74X 廿五分鐘一班? 老九你搞乜?! (長文)

其實如果九記試下車唔跟人
會唔會可以達至雙嬴局面?

唔一定全公司所有路線改行跳飛機
不過遇有突發事件時
可預早編定應變計劃
車長到站後, 擺低架車, 安排士啤車長駕駛此車
(條件係: 平日須安排部分士啤車長, 由坐廠改為坐部分大站頭, 如設有"維修站"之佐渡, 九碼等等)
盡快上客開車
車長照樣依時用膳, 同時可盡快疏導乘客
至於原車長如果接回原車再開工, 則另需作出安排
又或者, 換人後, 有其他路線牌既車長, 可以改駕其他同總站路線
甚或好似壞車情況一樣, 安排原車長收工 (咁做對九記有利, 但對車長有害, 尤其是日薪舊人)

不過, 遇著主要道路塞車的話, 就算有幾多後備車同人都冇用, 根本都埋唔到位
呢個情況, 建議九記使用多年前係尖沙咀試驗過既有電子顯示屏既"水晶波板糖"
如果大塞車既話, 可把訊息實時透過顯示屏向侯車乘客展示
讓他們盡早作出應變安排, 改搭其他交通工具/千里走單騎
於3G/wifi數據傳送技術日漸成熟既香港, 應該不難做到吧
這甚至比上一段小弟說的甚麼"後備接車機制"更為基本, 有效同有必要

純粹FF一下, 歡迎討論及指錯

其實車跟唔跟人都唔係重點啦

最麻煩係個日全世界都脫班
全世界咁岩都係做完個轉就要放飯
老實講，站長唔比車長放飯，車長投訴起上黎，都幾係野..
唔放係人情捱義氣，但公司唔會賞識；放係道理

成日見九巴話車長問題，流失率高，做野公式化係無可厚非

不過亦引伸一個問題，究竟係咪需要同1時間全世界放飯?
我個睇法係，唔需要，應該任何時間都要有人放飯

但站係車長立場，一定會反對呢D倒退方案

真係萬一脫班，見過有部份車長既取態係
反正遲左，唔差在再遲，去完廁所，慢慢搞一輪再走

明明43分開，45分先返到黎，可以53分先開

我樓下有D係去完廁所放水就即走，脫班後的世界已不是可控制的事

司機過鐘又有得補水
乘客投訴上面就賴路面問題，最後一D責任都唔駛負

原帖由 hz6751 於 2012-4-21 10:46 發表
我想問一下那位稽查是例行巡經剛好見到脫班後立即指示車長開車上客，
還有在車廠監察到出現脫班立即趕去總站視察發生了什麼問題？

樓主話果位休班車長問完站長後打電話鬧一輪，最後有稽查到場，兩者會否有關係？

樓上話叫司機遲一單食飯, 以74X計應該要1個鐘後
出到觀塘, 又話脫班, 叫個司機唔好食又行多轉?

如果你係一個打工仔, 食開1-2, 仲要唔保證你2-3有得食wor, 你肯唔肯先?
唔好話日日都係咁, 一星期一日都死喇

有時唔係站長唔執車，有時真係無法子

聽過一個例子，係某青衣至北區線
條線逄長假期都爆獲

其中一邊站長，想叫一只需開工六個鐘嘅蛇車做多轉先收工
個車長話，我做多一轉都無補水，你拉後面部蛇車做啦
佢分分鐘都計緊補水.......

過左一陣，另一部蛇車都返到，個司機聽到要做多轉
即時話己經做夠8個鐘，好累，唔做啦......

作為站長，可以做嘅只係即捕即戒

依間公司，仲有一小部份人肯行多一步，但真係唔多
絶大部份都係你死你事.......
好多司機嘅想法，我自問就諗唔明.......

好有「同工不同酬」或者「做又36唔做又36」feel...

講到尾都係管理文化... 無得救架喇，都係推倒重來啦：
取締九巴專營權，招過第二間管理得好啲嘅公司算數！

你個更表0下0下計到盡，有事咪企係度
人家公司唔會個個做足6個鐘先食飯，就算係，都唔會得60分鐘食，有走盞位
所以咪唔會有車長要食飯唔開得車，唔關係咪車跟人事，係編更方法
不過你唔夠人又係幾難搞

原帖由 kay 於 2012-4-21 20:04 發表
不過亦引伸一個問題，究竟係咪需要同1時間全世界放飯?
我個睇法係，唔需要，應該任何時間都要有人放飯  

正常車長工時6-10小時, 基本都係中間果段時間放飯, 如果任何時間都放飯, 咁樣會搞到有D連開幾個鐘冇休息?

一更車少蛇車D 線就真係難執(74X多蛇車唔同講法), 正常已經分左兩段食飯時間, 唔會成堆正字同一時間去食, 總有兩三部做多轉到主要食飯車開自己先有得食

[ 本帖最後由 GK9636 於 2012-4-22 00:44 編輯 ]