40 號改特快可能胎死腹中

原帖由 ~誰@359~ 於 2012-4-26 21:22 發表
睇返6D既數據，好少人由西九坐到去九龍城就落車
由以推斷，荃葵上車既人，有極大機會o係新蒲崗已經落晒車
而淨返由西九上車去譽港灣以東既人數，大約係49
譽港灣以東既落車人數係有89個
但省略界限街開始、果班普遍都可以用1A既朋友，就得返55個客（落客本身都數多左六個）
架車去到西九段果陣仲係六點幾，仲叫做係繁忙時間
用呢個結果估計的話
延長6D至觀塘市中心，唔考慮彩虹道趕客因素，下繁客量大約係八十幾人
拉埋6D入麗港城的話，唔考慮彩虹道趕客因素，下繁客量可以去到約一百人

其車呢班車響青山道頭站唔係最高峰，另一個因素係好睇6D係唔係響40到之前發車清客。如果有6D幫拖，呢班車到後面一班和熱狗去到寶血醫院都唔會頂閘。
通州西街果個站最高峰係6:40-7:05，6D/40都無車到果時係可以排到40-50人，過晒潮流倉接近綠頂站。
所以40-01呢個時間響青山道真係做到好多客，尤其是唔少人真係幫手坐埋3+2卡窿位。

但要留意，由於麗港城果十四個客，係唔知由咩地方上車
所以好難推斷究竟拉6D定拉11D，兩個做法何者對麗港城更加有利
如果果班客主要來自界限街打後既路段，咁樣11D+69方案會比延長6D更加可取
可以令居民得到更快既車程，或者 / 同埋更平既車費  

所以更加理想應該係兩個人分別坐40，到美孚時另一人響通州西街上6D，咁就可以客觀睇晒整條青山道情況。
星期五客量較少，建議週一至四測試較好。

的確係做左幾次6D同埋一轉40既調查，但都傾向於下晝四點幾至到夜晚
要留意長者出行時間係可以好唔同
正如93A、95M個長者客量，o係上晝十點幾果陣同接近下繁時段都有明顯差異
296M夜晚拍蚊，但中段表現亦算係不過不失，下層坐到咁上下人數
（其實唔好話長者，本身來往住宅區之間既客流出現時間，就同通勤客唔同）
你用個別時段去prove晒18個鐘，其實都係有不足
你見我睇住你d data，都係話「非繁必死」「下繁人數」
就係因為客量數據係局限左o係個別時段



至於東九西九轉乘頂唔順既問題，咁又係去返果個客量估計
如果6D 40加埋都只係一車一百個人頭
就只要make sure果程6D夠食晒批客，就可以保證全程都唔會有登車困難
除非1A 11B 11D成堆線繁時連100個載客量都冇得剩



麗港城個客量，其實都睇到14個客係繁時數字
之前計過，用999人次去計18個鐘、每個鐘四班車，平均人次係大約14
咁如果話朝早同放學有班學生客，即係話其餘時段麗港城既客量可以係好差
而且我有必要指出，單純數上落客人次
除非有好似6D調查咁，方便去做假設，否則係唔可能憑人數就知道班客最終目的地
反而係，界限街打後既人可以坐1A，但1A唔入城
所以上得40，絕對有可能係城內乘客
而睇返個調查數字，界限街上客人數比麗港城落車人數更多，估計前面冇1A掃客
但由九龍城開始既上客人數就明顯偏低左，因為果D地方實在有太多選擇
所以富豪東方打後上車既朋友，最終目的地係麗港城既可能性係極大



丫仲有，彩虹道車程差五分鐘
但你又計漏左新蒲崗堆工廠會有機會塞車塞燈頂返出彩虹道
而你做調查既時間都反映唔到
自己坐98A行過觀塘道迴旋處既經驗係，每逢朝早九點幾，同埋下晝兩點半打後都係會比較塞
相信係因為D貨車集中o係果d時間（岩岩開工、放完飯開工）入碼頭區
彩虹道新蒲崗情況相信亦都會一樣

[ 本帖最後由 ~誰@359~ 於 2012-4-26 23:27 編輯 ]

原帖由 dippy 於 2012-4-26 23:00 發表
6D入城就唔會入牛頭角道啦
依家條條線行觀塘道牛頭角一樣有客
仲可以同到296C同站方便等車潻
事實已經證明, 40由麗港城到美孚65分鐘跑得哂
而且數據已經係繁時去度

如果一直都係牛頭角好好客
咁就唔會無數據support啦, 係咪
所以6D入城維持番咁行已經OK
http://g.co/maps/y72sf
http://g.co/maps/re9yn
分別15.1同13.7公里
都仲keep到唔過6.1
除非有實質証據証明到"牛頭角多客"唔係山頭主義車大炮
唔係咁已經影響最少既方案

我再講多次，麻煩搵朝早繁忙時間，或者多老人家出行的時間，
坐返一單6D由牛頭角去長沙灣，睇下客量有幾多先好講。

觀塘道potentially比牛頭角道多客，唔係6D行觀塘道的理由，
唔該先了解一下牛頭角道係咩客多。
唔好意思，真係好多老人家。
我知道你一定又話我loop返去老人家個point，你好不恥為老人家做咁多野，
你個心態係，為左討好惡人，班老人家叫佢地拎住支拐杖，
由得佢地辛苦行天橋上落去觀塘道搭車算。
你知唔知道咁做有咩問題？
我只可以話，你完全唔知咩係「敬老」，覺得恃強凌弱係無問題囉。

我另外一篇文都同你講過，98A當年點解入欣景路一個月，就打回原形？
明明欣景路做到更多客，咪又係因為班老人家少左架車去診所，於是要推倒囉。
事實係，佢地無98A仲有93A/93K/296M可以揀。
仲有，又同你提過，有地區人士建議296M拉直條線，
山上->寶林->坑口->尚德->將南，打造成區內流水主幹，
亦因為咁行同道路網規劃而做唔到將軍澳泳池，於是就因為呢個原因，影響長者而被ban。
事實上，將軍澳泳池的確好少上落，兜入去唔見幾分鐘，
搞到條線九曲十三彎原路出入，但係老人家十個客就係十個客，唔郁得就係唔郁得，
唔係你一味主觀意志覺得佢地無bargaining power就可以唔理佢地。

呢種恃強凌弱的心態係好不要得。

仲有，如果麗港城死都要6D的話，你建議個麗港城入站行法，一樣會俾人嘈，
因為做少左麗港城三個站，有人行遠左，唔該偉發道直落去偉業街，兜多一個里，停麗港商場先再入站啦。

[ 本帖最後由 S3BL100 於 2012-4-26 23:30 編輯 ]

原帖由 dippy 於 2012-4-26 23:03 發表


樂富-九龍城有7B, 一樣咁抵坐
樂富-新蒲崗有85, 仲密D
樂富-彩虹以東有地鐵, 唔駛轉車兼密車
如果11D咁大有可為, 就一早轉哂全單啦

仲有, 如果唔太健忘應該記得有條樂富-九碼, 做唔夠幾個月已經執笠大吉 ...

點解可以為左討好一班人，摺埋人地另一條本來唔關事的線？
呢種係咩mentality？簡直就係劫貧濟富、恃強凌弱。

100兄你唔洗咁燥，因為暫時數字係不能完全反映長者（或者應該話牛頭角朋友）使用6D既情況