40 號改特快可能胎死腹中

原帖由 dippy 於 2012-4-28 09:46 發表

牛頭角班番工客仲有條2A可以揀
仲未計朝早入旺角根本無夜晚咁塞, 而兩邊一樣塞既話時間都差唔多
唔係就唔會咁多人見2A都會照上啦
價錢一樣仲密D啦
更何況果班客根本年輕力壯, 行出觀塘道根本唔係問題

2A同6D的服務範圍，除左長沙灣之外，根本完全唔同。
就算旺角暢通無阻都好，2A個行法真係好兜。

如果你唔係香港, 咁你都應該知道班人由牛下搬左上四彩
四彩已經有小巴出坪石
坪石有哂街市果堆野
所以依家根本無你講到咁多客, 你又知唔知呢?

雖然彩盈入伙同牛頭角下村遷出係差唔多同一時間發生，
但係實際上牛頭角上村先至係下村的重建屋村，大部分下村居民都搬左去上村，
只係得少數揀彩盈。
至於彩福、彩德喇喎，牛下拆晒果陣，兩條村都未入伙，
有咩人「由牛下搬上四彩」？你個claim根本不合乎事實。

再講，「有小巴出坪石」唔代表你可以假設
四彩居民大部份都係搭果架小巴出彩虹轉車，
事實係彩盈因為離山下較近，好多人都會行落九龍灣搭車，
彩德彩福都唔係全部搭晒小巴。
因為牛頭角下村居民，重建後大部份搬去上村，
而四彩唔少係由區外遷入，當中好多仲要係新編配公屋的，
因此牛頭角一帶的交通需求只會有增無減，
條條巴士線同港鐵都係，6D牛頭角的需求根本無下跌過。

唔好唔了解區內人口流動之前，就將自己的想像當成事實。
連「牛下搬去彩盈」都講得出，恐怕你對觀塘區實在欠缺認知。

你話你對6D好有認識, 但你認呢條6D係咪現代既6D呢?
仲有呀, 拉6D唔單止係麗港城既問題, 仲有成班觀塘客, 山上轉乘客等等既人係會用到
1. 唔好將拉去觀塘同拉去麗港城混為一談
你牛頭角落到廿個客, 但觀塘一個站都唔止啦
仲未計創紀同厲鬼城
2. 開口埋口話觀塘犠牲牛頭角道, 咁你又何償唔想犠牲觀塘同厲鬼呢?
3. 牛頭角唔放行咪又係山頭主義?
成日都話好多人係牛頭角道上車, 但連証據都攞唔到出黎, 你質人地要人地去數客, 人地質你你又要人地去數客
呢個又乜野道理呢?
4. 條條線都係觀塘客多過牛頭角客, 點解6D拉去觀塘唔會呢?
依家40咪又係觀塘客多過麗港城同牛頭角客

1. 而家係你先將「拉去觀塘」同「拉去麗港城」混為一談。
我自己就唔反對拉去觀塘；如果擺雅麗道或者裕民坊的話，
單程只係用多一個字多少少，可以接受。
但係拉去麗港城，單程用多三、四個字，拉到班次疏晒，
又增加脫班風險。值唔值得為左麗港城每日幾百個客，
而影響6D原有乘客？

2. 如果唔係因為牛頭角的確有唔少老人家要用到6D，
我對於6D掟出去觀塘道都唔會有咁大意見；
反正我平時都慣左行過去觀塘道搭車，當年返學日日行兩個零字去港鐵站都係咁行。

3. 你又loop返去「證據」個問題，乜而家我親眼所見唔係證據？
我想知道，見到下層坐滿，一個位都無得剩，
同埋數下原來架巴士下層有32個位，跟住再數到下層坐左32個客，兩者有咩分別？
下層無位剩，係咪證明唔到下層坐滿先？
如果根據你的邏輯，我同樣可以話你無證據證明6D客量係幾多，
因為你只係列出一堆數字，claim話各站幾多人上落，而證明唔到各站真係有果個數目的人上落。
你有冇察覺自己的logic出左咩問題？

四彩有一部分居民係o係西九龍既舊樓度安排上樓

同埋其實又係有另一個logic問題
當麗港城下繁都係得14丁友落車，都要拉條11D入去補
夜晚八點幾都有11個人牛頭角道上6D，咁又應該點搞呢

仲有就係，即使40同6D車站同路線有唔同
但彼此之間都有站可以做到對方既客
例如去新蒲崗，如果近太子道東既話可以坐40 o係譽港灣落
如果係去德寶就可以九龍灣站落
同樣地如果D人去譽港灣，坐6D o係彩虹道行返過去一樣岩
如果D人去德寶，坐6D淘大落行返轉頭都一樣可行
當車站服務範圍有overlap果陣，上落人數就唔可以直接落「行咩路方便D」既結論
反而你望下點解40牛下落客人數咁少？
會唔會就係去德福既o係上一個站落晒，而返上村同內街既人嫌遠，所以等6D都唔坐40？

