天水圍‧輕鐵沿線（另請見#4）

原帖由 lrt505 於 2012-4-11 20:40 發表


窮同有錢其實講相對

註：我有同學F.2已經買部5千蚊手機當玩具（我間學校都唔算貴族學校）

仲有，2年前買果部7D其實就係屋企俾既物質補償之一 ...

在生活素質角度下
窮同有錢並非講相對

如你是比上下足,比下有餘的人
比下是再冇意義的!
況且人不單單只有物質

袋$落你袋,請放下傲氣接受

[ 本帖最後由 ACIVFE-JS 於 2012-4-11 21:00 編輯 ]

原帖由 lrt505 於 2012-4-11 20:15 發表


可能我唔知真正既「生活困難」係點，屋企、學校做錯小小野就當係大災難咁睇

老老實實，對於2008年既一個中二學生，零用每個禮拜200幾，手機稍平過二千，算唔算「物質條件欠佳」？

都唔知點解我屋企月入13萬，F.2（07-08）果陣物質 ...

如果你甘願將你既人生交比物質呢個惡魔，咁你就好好去享受呢剎那既快感啦，中二既青少年朋友。
不過又咁喎，我又真係覺得你既物質生活可以更高更好，例如呀，起碼要入返部1DX加支小白兔，有埋 IS 就冇技術都唔驚啦
仲有錢剩啦喎，咪入返部 Leica 玩下名牌囉，係呀玩名牌咋，唔係用名牌，你要分清楚

奉勸你一句：追求物質生活就有如吸毒賭博，越去就越盡，最後？
咪過曬火位，車毀人亡囉

『都唔知點解我屋企月入13萬，F.2（07-08）果陣物質都可以輸比一個家庭月入1萬幾既同學（手機過4千）』
你話你中二丫嘛下話？咁我就即管教多你幾句啦，年少有邊個唔無知丫，
是咪先，最緊要肯認錯　
即係咁，好明顯就係你屋企人覺得你既價值觀已經開始扭曲，而你自己卻仍然沉醉係呢隻惡魔之中。
醒下啦，中二啦，真係有錢既，去捐下錢、賣下旗，唔係有就用到盡架，
點解你會黑人憎？講真鬼得閒你有幾多錢又或者你啲錢點黎咩，
但唔該，有錢唔係高調宣揚自己有錢囉。
又，你中意咁都唔緊要，但自己拎黎＿既野就唔好轉頭又出ｐｏｓｔ扮（又或者可能是真心）可憐啦，
一切野係你自己拎黎架，又或者，可能係你唔好彩，
遇到班，唔貪（你屋企人啲）錢既巴迷，囉。

btw 我發覺你啲價值觀好有問題，希望你唔係真係天真覺得靠父蔭靠母蔭乜都唔洗做就可以過世，啦。

生於有$家庭好好咩?
有7D單反用好威咩?
我呢生於平凡既家庭之中,
我買部儍瓜機,都要計家境能力.功用.
我只可改用技術補救D相…
我呢D生於普通家庭既,
但我覺得我有$過你,
anyway心中富有就得’,
你…?咩到話你人家既錯,
如果,你係生於我地呢種家庭既,
你只會恨人地有$,
恨阿媽做咩唔搵個有$佬去嫁?
你學下人家.生於貧窮家庭既,分分鐘.識諗過你!!!

最後回應本文：

所以便如我看到某期《讀者文摘》提及假如父母突然失去工作會怎樣，樓主應該要考慮一下萬一發生了你會如何應變了。

原帖由 hkaiw 於 2012-4-11 21:24 發表
最後回應本文：

所以便如我看到某期《讀者文摘》提及假如父母突然失去工作會怎樣，樓主應該要考慮一下萬一發生了你會如何應變了。

應變？梗係以不變應萬變啦，要求有加冇減，
今次十萬買器材，下次仲唔百萬買名車？

認真，物質既追求係無窮無盡的，就算去到精盡人亡一刻、財散夢滅一刻，
亦唔代表已經追完，只係，而且冇曬貨去繼續追。

呀 .... 唔係 .... 佢會覺得雙親都搵左咁多錢啦，
咪唔好做囉，一家人齊齊用呢筆錢到老，有多仲可以傳俾後代添！
（註：樓主對金錢方面的實際認知有限，應該只係識分幾萬蚊可以買到Ｄ乜買唔到Ｄ乜）

