[上報鳥]打尖起爭執 衝馬路阻攔 狂追熱狗巴士迷失控

真係上左報, 不過上報都冇用, 班友都唔理
http://hk.apple.nextmedia.com/template/apple/art_main.php?iss_id=20120503&sec_id=4104&art_id=16303319&av_id=16303533

【本報訊】九巴非空調巴士（俗稱熱狗）本月底前陸續停駛，不少人趁最後機會「尋味」，前晚其中一條熱狗線開出尾班車引起混亂，大批巴士迷因巴士爆滿無法上車，與車上乘客互相對罵，有人衝出馬路阻攔巴士離開。巴士迷瘋狂「追狗」或違例，失控行為更隨時導致意外。


九巴車隊現僅餘 25輛熱狗巴，行走約 10條路線，全將在本月底前陸續退役。其中 30X黃埔花園至荃威花園的熱狗（車牌 GL390）前晚 7時許開出尾班車，黃埔花園總站大排長龍，有人打尖引起爭執。


粗言對罵　拍打車身
熱狗最後爆滿「頂閘」開出，駛至蕪湖街停站，在車站侯車的人龍無法上車，有人高聲叫囂，大叫「開門」，車上有乘客則大叫「開車」，互以粗言對罵。其間司機打開車頭的門讓一名乘客下車，隨即有數人趁亂擠上車。一名排龍頭穿粉紅色衫的男子情緒激動，指斥他們打尖，衝出馬路阻攔巴士，之後又大力拍打車身，場面混亂，有人高呼「使唔使報警呀」。事件擾攘近 5分鐘，最後巴士在叫罵及噓聲中離開。
巴士未幾抵達拔萃女書院站，再出現同樣情況，未能上車的人鼓譟，並試圖阻止巴士開車，及向車上乘客豎中指。巴士晚上 8時許抵達荃威花園總站。事件引起不少網民批評，有人擔心最後一輛熱狗退役時，「出動埋防暴警察先可以控制混亂場面」！
據了解，熱狗尾班車出現混亂已非首次， 3月底 35A熱狗巴尾班車亦曾發生巴士迷在車上謾罵叫囂事件。每當有熱狗退役，都會吸引大批年紀較輕的巴士迷「追狗」，送別尾班車。有資深巴士迷稱，這些「港童」巴士迷多是中、小學生，平日行為已引起非議，為了搶先影相放上網，罔顧安全走出馬路拍攝，令人擔心其瘋狂追狗行為會失控。


干擾巴士　可囚半年根據公共巴士服務規例，乘客故意阻礙巴士司機、或干擾巴士操作，不適當地干擾車門，行為導致他人不安、煩擾或不便，都屬違法，可被罰款 3,000元及監禁 6個月。

九巴發言人表示，非常關注 30X前晚的混亂，會密切留意其他非空調巴士服務情況，有需要時會作出相應安排。

[ 本帖最後由 nwfb94A 於 2012-5-3 07:22 編輯 ]

港童同巴士迷扯上關係

今朝上yahoo news都見到兩篇

剛才一上yahoo見到有news出埋即刻過來收料....
坐唔到米算數囉,洗乜搞到咁大陣象....
有種有本事到招標米買左佢想點坐都得啦.....

不過,報導中一段...

有資深巴士迷稱，這些「港童」巴士迷多是中、小學生，
平日行為已引起非議，為了搶先影相放上網，
罔顧安全走出馬路拍攝，令人擔心其瘋狂追狗行為會失控。

老實講,唔知點解我呢個差不多10年已經無再(o係)香港影過巴士相的我都認同呢段...
相反,在英國影左咁耐車基本上從來唔會見到呢d混亂場面....

得罪D講句,我返到香港真係唔敢拎部相機出來影車,
我好怕自己都比其他人標籤左我係呢班「港童」....

個人意見,無意得罪....

蘋果,東方同明報都有報導巴士迷失控事件.
巴士迷三個字再一次被標籤!

原帖由 Mandurah__Line 於 2012-5-3 07:31 發表
今朝上yahoo news都見到兩篇

有一篇仲有video添

唉...
果班人真係影衰呀整個巴迷界
我有一個fd (唔係巴迷黎)
係facebook都鬧爆佢地
仲話佢地係巴X

原帖由 ctb234 於 2012-5-3 09:20 發表
蘋果,東方同明報都有報導巴士迷失控事件.
巴士迷三個字再一次被標籤!

星島都有  
在yahoo新聞內睇到。

http://hk.news.yahoo.com/%E5%B7%B4%E5%A3%AB%E8%BF%B7%E8%BF%BD-%E7%86%B1%E7%8B%97-%E5%9C%96%E6%94%94%E8%BB%8A-222241010.html

該名在車外粉紅色衫爛撻撻男子實質是巴士迷, 與其有份參與罵戰的同行女人, 曾多次參與活動, 更參加過大集會, 多份報紙形容他是乘客, 並不恰當!  好似見過網上一段片, 該對男女曾事前於黃埔花園巴總出現, 追車, 不過搵唔返段片

該男子行為及粗言更比車上乘客粗暴, 就是因為他而令所有巴迷蒙羞, 某些組織是否應該耙他加入黑名單, 拒絕他(們)參加活動?

原帖由 AVW28 於 2012-5-3 09:27 發表

星島都有  
在yahoo新聞內睇到。

http://hk.news.yahoo.com/%E5%B7%B4%E5%A3%AB%E8%BF%B7%E8%BF%BD-%E7%86%B1%E7%8B%97-%E5%9C%96%E6%94%94%E8%BB%8A-222241010.html

經過今次事件.
我諗都係繼續做隱形巴模愛好者會比較好D

原帖由 blueblue 於 2012-5-3 09:28 發表
該名在車外粉紅色衫爛撻撻男子實質是巴士迷, 與其有份參與罵戰的同行女人, 曾多次參與活動, 更參加過大集會, 多份報紙形容他是乘客, 並不恰當!  好似見過網上一段片, 該對男女曾事前於黃埔花園巴總出現, 追車, 不過 ...

呢條片
http://www.youtube.com/watch?v=ItC7JWNYA08

個女既約係0:16出現﹐男既係0:29離開條隊