74X 廿五分鐘一班? 老九你搞乜?! (長文)

原帖由 ctb234 於 2012-4-21 09:08 發表

做司機/做外勤,甚至其他行業(勞動/文職),在正常情況下食飯時間通常會有45~60分鐘,但係幾時食飯就要睇情況.
其實站長可以安排部份車長做多一單先食飯,
第一減少對車務影響,第二車長食飯時間無減少,只不過係食遲一單. ...

食飯係必需既,我本身返工,規定1-2食飯,但好多時都會因工作情況而調動,不過,我堅持一個原則,就係食足一個鐘.
如果老板因為呢樣野而炒我,我大可以去勞工處投訴,告到上COURT都仲得.

原帖由 GF2158 於 2012-4-21 02:53 發表

老老實實, 如果九記D站長係有呢種常識既話就唔會攪到咁啦
根本好多掛牌站長都係咁, 做到盲目哂, 唔會識得諗因應唔同情況同你執車
今日74X大埔開25分一班, 同一時間天后968開緊22分一班,
蘇屋112開緊超過40分一班,  ...

講開968斷纜,昨日7點那班新記948罕有地頂閘返青衣,平時那班車坐唔滿.不過,架車遲晒大到,8點25先返到長宏.

十分同意而家好多新站長都唔識放車, 唔知係咪個電腦好麻煩,
例如有車遲到兩架一齊返, 以前梗係前車踢走後車即載架嘛,
而家要拍卡, 站長有時都唔知後車都返到來, set好前車照載
後車唯有押後.... 之後就越來越亂.

見過順利總站25分鐘一班42, 但原來再下一班係隔12分,
點解唔平均番佢? 因為set好左就唔理, 架車返到黎又唔係食飯
都要呆等到夠鐘先開, 以前既站長一定改早5分, 變成20/17
一班就好好多了.

本人唔係太熟九記路線/車務...

同總站/附近 可唔可以拉其它線既車黎做?
根本拉一架車, 35 果架再拉早少少已經ok..

唔知 74x 要幾密, 可能唔開早都得
但好多時師傅好人既話, 大多數都唔介意食少果幾分鐘飯....

你話夠鍾食飯, 我都唔熟九記野
未爆鐘既話咪做埋落去過對面食...

依d 野成日都發生,
但成件事搞到根本就係個別站長問題....

我想問一下那位稽查是例行巡經剛好見到脫班後立即指示車長開車上客，
還有在車廠監察到出現脫班立即趕去總站視察發生了什麼問題？

試下由員工角度去想想~~
公司對自己咁差, 駛乜咁博命, 食飯大過天......
又唔係第一日俾客鬧......
呢間公司員工士氣咁低落, 繼續係咁, 真係冇得救！

原帖由 ev5774 於 2012-4-21 11:24 發表
試下由員工角度去想想~~
公司對自己咁差, 駛乜咁博命, 食飯大過天......
又唔係第一日俾客鬧......
呢間公司員工士氣咁低落, 繼續係咁, 真係冇得救！ ...

如果講差,九記唔算差.
隔離壇講新入職鐵巴司機人工9500,返7日放1日,無飯鐘錢.
咁你話邊個差?
如果想搵多小小錢,可以跑紅小,跑的士.
又想舒服又要搵到錢?!
呢個世界邊有咁著數,面對現實啦!

原帖由 ctb234 於 2012-4-21 11:39 發表

如果講差,九記唔算差.
隔離壇講新入職鐵巴司機人工9500,返7日放1日,無飯鐘錢.
咁你話邊個差?
如果想搵多小小錢,可以跑紅小,跑的士.
又想舒服又要搵到錢?!
呢個世界邊有咁著數,面對現實啦! ...

的士搵到錢??

搵到錢就唔駛個個踩到癲左咁款啦...

原帖由 nwfb1001 於 2012-4-21 02:30 發表

未知版友出來社會做事未，唔好話職業司機，
乜工都好，遇上突發事件而要縮短休息/食飯時間係等閒事，甚至冇時間食
就算寫字樓工，我相信如果員工同主管講「我要食足一個鐘飯先開工」，睇下聽日仲使唔使返工 ...

咁講,
巴士公司的確係可以有呢種要求

尤其是路面情況唔係司機可以控制到,
時間上因為合理原因而有所改變,
責任不在司機,
咁司機既食飯時間好多時都係照俾1小時/45分

你公司俾唔足,
反而係公司問題

同埋好多時巴士公司寧願依足法例做野,
都唔想俾呢D把柄人地捉到

原帖由 da93 於 2012-4-21 11:47 發表

的士搵到錢??

搵到錢就唔駛個個踩到癲左咁款啦...

要搵錢就要搏命.
紅小同的士交左車租同油錢之後,其他全部自己落袋,俾著你踩唔踩?