(請不要怪小弟離題)其實讀書同做功課係做學生的責任，你唔讀好書的話，遲D你想有時間去影下巴士都唔得la!  好多內地人都好想讀書，但佢地真係無錢而讀書，你有得舒舒服服地在一間設備齊全的學校裏讀書，應該好好珍惜才對，好自為知！

原帖由 PC3566 於 2012-4-11 21:34 發表
(請不要怪小弟離題)其實讀書同做功課係做學生的責任，你唔讀好書的話，遲D你想有時間去影下巴士都唔得la!  好多內地人都好想讀書，但佢地真係無錢而讀書，你有得舒舒服服地在一間設備齊全的學校裏讀書，應該好好珍惜才對，好自為 ...

師兄你又錯啦，人地屋企人咁有錢，（假如到樓主大左佢屋企人仲未俾人炒，）
咪叫屋企人又拎百零萬出黎燒囉，燒呀，即係俾佢做生意呀。
書又讀唔成又唔識得幫人打工，咪自己做生意囉，
又唔係小商戶搵兩餐，蝕左咪叫屋企人貼囉，怕乜即，
他日百年歸老，名正言順拎埋佢地筆錢，到時啦喎，收購大集團然後做大股東收息都得啦

原帖由 lrt505 於 2012-4-11 08:15 PM 發表


可能我唔知真正既「生活困難」係點，屋企、學校做錯小小野就當係大災難咁睇

老老實實，對於2008年既一個中二學生，零用每個禮拜200幾，手機稍平過二千，算唔算「物質條件欠佳」？

都唔知點解我屋企月入13萬，F.2（07-08）果陣物質 ...

家庭月入十三萬喺現在都係"有錢"，我現在工作嘅圈子中，
即使係一位工作了30多年嘅資深部門經理(正係本人嘅上司)，月入都只有兩萬多，
其家庭月入都不多過九萬。
家庭月入十三萬呢個數真係好高，更何況對我一個投身社會已經一年多嘅普通白領。

樓主你一方面承認過錯，表示自己價值有問題，希望他人接受你，
但另一方面又表示自己家庭月入多而又抱怨自己嘅生活欠缺物質，
恕我直言，我看不到樓主你有真心檢討自己嘅問題所在。

我不相信樓主你一個青少年會沒有任何工作能力，反而我相信你選擇了逃避去工作。
好多事情，問題不完全在於環境而是你在於嘅態度同價值。
人嘅性格雖難改但態度同價值可以改，況且你年輕。
外面社會係好現實，如果人不願改變、不懂放下身段、不去作長遠打算，
就連想靠自己要去討三餐溫飽都會好難。
我即使讀到學位，搵工都好難，一年多前投身社會都只係做倉務員，
直到上個月至搵到現在嘅文職工作，由中低層做起。
而家競爭都咁大，話唔定過多幾年大學畢業生都只可做藍領，
想要做白領都難。

如果你真係想將來生活仍可有充足物質，如果你真係想他人接受你，
你就不會寫出你上面嘅一段文，就不會想別人知你家庭月入有多少。
你嘅將來係你嘅，人總有一天要面對現實，樓主你自己真係要想清楚!

[ 本帖最後由 Dennis34 於 2012-4-11 22:00 編輯 ]

原帖由 Dennis34 於 2012-4-11 21:58 發表


家庭月入十三萬喺現在都係"有錢"，我現在工作嘅圈子中，
即使係一位工作了30多年嘅資深部門經理(正係本人嘅上司)，月入都只有兩萬多，
其家庭月入都不多過九萬。
家庭月入十三萬呢個數真係好高，更何況對我一個投身社會已經 ...

我只係想籍此問，我以前既物質條件有無不足。

另外，用物質補償過去生活不足是否已經有問題？

[ 本帖最後由 lrt505 於 2012-4-11 22:15 編輯 ]

原帖由 lrt505 於 2012/4/11 22:11 發表


我只係想籍此問，我以前既物質條件有無不足。

淨係睇人地有乜自己冇乜, 咁比梗係不足啦