[ 本帖最後由 ~誰@359~ 於 2012-4-28 12:10 編輯 ]

原帖由 dippy 於 2012-4-28 20:14 發表

40牛下落既人數一D都唔少囉
係好多人見40無位而唔上40
呢個問題將來合併左就無左
而麗港城同觀塘既問題
你拉條線去麗港城, 牛頭角都有份用
所以係可以兩批客都做到既

仲有, 月亮顯新輝都未入伙, 所以上村行過去無以前咁順暢
呢個問題應該傾完改路都會自動夠期消失

淘大站以前就話方便彩霞道多D, 依家有左彩盈條橋, 基本上都係差唔多
而且一直都係D人見邊部上邊部, 呢點睇非繁會準好多
因為無左座位個因素

你既數據就係九龍灣鐵路站落18個，牛頭角下村落3個咁囉……
你話見好多人無上40，但係當中你唔俾好多都係去彩虹道架咩？

彩霞邨係唔會咁得閒走去行彩盈天橋落山的，因為兜遠好多。
佢地一般都係由彩頤居/利基大廈後面果條樓梯行落淘大，
或者直接經彩霞道行落牛頭角總站，佢地本身已經唔近巴士站，
改6D對呢班人影響係好大。

總之成件事，我只係見到你為左滿足麗港城，犧牲成個牛頭角的利益，
要原本班客，尤其是長者，行出去搭車。
剝削他人利益去討好第二d人，呢種價值觀我覺得係不可接受。
當麗港城可以唔俾219X拉去油塘果陣，我睇唔到牛頭角有咩理由需要放走條6D討好麗港城。
當麗港城不斷以自己利益凌駕整個觀塘區的利益之時，
應該做既絕對唔係討好奉承人，進一步出賣觀塘其他地區的利益去滿足麗港城，令佢地得逞。

至於你話2A繞經彩盈，我傾向支持，但係2A咁改之後，6D更加有需要來回行牛頭角道，
淘大無可能一次過無左兩條線。

[ 本帖最後由 S3BL100 於 2012-4-28 23:04 編輯 ]

原帖由 dippy 於 2012-4-28 23:55 發表

根本無話討唔討好邊個囉
我唔會去麗港城, 但會去觀塘
6D入城與否同我同你都無關係
但麗港城無左條40去西九, 唔補條6D/11D俾佢地根本講唔過去
你成日話牛頭角道點點點, 咁又何償唔係山頭主義呢?

或許你離開左香港太耐, 已經唔記得左呢個
http://g.co/maps/cu8fk
如果你仲記得
咁一條觀塘道一條彩霞道已經係令大家行得最少既方案
唔好忘記原本8-13座果堆將來唔會住人

麗港城補11D轉乘已經好夠，使唔使左攬一條線右攬一條線？
而家係佢地搞山頭主義，你走去討好佢地，拉6D，掟出觀塘道，
代價係原有乘客增添不便，唔通咁又講得過去？
點解要用影響更多人的方式去討好一小撮人？

牛頭角下村8-14座果個位將來唔會起住宅
（實情係巴士總站正對面，前9座末端位置，會起多幢公屋，
見http://www.amoygardens.com/ngau_tau_kok_redevelopment.php），
但係牛頭角道一帶仲有淘大、得寶、利基大廈、宏光樓、偉景樓、兆景樓、安基苑、振華苑，
你以為人口好少？點解唔拉6D入麗港城係講唔過去，
將6D由牛頭角道掟走又講得過去呢？

你貼果個位，我無行過；但係實情係，彩頤居起好之後，
行佢後面果條梯落山根本唔難行，大部分彩霞居民要落去牛頭角道/港鐵站都係行果頭。

我夠知好快會有條橋由上村經平台直接駁落去九龍灣站，
但係如果論方便原有用家的話，點解唔係來回程行牛頭角道，停上村對面？
唔好唔記得牛頭角唔係淨係得上村，仲有偉景樓、兆景樓、安基苑同振華苑的。

[ 本帖最後由 S3BL100 於 2012-4-29 00:30 編輯 ]

原帖由 dippy 於 2012-4-28 20:14 發表


40牛下落既人數一D都唔少囉
係好多人見40無位而唔上40
呢個問題將來合併左就無左
而麗港城同觀塘既問題
你拉條線去麗港城, 牛頭角都有份用
所以係可以兩批客都做到既

你GET錯野
如果牛頭角道十幾個客可以行出去觀塘道
咁實際上11D係冇兜埋麗港城既需要
極其實改做循環線，麗港城朋友就可以行出中電果個位就可以上落11D

概念就係，麗港城要11D（甚至6D），咁牛頭角道就一定要有返6D
牛頭角道如果可以冇6D，咁麗港城就冇需要有任何額外既線走入去
你亦都唔需要再搬D人數出泥
因為你已經show到麗港城對比牛頭角道係冇人數上既優勢