沙廠新一輪攪珠

原帖由 fokck 於 2012-4-28 12:36 發表

我百分百肯定係馬先生你閣下自我失憶了，原文證據：
http://wwww.hkitalk.net/HKiTalk2 ... 2&page=4#pid1820104
|
自呢件事之後，該文樓主 (九龍灣廠消息來源) 即刻收起所有預早車務消息，
東九龍消息來源自此長期被堵塞，永遠都慢另外三大廠半拍!
呢篇文既樓主小弟絕對支持佢作為消息來源放消息，但最可惜當年有人可以早一個月發放 62X 準確全冷日期既年代已經永不復見了。0 _  o- L9 e# [0 p

原來咁都入我數~~仲有, 我都話我都記得我係反對報夢猜謎式的報料, 估唔到閣下一個斷章取義的回文, 就已經話到俾大家聽呢個板的板友質數有幾高~~
真係幾好笑~

我上面都講左, 報夢式猜謎報料方式係一眾板友所不認同~ 要報就報得大大方方, 將個板攪到小圈子咁成堆火星文睇唔明,
令到識睇好似好威咁, 絕對唔係人地既問題, 係報料既人既問題~~
你就算今日問我同一問題, 我都會叫你, 要報就直接寫出來, 唔係就唔好報~就係咁簡單~~你要將呢件事入我數, 小弟絕對覺得光榮, 可以令到一些害群之馬收聲~
現實世界有地產霸權, 估唔到呢度放料都有d差唔多既行為出現, 一有人說多兩句, 有些人士就群起攻之~
italk唔係只服務一小圈子既人, 係服務所有板友~


咁多年來, 見到呢個板有些板友都仲係原地踏步, 思想唔得進步, 真係覺得好可悲~~
係得九巴做, 即係成年人啦, 咁處事都應該要似返個成年人先得~

仲有, 兩年前既野d人仲記得咁清楚, 真係好勁, 老實講, 小弟個腦就冇咁得閒記埋d咁無價值既野~~

[ 本帖最後由 hkbw 於 2012-4-28 16:17 編輯 ]

原帖由 imary 於 2012-4-28 14:04 發表
所以D新資料我已經收起曬
又要用時間打字 又要應對你地質疑
你地咁鍾意咪淨係睇年份網囉
又唔見D年份迷去年份網問下資料來源....

收起料係板友既自由~

當然, 你問我既話, 我就會覺得, 成年人處事就應該大大方方, 唔需要為一些小事而影響自己
更加可以大量一些, 無謂下下計著計著咁辛苦,  況且, 都係 一些興趣資訊吧了, 對不?!

不過咁, 我對有些直接報料卻被板友過份質疑的, 深表同情, 亦認同此風不可長~~

但小弟對那些猜謎式報料的態度始終如一, 要報到咁就唔好報, 正如現時板主執行板規的尺度一樣~
至於有些人要話小弟令呢個板冇晒料, 請便~
小弟對於自己既發聲可以令那些報夢/猜謎式的行為於本板絕跡感到光榮~
至於直接一手報料, 寫得清清楚楚卻被人過份質疑既, 小弟則認為相關風氣有必要改變~

[ 本帖最後由 hkbw 於 2012-4-28 16:20 編輯 ]

原帖由 hkbw 於 2012-4-28 15:56 發表


原來咁都入我數~~仲有, 我都話我都記得我係反對報夢猜謎式的報料, 估唔到閣下一個斷章取義的回文, 就已經話到俾大家聽呢個板的板友質數有幾高~~
真係幾好笑~

我上面都講左, 報夢式猜謎報料方式係一眾板友所不認同 ...

前面其實都有版友解釋左，
點解有時o的車務調動唔方便直接 post 晒上黎，
以前亦唔係未試過發生因為改動揚左最終撻 Q 既例子，最經典就係 95 加金一早揚左，
結果 3 架車最終過廠掛 2E。
猜謎式放料唔係一個問題，重點係單料夠竟係咪真。

至於兩軸雙層出街呢單，我又覺得無咩好指點，
因為人地出晒時間，咩車咩線幾時開始都非常清晰，
我只係普通版友，但我相常正常人都會知當日九巴唔會真係封路祭天囉。

好喇，咁依家最終搞搞下，
所謂「害群之馬」走晒，車務消息從此回歸正軌，街外人再無得提早知，
然後一班轉載王就不斷東搵西搵找堆總有野錯既「開明線開明車牌」既料返黎填補返 B0 版空白，
究竟你悍衛左 d 乜野？大家真係有得益咩？

我只知道以前小到一個同廠歐二豬換歐二豬既改動都會有人報，幾乎一有掛牌調動 B0 版事前幾乎唔會走漏，
依家？連金雞調廠再調廠，呢度都無人報。

我自己咁睇啦, 有頭髮邊個想做癩痢,
就係因為冇人報一手料, 有N手料都好過乜都冇啦...
人人轉載, 點解你唔自己睇聖經？
我都想有朝一日, B0回復昔日光輝, 最好聖經都要抄呢度。

如果你要我選擇歸邊, 我一定企係第一手放料者個邊,
你話我食古不化乜都好, 捉賊就要拿贓, 無料無證據就無資格質人。

至於站友放料與否, 呢個係佢地既自由,
不過有人肯放料, B0就有責任俾空間方便你放料。

原帖由 LD9156 於 2012-4-28 10:38 發表
是日PK3161同RE2162已到286M報到

今晚坐中PK3161@ 286M

85m先上得一部蛇=_= 平時都等到訓得覺架啦~
沒想到2687會上85k~

原帖由 3ASV174 於 2012-4-28 19:54 發表

前面其實都有版友解釋左，
點解有時o的車務調動唔方便直接 post 晒上黎，
以前亦唔係未試過發生因為改動揚左最終撻 Q 既例子，最經典就係 95 加金一早揚左，
結果 3 架車最終過廠掛 2E。
猜謎式放料唔係一個問題，重點係單料 ...

咁如果係臨門射失,
你會覺得果單係真料定假料?

又或者咁講,
我地點肯定係臨門射失呢?

基本上流料呢樣野,
全世界各圈子都會有,
我地係近乎無可避免...

甚至乎自己睇巴士以外既喜好果陣,
都賴過野...
咁我覺得,
其實...冇咩大不了...

放唔放料,
堅野還是流野...
我覺得...全部都係個人喜好,
你有料,你信得過係堅既,
你放上黎,咪放囉,
你唔放上黎...其實唔見得有咩損失...