我對熱狗巴士的回憶

幼稚園時期，第一次往尖東，之後便乘坐仍是用MB行走的102線回家，因為與家人外出很多時往九龍、新界都是乘搭地鐵、九鐵，因此這次算是比較深刻；到了1988年8月某天的晚上往清水灣旅行（因為實情已忘記了），等候旅遊巴士前見到服役不久的AL1駛過便感到好奇，至於當時乘搭的旅遊巴士其實是一部屬於有豐巴士的 Fleetline。

小學時期，因為上學是乘搭校車，而來往銅鑼灣及灣仔亦是乘搭紅色小巴，因此乘搭巴士的機會不多，而比較深刻印象的是乘搭BR1經東區走廊（行走780線）、LX行走開辦不久的43號線等；不過最深刻印象便是與家父乘搭AV1，因為之後已經沒有機會乘搭了。

到了2000年後，港島區不再有非空調巴士行走，因此乘搭非空調巴士的機會只能在九龍及新界區了，2006年夏天我終於買到第一部數碼相機，其後有一次自己一個往沙田，在新城市廣場總站乘搭九巴往愉翠苑，那部九巴是一部採用吉蘭引擎的 Leyland Olympian，可惜當時忘記了拍照，一、兩個月後此車便退役，便是我其中一個巴士迷失涯中令我遺憾的事。

到了2008年調到葵涌區上班，下班時多數寧願乘搭巴士回家，因此比較多機會乘搭39A線往美孚轉車，而乘搭非空調巴士在貨櫃碼頭對出的葵涌道飛馳的機會亦快將消失了。

原帖由 hkaiw 於 2012-5-2 10:14 發表 http://www.hkitalk.net/HKiTalk2/images/common/back.gif
幼稚園時期，第一次往尖東，之後便乘坐仍是用MB行走的102線回家，因為與家人外出很多時往九龍、新界都是乘搭地鐵、九鐵，因此這次算是比較深刻；到了1988年8月某天的晚上往清水灣旅行（因為實情已忘記了），等候旅遊巴士前見到服役不 ...

中學回憶, 應該係樓下5 仔既3BL, 同埋返學既17 號BL.
當年仲係講緊5 仔只有6 架冷氣巴, 但16 架熱狗既年代.
個個司機都有佢渣車既特色, 到今日都仲好記得.

BENZ 同康都冇晒之後冇晒興趣........
因為以前中六七溫書溫到好辛苦時, 就會去坐下康都, 感受下佢個種澎湃既動力,
個時康都係唯一一款"越上越快" 既車款, 坐完之後個人都會精神返晒, 有動力繼續前進..........

後來比較深刻, 係62X 最後一日, 坐FX8032 時個種 "好似20 幾年都冇坐過真正既巴士" 既感覺......
呢排發現GK9710 飛葵涌道不錯, 便預早D 去感受一下, 行70 飛馳公路既涼風, 原來同行50 既風有分別.

往矣, 一切永記心中.

[ 本帖最後由 av220 於 2012-5-3 01:42 編輯 ]

而我自己覺得
接觸熱狗車都要在小學生時代開始。

記得小一時，日日都搭5C回校。日日搭鴨車回校，最喜歡坐的是近車門的單人位，感覺好舒服。自此喜歡坐d熱狗車單人座，一來可以感受背後的涼風，二來又舒服伸展。
自5C全冷後，就好少搭熱狗車lu。

到中學年代，受對熱狗車充滿好多記憶
先從中一講起，因為學校地點不同，3B幾乎是吉龍天下，亦好奇坐下。
雖然無鴨車更好。
中二時，3B大幅度加冷，再無大機會在放學搭到熱狗車。
但唯一不變的是，因為我所讀的學校，8:05開始上課。
自己而言，只要搭到熱狗巴士班次，就不會遲到，有時自己想慳錢關系，寧願等熱狗巴士回校。當時用車為S3M246。此車更成為愛車之一。亦因這樣，我成為巴士迷的一個原因。
到會考開始，3B全冷，變相對熱狗巴士好難有機會搭到。

從此，
熱狗巴士在中學時代的記憶之一。

80年代我小時候住荃灣(返學也是)、但媽媽卻在荔枝角上班、又不放心我和妹妹留在家、於是叫我們認住巴士33A、放學就搭它去第二十幾個站下車(都唔記得了)、當時我就開始坐它了、那時候還是珍寶和勝利二型呢！
到中學、返石梨貝要坐31、放學也坐、記得當時坐勝利二型、將車頭前面兩隻窗開到最大、真係吹到講唔到野..............加上當年巴士尚未禁煙、如果坐低見到那些「煙民」吹煙、就開窗吹他們、費事吸二手煙！
對於這些老朋友、我衷心向它們致敬、可恨當年我沒有相機、無法留下它們曾經生存的歷史、這是我一世的遺憾、熱狗巴、真的謝謝你們對我的照顧、謝謝 ...........

大概系94年嘅时候，我第一次去香港，坐上咗当时仲系跑紧111过海线嘅3门热狗（从港澳码头到黄大仙段），自此终生难忘，中意咗巴士
之后就系97年去中港码头坐船番珠海，坐到嘅系3C（黄大仙中心-中港码头）
最后一次，冇记错应该系08年从尖沙咀码头番黄大仙的5路（尖沙咀码头到黄大仙段）
冇坐到最后时刻的热狗，真系可惜