巴敗們，熱狗就快無啦，可唔可以唔好咁自私?

熱狗巴士係5月左右就會消失於馬路之上，
好多巴迷朋友好自然會攞起相機落力影晒佢地，
不但係心靈上既滿足，亦都係送別熱狗巴士既一個方法。
但係呢個舉動自然令一班不良巴士迷(下稱"巴敗")出動，
係就係出動，不過係出動搞亂個場，
小則係車上無端白事大叫一番、係架車郁緊個陣開閃光燈影相；
中則衝出馬路影所謂既"標準相"，危害自己同其他道路使用者既安全；
大則偷行車證、偷乳豬紙甚至毀壞公物(好彩我暫時不曾見過同聽聞過)。
呢d巴敗既行為令"巴士迷“呢個名臭晒，
部份車長、巴士公司職員，甚至部份市民都已經對巴迷(唔理好定壞)既印象甚差，
覺得呢班友好地地做乜攞住部相機係個巴總度影相都已經好普通，
最慘係覺得呢班友隨時會搞事，搞到人地頭都痛埋，
甚至最近有板友話有一般街客因為一班巴迷/敗大叫話要報警。
就咁睇法，巴敗已經令整個巴迷界都已經蒙上左污點。

當我求下你地、拜下你地，影到架車係你地心目中係重要，
但係你地既行為已經係敬以"失禮街坊"四個大字，
有d車長據我所知已經對巴迷敬而遠之，費事自己惹上麻煩；
同埋你地既行為唔單止危害到自己既安全，
已經同時危害到車長同埋其他道路使用者既安全，
所謂"己所不欲，勿施於人"，你自己想出事都唔好麻煩到人地啦；
同埋你地見到架車私走，做乜好地地要爆粗、甚至剷站長呢?
站長都只不過係打份工，就算你覺得佢係有心定無意，
私走有無需要同你解釋呀?就算要解釋，一句"車務調動"已經KO你地
要人地尊重你前，你必須先尊重人，
如果連尊重人都唔識，唔該你番去讀番幾年書先啦；
再者，坐到熱狗可唔可以唔好係又叫、唔係又叫，
架車唔係只有你地一班乘客，其他人想靜靜地坐車，
你咁樣做，同剝削人地靜靜地坐車既權利有何分別?
一句到尾，係咪要老九係全港熱狗last day個日出零部熱狗，
你地先會開心?

唔好意思，可能我表達得唔係咁好，
同埋今次可能我激左少少，要扣分要插我會接納的，
但係我只係想講一句:做人唔好咁自私。
我地只係想保存追熱狗、坐熱狗既美好回憶，
而唔係比巴敗污染、破壞。好希望個班巴敗好好反省一下。

P.S.其實我係有考慮過係熱狗無晒之後淡出巴迷界，
小部分的確因為巴敗所影響，但係大部分都係因為想專注於爆GPA

搭單問admin：我呢篇野可唔可以順手貼B2版?

[ 本帖最後由 vcvc0206 於 2012-4-7 22:27 編輯 ]

點解你唔當場指正佢地, 要係網上講?
你覺得人地會睇到咩?

[ 本帖最後由 LV1012 於 2012-4-8 19:49 編輯 ]

同意
依家拎住相機影車成日周圍好似有人眼望望禁
甚至,我有一次我同班朋友講我係巴迷,佢地都好大反應
也許, 世界變.........
我記得以前2006年我岩岩先識得拎起相机去影車都無禁差
起碼無咩聽過有人為左影車衝出馬路, 一D 即將退役既車會唔見行車證, 樓上個車牌仔
甚至一D班次調動, 令佢地坐唔到想坐既車就去port 人的情況...........

唉........ 都唔知點解依家D人可以禁差, 真係想像唔到佢地果班巴敗大個左會點

[ 本帖最後由 ky124 於 2012-4-8 17:26 編輯 ]

鍵盤戰士
講就天下無敵

樓主係到打咁大篇野有鬼用咩,你咩去罵佢一句半句?
好過係到打成篇野啦下話

放心喇, 熱狗無哂, 會有堆你講既巴敗消失

鬧又鬧過，講又講過，其實都係無人聽你講

講開巴敗

其實最近都有一單
在251A首航當日
有2名巴敗在車上搞搞陣

開車時，常與車長談話。
繼而見他們又亂按報站器，甚至攪亂巴士一切設施。
最後搞到部車壞左。

最可怕是，帶大型單車上車
車長拒絕上車，巴敗又駁咀，最後比他上車

壞車時，正義師奶罵他們，擾亂巴士設施，破壞秩序。
搞到差d報警。

好心跟車注意乘客安全，車長安全！
不好打擾乘客，亂搞車上設施。
壞車又怪責他們。

係囉, 點解正義師奶咁勇敢,
其他巴士迷又做唔到既？

義正辭嚴, 正斥其非,
「你班巴敗, 有書唔讀, 破壞秩序, 損人娛己,
你老母湊大你, 無非想你頂天立地, 做有用既人,
你可唔可恥？」

鬧完人再用鍵盤分享, 我一定會叫識得又有良知既巴迷加你aPower兼iLike

     唉,呢D巴敗同寵物小精靈既火箭兵團有咩分別???大家都係追求理想,想影到心頭好即,唔洗咁既....點解一定要做D野出野,令人討厭呢???
     愛/鍾意一樣野冇罪,唔好影響到人就得啦...^^大家開心咁咪幾好...點解要咁自私即...    人地打工即,唔好成日話PORT人同剷人啦....坐唔到係你唔好彩即...唔關人地事呀...換轉你比人冇啦啦比人PORT,比人剷,你會有咩感受???
     

[ 本帖最後由 s011121jacky 於 2012-4-10 01:21 編輯 ]