好事，但當中原因，還不是因為其在新界東和羅湖過境的壟斷地位，導致其需求太大、客量太多所致？如果新界東有新界西咁完善既巴士網絡，東鐵線又唔係「能」著羅湖呢個天下第一關，你估東鐵線仲有冇12卡？仲會唔會有相對密既班次？

講起東鐵線D卡數同班次就火都黎，係呀12卡係冠絕全港，但月台D電梯同升降機數量，就少到離奇，完全配合唔到個長度。班次穩定度出晒名「媲美」巴士，週不時睇著對面方向黎到第2,3班，呢邊方向至黎第1班，同樣日間非繁時，可以時而「拖卡」，抽車未出晒月台已見下班黎緊，時而就等成6-7分鐘(即使冇蝗通車駛經)。

我都經常非繁時搭東鐵線，唔見得「行多兩部去頭尾卡就有位坐」，北行好D，第5卡之後越後越有位，但南行真係唔知點解幾時都咁多人。

我都係沙田人，住o係某馬鐵都唔到孤島(呢類地方只會越黎越多，繼美田後，咩水泉澳、火炭北，又話起公屋喇喎)。早前同一位住天水圍既友人，一齊由尖東站出發返歸，結果係點呢？

我地兩人到步時間居然相若(友人仲要去紅磡搭倒頭車，已耽誤一定時間，否則肯定更快) 。
車費方面，友人荃灣返工，每月返放工車費就係$330既屯門南昌全月通，尖東歸家就畀$5.4。而我，沙田原區返工兼五天工作，每月僅約22個工作天，日日又畀港鐵賺又畀九巴賺，每月返放工車費 $316.8(同友人$330差唔多)，尖東歸家就畀$10.6或11.3(又係又畀港鐵賺又畀九巴賺之故)。

明明尖東去天水圍，遠過去沙田多多聲，點解大家到步時間會差唔多？
明明友人住天水圍、荃灣返工，遠過我沙田原區返工多多聲，點解佢既車費，憑著全月通，居然只係貴我少少(我仲係返五日至得到呢個數)？往返尖東的話，仲平我成半？

只係沙田，已經係咁，再北再遠既大埔、北區又點呢？
真係隔離飯香？

原帖由 mckhgc 於 2012-4-9 02:58 發表
東鐵線班次比西鐵線密，卡數比西鐵線多，本是好事，但當中原因，還不是因為其在新界東和羅湖過境的壟斷地位，導致其需求太大、客量太多所致？如果新界東有新界西咁完善既巴士網絡，東鐵線又唔係「能」著羅湖呢個天下第一關，你估東鐵 ...

好心你就唔好咁比la, 咁比有咩意思

距離同時間唔對稱, 度度都有, 我由香港大學落中環,
小巴可以塞左45分鐘先去到, 呢個時間, 我屯門市中心,
坐960都到中環la, 你沙田市中心出去中環亦到左, 即使
轉幾次車....

明明香港大學去中環，近過屯門去多多聲，點解
大家到步時間會差唔多？(呢個仲誇張個你沙田的例子la,
我香港島中西區去香港島中西區wor)

其實邊個有話交通距離同時間一定要對等...呢個世界,
尤其係香港, 人多發展時間不一的地方, 一向都係咁ga la...

東鐵同西鐵, 或新界東同新界西, 係興建時間, 發展過程,
都好唔同, 東鐵即前九廣鐵路, 條鐵路起左幾多年? 而
大西北西鐵係幾時通車, 通車前又靠咩?

新界西有咁完善既巴士網絡, 正是之前無西鐵, 你又試下
10幾年前, 大欖隧道未通車, 日日坐巴士行屯公入元朗丫,
d交通又點? 撞一撞車塞幾耐?

當年東鐵已經電氣化, 通勤化 la wor ....

而沙田巴士可能差dd, 但如果大埔上水一d一271, 270a, 72x
等出旺角都好快, 比起58x, 68x等, 仲塞少段路(深水步一帶)

根本2邊好多野都唔同, 你又要用今日呢d時間去比較, 咁邊
有得講ga, 遲下東鐵可以直落港島tim

如果你話希望東鐵服務改善, 我唔反對, 但你咁樣眼紅大西北,
咁樣去比較, 其他人見到都覺得有問題la

原帖由 mckhgc 於 2012-4-9 02:58 發表
東鐵線班次比西鐵線密，卡數比西鐵線多，本是好事，但當中原因，還不是因為其在新界東和羅湖過境的壟斷地位，導致其需求太大、客量太多所致？如果新界東有新界西咁完善既巴士網絡，東鐵線又唔係「能」著羅湖呢個天下第一關，你估東鐵 ...

