38A「今晚你就好做啦」

睇到樓主番說話其實幾火的
真係以為個個好想OT？有時有錢都唔想OT！
返完八九十個鐘淨係想返去訓結果仲要同你OT
睇住架車無事就好，有事煩死
你鍾意熱狗，唔代表佢地鍾意，佢地原本放得工，結果要陪一班所謂巴士迷
九巴內部我唔清楚，但係好多工OT完第二日又係要返早，OT又無得補水又無得補鐘
正常工時以外仲要工作，真係覺得OT咁好？！

真係以為賺錢好似好容易咁，唉

其實鍾唔鍾意 OT 見仁見智....

實際上巴士公司前線崗位人工唔算好多，唔少人就係靠 OT 補水去搵更好的生活水平，
所以有 d 人會希望盡量返個工時長的更份，甚至有唔少「搏補水」的情況.....

但同時亦有人唔喜歡太勞碌，所以鐘返夠鐘就算..... 兩種人都唔少.....

所以除非你真係問過有關人士，否則用自己的主觀意願去斷定人地的諗法係無意義的。

嘩, 乜講到我又唔尊重佢地職業, 又唔體諒人地要OT加班....
其實稽查都唔係第一次出現係熱狗尾班車,
之前幾條線全冷前都有一部稽查車載兩個職員觀察秩序同幫手拆牌,
只係30X之後係用多左人手管理.

至於我果句「OT錢賺得容易」其實係相對於30X果程2位稽查受盡辱罵阻滯,
事實上38A這晚和平結束, 又確實比30X果程易處理,
如果我咁講意思變成唔體諒人家辛勞, 錢好易搵, 我願意道歉.

再者只不過聽到稽查講一句「要做野晚點才可回家」, 唔需要聯想得太多太遠,
唔通站長同我傾計講一句, 「30X果晚你地就唔係咁好喇, 攪到咁大件事」,
我又要翻譯意思變成「巴士公司職員好討厭巴士迷」?

唔好事事都將巴士公司職員跟巴士迷扯到對立面, 「你班友坐熱狗阻住人地收工」,
巴士迷守秩序, 雙方都好做, 開心平安咁告別熱狗,
而唔係鼓吹巴士公司即時停行所有熱狗, 想一拍兩散咁.

如果你覺得我誤會你番說話，我都願意道歉
不過我會話【我地阻住人收工】，係因為當時，我聽到哂稽查講電話的內容
佢係真係好想早點返屋企的
跟住就看到你番說話，先至火

要知道熱狗事件真係唔係佢地原本職責
我本身都有車長同站長的朋友，佢地有幾討厭巴迷我知道
一向佢地好少提工作方面的事，係最近熱狗事件先聽佢地呻得多
除夕夜／平安夜要通頂開工，職員都一早預左，而唔係這種臨時性質的

無論點樣，你只係睇到表面，唔理係30X定38A，都唔好話人OT錢賺得容易