以喜愛巴士為恥

我萬萬料不到
我會有打出這樣一篇文章的一日

從儍瓜機年代
小時候未有能力擁有一部相機開始
我已經發現喜愛巴士

不能說的原因
只知道自己一坐上巴士就很高興

到家裡終於很努力下買到家裡第一部相機
我終於可以用有限金錢儲起買菲林
記錄見到既巴士
不過往往晒出黎既相效果都差強人意

當年資訊貧乏
偶然撞到特別的巴士就已經很高興
眼看過印在腦海就滿足

如果當年我家境好點
我就可以更有力地用相紙告訴大家
AV1到裝嵌廠第一日並存有Volvo及Leyland水牌的。

可惜家貧，但我可很慶幸自己用了眼睛記錄點滴。

當年偶然見到行家
就會交換情報，交流心得
從來是以禮相待。

我們從不胡亂觸碰巴士
我們不會干擾巴士職員運作
更很少會有偷竊巴士物品和水牌

因為我們喜歡，愛惜，不容破壞，
更明白自己確切的位置，
喜歡但不覇道，有行家更會分享，高興非常。

但，世界變了。

資訊豐富極了
家境都富裕了
環境也變好了
影相容易多了

換來的，是不斷退步。

專橫沒禮貌，司空見慣了
活人肉路障，見過不少了

從一開始，小弟就以老虎家族成員自居
黑窗框、灰座椅的老虎仔
正是我的最愛
我相信論對這批熱狗的狂熱程度
我可是在前列位置
最少，論年資，我一定贏了很多人。

但我真的不敢前往送行我每一個老友

因為，總有一群人，
會在虎仔全速奔馳時不顧自身安危陪跑
會在虎仔向我展現咆哮時高談闊論，同時滿口粗言

今晚30X送行事件
更讓我看到現在的行家
沒道德、沒禮貌、沒規矩
更不會為人設想，自私自利。

心淡了，心灰了，
更第一次感到以巴士迷為恥。

寫到這裡，其實心痛非常
但可以做到的少之又少
我更預料會有人出來
說我是老一輩衛道之士，甚麼甚麼的。

可以做的，只有變得比現在更低調
但明明錯的不是我，為何要改變自己？

巴士迷，你可真的感羞恥嗎？

多言了。

惡人兵團成員
FV682

其實綜觀各大論壇，支持巴敗行為的人少之又少，
不明白為何去到現實環境卻是巴敗的世界。

原帖由 da54 於 2012-5-2 02:14 發表 http://www.hkitalk.net/HKiTalk2/images/common/back.gif
其實綜觀各大論壇，支持巴敗行為的人少之又少，
不明白為何去到現實環境卻是巴敗的世界。

你沒聽過「口裡說不, 身體卻很誠實嗎？」

係論壇或fb鬧完, 有人讚好好,
回歸現實, 又係表現真我既時候

[ 本帖最後由 kwyeung 於 2012-5-2 02:32 編輯 ]

樓主 , 我明白你感受。

我由小到大都好鍾意坐巴士 , 坐到巴士都會好開心 。

出街有得選地鐵定巴士 , 我一定會選巴士 , 即使貴d同埋耐d ...

有時候 , 唔需要咁執著 ,

鍾意巴士 , 可以係心底入面 ,

自己遊下車河 , 自己唔好做d巴敗既行為 , 自己行得正企得正 ,

洗咩理d巴敗姐 ..