你只係識得用而家去比, 但係又唔諗下二十年前, 新界西居民往市區係如何不便...
二十年前, 你地班沙田居民已經有冷氣火車舒舒服服出市區, 但新界西居民仲係坐緊熱狗巴士塞屯門公路咋!

既然你咁不滿, 大可以搬去天水圍呀.
反正一個第一城單位的價值, 等於兩個嘉湖山莊單位.
沙田賣左一層樓, 天水圍買返兩層樓, 一層自住一層收租, 幾好架

有無 neway 都可以拎出黎比 , 呢 D POST 已經不需要花精神去深究

綜觀多年多個討論區所見，我發覺唔少人討論新界西與東既問題時，都係打茅波，雙重標準得好緊要。

好似呢個post咁，玩埋誇時代，講新界西，就用十幾廿年前塞屯公時比，然後就話新界西幾慘幾幾慘；
講新界東，就用(可能)十年八年後東鐵有得直落港島去比，然後就話新界東幾好幾好.....
呢D咁既比較，根本稍為智力正常既人都知係好有問題，比較兩個地方，唔係應該用當下眼前既野去比咩？過左咁耐既野仲提黎做乜？
咁鐘意「緬懷過去」，不如而家就拆晒D咩西鐵欖隧，恢復日日熱狗巴士塞屯公啦，好冇？反正有D人好似好懷念當時咁。
再狠D，比較南北韓時，拎幾十年前北韓比南韓富庶o個時黎講，然後話北韓人幸福過南韓人，好冇？

話西鐵收費比東鐵貴(只係表面上！)，就識得眼紅，識話對新界西居民「唔公平」，成個港鐵係統一網絡，應該劃一收費架構....
話西鐵服務比東鐵好，就話兩條鐵路點點點冇得去比較.....

另外仲有常見既就係
講到尖東歸西，就話尖東站一早係西鐵項目(其實大有商榷餘地！)，唔畀西鐵就係「唔公平」....

講到羅湖落馬洲兩個過境站，天價收費補貼本地線問題，兩個過境站自冇永有都係只屬東鐵線項目，但呢個時候就唔見西東分明，係咁認親認戚話咩成個港鐵都係統一網絡，所有路線應該統一收費架構，唔應該分咩西鐵東鐵，過境站只補貼東鐵係「唔公平」.....

總之呢，乜好野都要畀新界西，一畀唔到就叫「唔公平」。
講新界西同東既差異，西比東差呢，就叫對新界西居民「唔公平」，要改善、要新界東補貼、同新界東睇齊......
西比東好呢，就叫兩邊根本唔同，N樣理由話冇得比較.............

同港女o個種港式女男平等冇分別。

[ 本帖最後由 mckhgc 於 2012-4-9 15:26 編輯 ]

原帖由 mckhgc 於 2012-4-9 12:41 發表
綜觀多年多個討論區所見，我發覺唔少人討論新界西與東既問題時，都係打茅波，雙重標準得好緊要。

好似呢個post咁，玩埋誇時代，講新界西，就用十幾廿年前塞屯公時比，然後就話新界西幾慘幾幾慘；
講新界東，就用(可能)十年八年後東鐵 ...

其實講咁多野, 唔係話誇時代雙重標準, 而是希望你明白, 其實就係叫
你唔好去比

要比, 好多野都比到, 正如你講, "女男平等", 本身男同女就係唔同,
根本就比唔到...

新界西與東亦係一樣, 因為根本就係唔同, 點比?

再講, 真係要比, 唔同年代, 大家每一區都有好有唔好, 只拎今日去比, 又是否
好正確?

你講一個地區, 講其交通發展, 但你卻唔考慮佢地的歷史同將來, 咁睇野法
又是合理公平嗎? 一講歷史就叫"打茅波?! d交通同發展今日一下變出黎ga?  

(我就無講過西鐵收費比東鐵貴話唔公平的, 因為都明白涉及歷史因素)

你要繼續咁比, 無人阻到你, 但我覺得寧可你針對返新界東交通點改善,
講下建議, 都好過咁樣不斷比較吧, 咁比只會你自己唔開心..

我自己就住開市區, 新界東同西我都成日去, 工作上我亦會全香港都周圍去,
最少交通上我唔認為分別去到咁大, 我亦無需要去話偏幫邊一個區.....

老實講, 我都考慮緊搬屋, 其中目標可能就係新界東...其中一考慮, 就是將來
新界東交通會得到改善, 尤其鐵路網絡, 包括新的沙中線, 而新界東亦空氣好D,
而我都希望東鐵日後進化時, 帶來新希望, 亦期望東鐵將來取消直通車

同樣, 如果有人拎新界西去比新界東, 話新界西慘D, 我都一樣會反對ga la...
你要覺得雙重標準, 我都無乎...但只是想講一點, 就係無得比...

[ 本帖最後由 3ASV196 於 2012-4-9 16:57 編輯 ]