今朝俾新巴玩死.. (24/4又發功)

原帖由 kay 於 2012-4-12 07:32 發表

3分鐘都有唔少客上唔到車
要反省既都應該係巴士公司同運吉先...

咁又講，101/111上到車既話，過海真係唔算慢
有人死等都真係唔奇，亦都好合理

但做人就唔可以本末倒置
乘客基本上車既權利都無，咁唔關個客事喎

有其他替 ...

乘客連上車的權利都無？等多幾班／早 d 去等／去早一兩個站實等到.... (除非你話得一兩班)
就算朝早等地鐵都唔保證即班上到車啦（仲要已經俾左錢無得過檔）
返工搭車要預多少少時間是常識吧~ 但似乎樓主這些年來明知有此問題都係寧願遲到都唔想早 d 等...
(今日我返工搭果條新巴甩晒班，但只係遲左兩分鐘到公司，後來證實係因交通意外導致脫班)

我支持樓主投訴，但係投訴要搵岩對象同埋方法呢....
同埋我真係好想知樓主係每日都遇到呢個情況，定係間中先有...

[ 本帖最後由 da54 於 2012-4-12 10:27 編輯 ]

原帖由 da54 於 12/4/2012 10:11 發表

返工搭車要預多少少時間是常識吧~
但似乎樓主這些年來明知有此問題都係寧願遲到都唔想早 d 等...

有時唔係話想早就早的，生理時鐘唔係一朝一夕練到出來的。

原帖由 238X 於 2012-4-12 10:51 發表


有時唔係話想早就早的，生理時鐘唔係一朝一夕練到出來的。

以後返工遲到可以大條道理同老板講：「生理時鐘唔係一朝一夕練到出來的。」
.
.
.
.
.
.
真係聞所未聞..... 80 後爭氣 d 啦.....

我唔係同意佢，不過我自己唔係返啲要打咭嘅工，
當所有人都慣性「遲到」，假以時日自己都會自然而然咁遲。

我唔知樓主係咪都係返啲類似嘅工，
但聽你口吻，你返嘅工種應該唔同，或者比較唔到都唔定。

[ 本帖最後由 238X 於 2012-4-12 11:27 編輯 ]

離題一囘：
我不相信有份工份 contract 唔會寫明返幾點，無論需唔需要打卡。
就算唔需要打卡，都不能夠話所有人都慣性"遲到", 所以我遲到都無問題。
這個是責任感問題 （當然如果需要有人開門先返到入 office 就另計)。

如果樓主係遲到少少都無所謂，就唔會有呢篇文存在。既然樓主那麽緊張，
就要一係預鬆少少吧，尤其係搭巴士返工既話，一係就試下 explore 其他方
法吧，因爲始終 101/111 東九龍總站同樓主上車地點有一段距離，中途
有什麽事情無可預計。

囘返正題：
如果係日日都係這樣的話，不如樓主試下建議新巴開土瓜灣起載特車吧。

樓主錯在唔知道響呢度，新巴永遠是正確的

連要求唔好紅隧狂打吉車嘅同時，土瓜灣就一路上唔到車，都可以變成樓主自己唔夠早起身出門口嘅問題，呢個世界已經變左質

紅隧口班客，你係咪有特權，你係咪大晒？

又舉個例,
應該有唔少人唔係返9:00, 會返9:30的,
咁以樓主果個時間等101, 111又的確差唔多~

所以主要問題應該都圍繞返上唔上到車的問題,
其實現今標準來計, 如果連續兩班車都上唔到, 應其實係有問題了,
經營者係有責任去改善的~

另外有一點不認同的是,
115唔可以看為101,111的輔助線,
因為115的站位完全與101,111不同,
應該說111是101的輔助線才對~

既然要以有限資源, 去改善土瓜灣尾站的服務,
樓主可嘗試建議巴士公司用現有多出的資源去改良服務,
給巴士公司一個完整的建議, 考慮與否其次,
究竟要開條311, 141? 開多班111P?
定用641, 301, 302, 113多出的資源?
就自己考慮吧~

[ 本帖最後由 Choco 於 2012-4-12 12:20 編輯 ]

原帖由 kp3011 於 2012-4-12 12:03 發表
樓主錯在唔知道響呢度，新巴永遠是正確的

連要求唔好紅隧狂打吉車嘅同時，土瓜灣就一路上唔到車，都可以變成樓主自己唔夠早起身出門口嘅問題，呢個世界已經變左質

紅隧口班客，你係咪有特權，你係咪大晒？ ...

相信無人覺得新巴永遠是正確的。

紅隧口班客，大部分都係搭鐵路過來轉車，客量比其他地方多幾倍，如果無吉車載點清得曬班客？
巴士公司又點會同自己荷包鬥氣呢？

原帖由 kp3011 於 2012-4-12 12:03 發表
樓主錯在唔知道響呢度，新巴永遠是正確的

連要求唔好紅隧狂打吉車嘅同時，土瓜灣就一路上唔到車，都可以變成樓主自己唔夠早起身出門口嘅問題，呢個世界已經變左質

紅隧口班客，你係咪有特權，你係咪大晒？ ...

如果係真心想有改善的，應該學下 volvo_chan 兄咁搵交通投訴組投訴 N680 咁樣，
最好之後貼埋回覆出黎，睇下係邊個問題~
順便返公司同老細講「我會keep住遲到，直至新巴將 101 加到 2 分鐘一班為止」

btw 紅隧口 104/301 你就算 cut 車都唔會令 d 車打爆 d 架啦，班客唔肯做閘長，只會令條幾百人的人龍更長~