大家覺得九巴二手飛標有冇機會出模型呀?

呢個世界凡事都有可能o既........
大家仲記唔記得C'SM呢間廠嗎??
當年呢間廠出親模型都有份catalog放o係個盒入面 ,
當我地滿懷希望 , 等下幾個月 , 等下又幾個月 , 結果等到間廠摺埋都等唔到......
但係N年後o個份catalog入面o既車就由其他廠為大家一架一架咁實現........
就好似部AS1咁 , 相信各位同我一樣 , 都係由ABC年代等到宜家啦 , 最終都俾大家等到.....!!
(廢話一句 : 數下數下原來小弟買巴模都已有18年光景了......果然歲月不饒人.....!!!)

等下啦....老友.....!!
祝願望成真....!!

[ 本帖最後由 Chris_Lam 於 2012-4-10 09:26 編輯 ]

樓主, 世事無絕對, 好多野(連局外人)都估唔到, 例子如下:
正如2006年大家都估唔到九巴咁狠心唔再同CORGI0合作(揾CARS出埋鼠年AV、電牌AV...),
另外, BUSES MODEL CO. 出AL1出得咁靚、精細, 點知俾CARS出AL(方燈、圓燈、大口蘭),
仲有連開頂VA、大巴士、NL262(按計劃)都有得用官方名義出車...

只要巿場一日未萎縮, 一日(其他車型)都仲有機會O既出,
不過就要睇下邊一款O既巿場潛力大D...

二手Dart仔重出機會的確比較細，官方鐵車就近乎無可能架啦
唯一寄望312 P&T等膠車廠會否出，但此款車畢竟不是非常有人氣...

如果樓主真係有心想儲，可以考慮先由二手模型店買入當年
新巴的26901模型（http://www.orientalmodelbuses.co.uk/Dennis/Dart/26901.htm）
之後交由巴模改裝店給你為巴士噴上白色九巴標準色

講開又講，哩排Yaho!拍賣上好似有師兄放緊一部自家改裝既二手AA模型，樓主可以搵下考慮下?

原帖由 KC8249 於 2012-4-10 21:14 發表

其實巴模市場係一路萎縮緊...先不斷出車

認同，巴模市場正高速萎縮，睇數量，睇銷售都無復當年，如果巴模再無剌激
或新模式，相信這個去到成熟期的產業都近黃昏了

出呢架車唔係冇可能,新巴隻1系都收左隻模出九巴ATR,收埋隻新巴DART模,出KIT SET,白車 都唔出奇

原帖由 airbus 於 2012-4-10 22:06 發表


認同，巴模市場正高速萎縮，睇數量，睇銷售都無復當年，如果巴模再無剌激
或新模式，相信這個去到成熟期的產業都近黃昏了

呢個話題我覺得值得研究落去

向大比例發展(如1:24)，Sorry，大家都係普通人屋企得幾百尺，可以擺幾多架呢？
向細比例發展(1:120 etc)，賣到成五六十蚊架又唔夠吸引

但維持1:76呢個市場又可以容納幾多翻炒既野呢？

PS:除左香港巴模，連英國巴模我都覺得去到夕陽咁濟...

原帖由 zheng_nian_1993 於 10/4/2012 19:29 發表
講開又講，哩排Yaho!拍賣上好似有師兄放緊一部自家改裝既二手AA模型，樓主可以搵下考慮下?

離題一問：那個拍賣叫什嗎名？