臨時改道 輕鐵亂點一通

(新聞: http://orientaldaily.on.cc/cnt/news/20120429/00196_005.html)

　　李先生日前凌晨時分於輕鐵河田站等候輕鐵751線前往天水圍，期間月台廣播曾指列車將延遲五分鐘到站，惟等候逾二十分鐘仍未見列車蹤影，「五分鐘完又五分鐘，之後仲廣播話冇晒輕鐵，叫啲乘客搭接駁巴士！」李因未悉巴士站所在，曾向職員查詢，但職員卻稱尾班巴士已經開出，最終李先生需折騰一番方能返回天水圍，不滿遭港鐵「亂點一通」。

　　港鐵發言人證實，事發當晚輕鐵751線往天逸方向的尾班車，原定零時四十三分途經河田站，惟約零時三十六分，屯門杯渡路、青雲路和鳴琴路交匯處發生交通意外，導致751線服務受阻需要改道，未能前往河田站。輕鐵車務控制中心遂安排接駁巴士，行走751線沿途各站接載乘客，並透過車站廣播通知乘客轉乘接駁巴士。

港鐵發言人既回覆 係咪都亂點左報館?
杯渡路、青雲路和鳴琴路交匯處交通意外, 只會令到505由建安轉入山景, 或以及506建安去青雲一段受影響
751由市中心、屯門至河田都是高架橋行車, 就算路面交通出現車龍都不會阻塞到751
我搭過751尾班都不是由車廠開出的

以往輕鐵有事故, 月台班次資訊屏只會顯示「xxx路線服務受阻, 請留意月台廣播」
好多時廣播講既事故同受影響情況都唔清唔楚, 廣播嗌人搭巴士又唔講有咩線搭,
又唔提人月台街道圖有緊急巴士站位置, 希望輕鐵車務控制中心可以再改善下

尾班車雖然人比較少, 但消息通知方面處理不好, 就令到尾班車客好麻煩
投訴人由河田返天水圍, 過左尾班輕鐵/緊急接駁巴士, 只有的士可以選擇
等到職員(可能今次來自屯門站會快d) 黎答你問題, 果班緊急接駁巴士已經開走埋

因為河田沿線係同發生意外位置屬於同一個供電區，所以令到751途經既地方都停埋電。

當既既事，相信只有搭開尾班車既乘客先知。實情係港鐵完全冇照顧到呢四個站既乘客。

巴士係有開既，但d人點知去邊搭呢？要知道呢四個站既位置係冇港鐵巴士站既，咁要去邊搭呢？淨係靠月台d死人廣播就死得啦，唔清唔楚！

[ 本帖最後由 4056 於 2012-4-29 15:08 編輯 ]

向來都係咁.....地球蟲都要靠自己......

輕鐵之前田景出大事，仲亂到九彩，又要知幾多學生同D人完全無B計劃....

離譜到見到接駁巴唔係巴士站都沖過去

不過河田果4站，地球蟲都唔知邊到有巴士站，佢有無出接駁車真係無人知

原帖由 lrv1092 於 2012-4-29 14:01 發表

......

投訴人由河田返天水圍, 過左尾班輕鐵/緊急接駁巴士, 只有的士可以選擇

......

又不是差到只有的士可以選擇既，請步行前往新墟街市北行巴士站截610S小巴（如果嫌新墟街市北行巴士站會令到小巴司機睇佢唔到既話，請步行前往屯門市廣場巴士站截610S小巴）。

港鐵職員應該要好好認識各種深宵交通工具，好讓能夠教到miss咗尾班車的乘客不要只有的士這個概念。

[ 本帖最後由 doraemonpaul 於 2012-4-30 00:47 編輯 ]

原來果個區域停左電, thanks ching
見佢無上新聞, 仲以為細單普通交通意外, 應該無電欖斷, 仲有電

原帖由 DGCNYO 於 2012-4-30 00:07 發表
向來都係咁.....地球蟲都要靠自己......
輕鐵之前田景出大事，仲亂到九彩，又要知幾多學生同D人完全無B計劃....
離譜到見到接駁巴唔係巴士站都沖過去
不過河田果4站，地球蟲都唔知邊到有巴士站，佢有無出接駁車真係無 ...

B計劃....
屯元天區內俾鐵路壟斷晒, 邊有咁多選擇

[ 本帖最後由 lrv1092 於 2012-4-30 00:50 編輯 ]

原帖由 DGCNYO 於 2012-4-30 00:07 發表
向來都係咁.....地球蟲都要靠自己......

輕鐵之前田景出大事，仲亂到九彩，又要知幾多學生同D人完全無B計劃....

離譜到見到接駁巴唔係巴士站都沖過去

不過河田果4站，地球蟲都唔知邊到有巴士站，佢有無出接駁車真係無 ...

唔係無 B 計劃 ... 而係堆 B 計劃都死埋姐
因為屯門比輕鐵壟斷哂 ... 基本上無左輕鐵 D 人就無哂車返屋企 ...
北行都還可以 , 都叫有屯公線頂當下 ... 南行就真係自求多福

同埋問心輕鐵假假地都算係四通八達，
我好多（中學生）朋友既心態不過係「是但啦，快又好慢又好咪都係返到屋企，唔好煩我」
唔好話唔搭輕鐵仲識搭小巴，
就研究下邊條線去目的地快啲都唔肯，
出左事 ... 近近地咪行路囉，遠就真係祝好運　

所以莫講果幾個站冇巴士站(?)，分分鐘有都未必一時三刻識得行過去

原帖由 cy211 於 2012-4-30 11:04 發表
同埋問心輕鐵假假地都算係四通八達，
我好多（中學生）朋友既心態不過係「是但啦，快又好慢又好咪都係返到屋企，唔好煩我」
唔好話唔搭輕鐵仲識搭小巴，
就研究下邊條線去目的地快啲都唔肯，
出左事 ... 近近地咪行路囉，遠就真係祝 ...

河田都仲話可以行去西鐵站總站 ...
但蔡意橋至屯門醫院真係好難 cover 到 .... 架車兜到傻都入唔到去

其實輕鐵部有無熱線o係事故期間俾乘客查詢?

原帖由 樂仔〞 於 2012-4-30 14:32 發表


河田都仲話可以行去西鐵站總站 ...
但蔡意橋至屯門醫院真係好難 cover 到 .... 架車兜到傻都入唔到去

平日閒時就係，有西鐵揀，又或者死等爛等，點都等到佢通返車都仲得！

但呢單事故既重點係，冇左既係尾班車！尾班車喎大佬，西鐵又一早走埋喎，你MTR唔係叫我等到第二朝頭車開先返屋企掛？？

起碼都出架巴士，派個職員跟車，在呢四個站逐個逐個站睇下有冇漏網之魚丫，只係呢四個站，又唔係多，點解咁都唔做？

公司既官僚作風囉！乜都跟規矩，乜都按指引，求求奇奇做左就算，仲可以大大聲講「我出左接駁巴喇，原有既乘客一定可以搭倒車架」，但就完全唔理乘客感受，唔理乘客知唔知有巴士搭，月台廣播隨時仲係沙聲既，佢玩晒啦！