[長文&多相] 是日 (5/5) 九巴5隻熱狗

N年冇貼過相，亦都好多年冇好似今日咁追車。
對上一次應該要數到愛車04年退役。

基本上，康都全退後、93A加冷/全冷後，影車的動力已大不如前，
回想當初喜歡影巴士，完全係因為93A。
因為成日搭，搭得多自然有感情、自然開始研究條線的用車、開始記低條線有邊幾架車行。(原來已經係十幾年前的事！)
相信好多巴士迷亦都有類似的經歷！

之後慢慢開始研究埋其他路線，開始有自己第一部數碼相機影巴士...
之後愛車EK706 2004年退役，退之前成日捕佢，四圍打探佢的行蹤。
知道佢做44蛇車，又要柯打38同41，之後經常周圍捕佢... 到佢退左，出動的次數已經大幅減少，
就算出來影相，都已經冇特定目標，只會揀選某D多車出沒的地方影相，影到特見就係bonus，影到成日見的車亦無所謂。

到最近兩個月，知道熱狗好快會全退，又多左出來捕車，
而且近年捕車的確容易左好多，有晒時間表，仲有網站教你影相的位置...
所以捕車的成功率亦比以前高了！

到前幾日睇到30X事件，真係好心up，本來已諗住唔再影，
不過始終都想影低熱狗時代的最後日子，加上下星期唔得閒出來，所以今日都出左去捕車。
期間遇到的「行家」大多數都好友善，好識規矩，
企前面的行家知道阻到後面影相都會自己走位，後面見到前面阻住亦都好有耐性等人走開。
呢D就係我一向印象中的巴士迷！ (可能我好彩，暫時未遇到一D搞事份子。)

夜晚上版，有消息指熱狗只會行多3日，如果屬實，今日可能係我最後一次影熱狗了。

如果你睇到來呢度，多謝你！

去相！

1A飛龍



16-S1


40最後一熱


上到廣田，再遇6737，任影唔褸


16-02


想捕影的GL258始於沒有出


荃灣西影39A



炒炒地的門位，算啦... 總算影到~


上埋荃威，好暗！都叫做影到


返到麗港城，影多次2387






謝謝你的耐心觀賞