我們未來的鐵路

《鐵路發展策略2000》檢討及修訂

http://www.ourfuturerailway.hk/

「經評估不同的概念性方案後，顧問在第一階段研究，甄別了三個大型跨區鐵路走廊構思，作進一步的研究和討論－

- 港深西部快速軌道
- 北環線
- 屯荃鐵路」

北環線有助減輕東鐵線流量?我就唔信啦

條屯荃鐵路連埋落上葵沙田鐵路有冇得諗?
另外屯中 U 落屯碼其實係唔係好耐...點解係都要好似將軍澳咁分化屯門居民?

原帖由 tofu 於 2012-4-20 23:51 發表
北環線有助減輕東鐵線流量?我就唔信啦

一定輕到，少1個都係少左客

原帖由 HF3204@243M 於 2012-4-21 00:16 發表
條屯荃鐵路連埋落上葵沙田鐵路有冇得諗?
另外屯中 U 落屯碼其實係唔係好耐...點解係都要好似將軍澳咁分化屯門居民?

唔係耐，但走線係沿坑渠出，若要屯中經屯碼出要起長好多，打橫一係移山，一係剷平工業區,,,更加唔化算...

[ 本帖最後由 EH2674 於 2012-4-21 00:31 編輯 ]

深港機鐵支線建議唔好以洪水橋為總站, 直接連接屯荃鐵路, 以前海總站一地兩檢. 屯荃鐵路改為重鐵.

原帖由 tofu 於 2012-4-20 23:51 發表
北環線有助減輕東鐵線流量?我就唔信啦

北環綫只係方便大西北尊貴們接駁羅湖並享用深圳羅湖市區的交通服務，例如廣深綫、羅湖大巴等等。
真真正正可以緩和東鐵壓力，就只得倡議建造一條類東鐵綫鐵路。
不明白何解該發展藍圖仍未為新界東北設計一條有效的鐵路系統

其實去荃灣唔係比西鐵快好多
中途好多站,路線又迂迴

各位，今次呢個係公眾諮詢嚟
有意見唔好收埋，可以向當局提交，話唔定你嘅ideas會喺未來鐵路規劃中有份

我既概念係.. 全部線路都應該以呢個地方將來會點發展為主..

北環線
若果真係要發展古洞北新市鎮
呢個地區連接落西鐵線總好過已經overload既東鐵線
至少西鐵線架陣既DEVELOPMENT唔差得過東鐵線..
睇埋佢可以發展落粉嶺北甚至可以去埋打鼓嶺個邊
咁可以令到更多地方有發展空間丫..
同埋我點都唔覺得鐵路可以打破現有巴士/小巴既屯元天 <-> 上水/過境既模式
不過轉落粉嶺/大埔呢, 我就有所企盼

西部通道
當初都唔信后海灣條橋起完可以有幾大作用
但事實係.. 佢改變左新界西北好多用途
如果本地支線係由屯門站出發, 假設既屯門西站, 再落港珠澳大橋, 之後係接機場 / asia-expo 的話
咁個連接會更好一點 (最好有行車連接啦..)
同時亦可發展NT-NW唔再係「遙遠既衛星城市」
反倒是一個港珠澳既物流中心點
(發下夢先)
不過, 深圳會唔會咁樣拱手讓人呢?

荃屯鐵
唔知為乜 - 為擔氣?
如果掃管笏唔係起幾個屋院
又或者係第二個黃竹坑咁, 港鐵會睬您?
小欖無站.. 青龍頭個度既村屋? 深井一堆已經起好既屋, 灣景已經用緊西鐵站..
屯門-荃灣西都係20分鐘.. 呢條鐵路都至少12分鐘啦 (報告上仲寫係爭2-3分鐘..)
同埋呢條鐵路有無可能做到<3MINS一班而且係可觀 (甚至要賺錢) 既人次?
相信個代價係整個屯門出荃葵青既巴士線全滅都未必托得起..
更何況現有既巴士服務並非負荷唔黎 (只不過俾人玩死緊之嘛)
不如都係搭返巴士算啦..

[ 本帖最後由 117 於 2012-4-21 02:12 編輯 ]

佢個研究成果無乜驚喜......
未來鐵路著重在新界西、新界北及跨境方面
本地線(屯門<>機埸)在屯門連接路一同興建會否平d及容易d?
跨境(前海<>洪水橋)其實唔多睇好

原帖由 tse0856 於 2012-4-21 01:02 發表
其實去荃灣唔係比西鐵快好多
中途好多站,路線又迂迴

如果佢可以去荃灣站/ 工字型咁頭尾駁到荃灣同荃灣西
之後再拉入沙田/旺角, d線就正好多

花左1個鐘填問題 (成份公開試試卷咁分咁多PART-_-) 希望有用