人會變, 月會圓。

小朋友年少無知, 屋企又唔教, 有乜出奇呢？
過多幾年, 佢地可能諗番都會面紅。

行為問題, 根本唔止係巴士迷獨有, 係呢一代既問題。
當年俾學校罰留堂、見家長已經係世界末日,
而家好多九十後, 啪丸、偷野、打人樣樣齊,
斷正俾警察落charge, 過堂前見律師會驚既少之又少,
留案底之嘛, 同落D場溝條仔差唔多, 冇所謂架

要懂事既, 唔洗教都會懂,
未識性既, 教完都唔會乖。
偶然有緣既, 教完你又肯聽, 我會好主動幫人教仔。
唔聽既, 亦冇必要上心,  我唔係聖人, 人地仔女更加唔到我教。

依家部份巴士迷係依個社會簡直係獻世,
做人唔死都冇用,香港點解咁多"垃圾",
除咗一部份係佢地自己衍生出嚟,其餘就係佢地嘅父母,
冇解嘅,佢地父母咁垃圾,個仔又點會唔係垃圾呀...

我咁講,唔係為鬧而鬧,唔係不吐不快,
係而家部份巴士迷嘅質素可以一瞬間變到去連狗都不如嘅程度,
回憶起70佐滙尾車,最難忘係返到上水果刻,
司機連砵砵幾聲,再由車上歡呼果下,然後同個車長係車頭影大合照,過程十分愉快,融合!
仲點會好似而家咩到吠一餐,仲同站長,車長爭執?
香港咁多交通迷,係零零舍舍得部份巴士迷咁百痴,咁無腦!
你話鐘意偶像要癲到咁,情有可原,因為佢起碼識講野,
巴士係死物,唔係女人,為咗個死物而搞成咁,而家部份巴士迷痴線可以痴線到咁嘅樣,
睇下幾時有部份巴士迷會有一日癲到身體有需要嘅時候,真係可以求其揾架巴士死氣喉堆入去發洩完算數!
以前嘅巴士迷肯定不復再架啦,教育就教唔到啦,唯有寄望舊一輩嘅巴士迷能繼續鐘意巴士啦!

[ 本帖最後由 82M 於 2012-5-2 03:19 編輯 ]

原帖由 fv682 於 2012-5-2 01:29 發表 http://www.hkitalk.net/HKiTalk2/images/common/back.gif
如果當年我家境好點
我就可以更有力地用相紙告訴大家
AV1到裝嵌廠第一日並存有Volvo及Leyland水牌的。2 L4 h5 J+ c* _/ Q

題外話, 唔知邊位師兄有影呢, 我都好想睇下係點樣.
當年我地成班FD都會去屯門廠睇新車, 當時好多人都係就咁影下, 吹下水, 唔會好似依家D小朋友搞黎搞去...-_-"...

喜歡商用車就可以了，巴士行頭好細，加上D無聊到爆既規則.....有時覺得巴迷唔係人地歧視

佢地D行為難免逼人地劃界線，連大巴、小巴迷都自行分界，就知巴迷個牌頭真係唔掂

巴士多靚仔，靚仔家下Facebook 2日出唔到圖唔威都好似無朋友，咪駁老命成班人古古怪怪出位囉

只能夠講，香港變成咁，其實都有一個好大原因，劉華個廣告真係累死人，做服務業就好態度？

琴晚咁既樣，正路擺街報警己經完全無問題，講多2句拉你落車都有知.....

我也是30多歲的巴士迷、不過等埋白色車(AV)的巴士退役之後不影相了、我影它只在總站休息的時侯影、因自己知要守規矩、但現代的............唉...........
DGCNYO兄、個廣告何止累死人！仲要係令到那些所謂顧客膽子變大、大小事都投訴、要你們服務業嘔凸他們所付出(即倒貼、旅行社便是好例子、道歉兼賠錢)、投到其他人失業、他們更加覺得應份...............

新一代太幸福,加上父母寵愛有加,自己無批判同分析能力,唔學壞就奇
唔好話巴敗,而家D細路仔講粗口好勁,我地80後見到都O哂嘴,果時我地連粗口係咩都唔知呢

樓主又唔使咁灰,以喜愛巴士為恥,因為你無做錯;錯既只係一群巴膠,做野唔經大腦,好容易車毀人亡
想起昔日影巴士的日子,百般滋味在心頭,果時熱狗百花齊心,ME,S3N,S3BL,S3M,3BL,3N等儘在我的相簿