40 號改特快可能胎死腹中

原帖由 dippy 於 2012-4-27 12:02 發表

如果我唔係observe左咁多年都未見過部6D可以坐滿成個下層既老人家, 所以問佢拎data無錯喎
如果佢有data去證明到果個時段多客, 咁當然係拎果個時段既資料出黎啦
而且佢始終都無提供過實質証據出黎囉

1. 唔好意思，我係話「坐滿下層」同埋有大量老人家在牛頭角同彩虹道上落，
而唔係話成個下層都係老人家。兩件事有分別，無必然關係，唔好想當然，亦唔好扭曲人地的說話。

2. 假設你某時段走入一間餐廳，發覺無位坐，坐滿晒，
咁你係咪需要數下成間餐廳有幾多個坐位，再數埋有幾多個食客，
仲要睇埋佢地幾時入座離座，坐晌度幾耐，
有呢D「data」，先可以「證明」到間餐廳呢個時段無位坐？
知唔知咩叫做anecdote？

原帖由 dippy 於 2012-4-27 12:58 發表

最慘係我坐左十幾年6D都未見過囉
咁如果無數據, 都好難証明到

而且樓下得三十幾個位
即係如果所有客都坐哂樓下(事實有唔少人都係坐三兩個站)
其實成車都係得三十人左右, 即同之前既數據吻合
咁即係牛頭角根本無想 ...

用返餐廳坐滿個比喻，你叫朋友走去搵定位先，朋友打返俾你話餐廳坐滿，
但係你平時唔係果個鐘數去開，無見過呢間餐廳爆棚，
咁你係咪要你個朋友數俾你睇，餐廳有幾多個座位、坐左幾多人，
每分鐘有幾多人流出入，先至「證明」到餐廳坐滿？
乜唔係見到坐滿就係坐滿？

weekday來計，老人家乘車較多集中在9:00 - 11:00，緊接早繁之後，
以及3:00 - 5:00，緊接下繁之前；但係weekend的話，可以由朝早好早，
去到下晝四五點，都有唔少老人家搭車。
如果你有心數客，應該搵下上繁長沙灣方向，或者上面呢d時段，
睇下唔同時段之間客流的變化，否則絕對係以偏概全。

原帖由 dippy 於 2012-4-27 22:41 發表

用番你個例子答你
你叫朋友去揾定位先
你由細去到大都未見過間餐廳果個鐘數坐滿
咁你叫你朋友wtsapp張相俾你開下眼界
但你朋友又呢樣又果樣都唔肯影張相你睇
咁又點呢? ...

呢個已經唔係我講果種情況。
想知道你到底有冇試過朝早牛頭角上車坐去長沙灣方向？

你都見到40下繁麗港城方向，九龍灣加牛頭角下村落左20個客。
需知道呢班客其實搭6D或者40都得，
返觀塘方向兩條線收費相近，40唔使入彩虹道，
因此唔少放工返牛頭角的客，都唔會介意搭40之後行返入去。
但係返工往長沙灣方向，兩條線收費爭太遠，而且又唔同站，
牛頭角/安基苑/淘大/彩盈班返工客，點解要俾多$2.8行出去觀塘道搭車？
梗係個個搭6D啦。事實的確係，6D上繁牛頭角係幾十個客咁上，可以坐到好多人，
你可能嚴重低估左上繁牛頭角搭6D的乘客數目。

我就無你咁得閒，專登走去數客，
再講我呢輪人唔晌香港，想數都數唔到。
不過我可以話俾你聽，6D係一條陪我成長的線，
平時落街見到，加埋自己乘搭經驗，我好清楚牛頭角有幾多客。
如果你想證明我係錯既話，你好應該搵日早d起身，
搭八點前後牛頭角開出班次數客，
或者搵個假日，數下長者出街時間的班次，了解一下實際情況。

總之，我見到坐滿就係坐滿，呢個係我的observation，
如果你連一個observation都要證明先至得的話，
我同樣可以話你堆數字的observation都係證明唔到，
因為我見到架車坐滿下層係「證明」唔到架車坐滿下層的話，
你見到架車九龍灣落18個客一樣係「證明」唔到架車果個站真係落左18個客。

至於你話唔同時段唔同行法喇喎，以一條巿區流水線來講，
咁做仲混亂，討好唔到任何用家。
而家成件事係，你為左討好麗港城班人，以成個牛頭角做代罪羔羊，
做人的態度應該係咁？

官荃紅小由5月1日起正式加價到$16.5.............若40改特快成事.....keep住現有價錢....唔難搶客

原帖由 dippy 於 2012-4-28 09:46 發表


牛頭角班番工客仲有條2A可以揀
仲未計朝早入旺角根本無夜晚咁塞, 而兩邊一樣塞既話時間都差唔多
唔係就唔會咁多人見2A都會照上啦
價錢一樣仲密D啦
更何況果班客根本年輕力壯, 行出觀塘道根本唔係問題

如果你唔係 ...

東京街去長沙灣道，純粹只係差一兩個街口，但係2A入一入蘇屋都已經無咗3個字呢！所以過東京街後基本上無乜人坐到美孚……
如果要班客坐2A去長沙灣工貿屋，至少要拉直番走線先得！

原帖由 toyl 於 2012-4-28 10:17 發表
東京街去長沙灣道，純粹只係差一兩個街口，但係2A入一入蘇屋都已經無咗3個字呢！所以過東京街後基本上無乜人坐到美孚……
如果要班客坐2A去長沙灣工貿屋，至少要拉直番走線先得！ ...

2A經蘇屋(廣利道)係取代6B線來往美孚<>亞皆老街<>九龍城的服務，
但當年(1996)只係直接拉入美孚，唔知有無人諗過路線迂迴問題。

李鄭屋/蘇屋需要2A的獨市位只有樂華，其次還有啟業至淘大段。
但其實2A往樂華方向唔入保安道，已經證明李鄭屋/蘇屋需求未算殷切。
另外，2A去美孚對李鄭屋/蘇屋而言，比去元州街搭6,6C,86方便，
不過唔算特別旺場，可能方便到學生及街市客啦。

最少影響的改線：2A只入保安道(不入廣利道)，但車程只慳到2分鐘。
其次係2A改經元州街，慳到5分鐘，但蘇屋乘客要步行多3-5分鐘不等。
如果2A要改為東京街左轉長沙灣道，甚至改為來回直行荔枝角道，
6D就有必要配合改經保安道去美孚，不過都比2A由深西入深東慳車，
但係樂華就無車去深西，深西<>九龍城-淘大又少左車，到時2A應該要過車俾6D補數。
將深東及深西清楚分工 ... [6,6C,6D] VS [2A,6F,12,212] ... 應該係好事。