作為一個居民，我對巴士迷既行為好失望

原帖由 大班神經漢 於 2012-5-10 08:22 發表

你都幾小器, 之前十幾版, 睇過哂, 只得第二版有人對你評分, 而且共十個人, 當中只有一個人扣你分, 而且佢都係議事論事, 你真係希望全世界都要完全接受你果套麼? 冇可能, 聖人都做不到!
如果你硬要將當晚你地一小撮 ...

師兄, 如果你覺得我認為網上呢D虛擬既分數係好重要的話
或許你錯了.
起碼我唔會因為有人LIKE而沾沾自喜, 更唔會因為被扣分而耿耿於懷.
(你睇到只有第二版有人評分, 當然啦, 我只係係第二版回左文, 後面就有源源不絕的討論)

我只係覺得, 如果連普通一個慶祝活動都要被人上綱上線
形容到好似十惡不赦咁
香港人既包容心係咪低到咁?

無錯, 班車到藍田總站既時間係0130, 好多人都係睡夢中
但係, 呢班人其實由果日既下午一直聚集
如果係有腦少少既, 居民一早返屋企果陣都會問保安樓下站頭發生咩事
要投訴既亦都一早投訴左

問題係, 連居民都未投訴, 點解我地會咁快睇到呢班同好係阻住人地生活?
係咪巴膠睇巴膠睇得唔順眼要出黎口痕投訴下?

你話7仔果件事, 我就覺得離譜左
但係架車度歡呼下, 架車離開總站果陣叫「再見熱狗」
問題係咪真係咁大?

原帖由 blueblue 於 2012-5-9 11:10 發表
我大大話話做了巴迷二三十年, 真正影相都成二十年, 雖然稱不起一個資深巴士迷, 近年我一直不認同很多年青巴迷的行為, 故現在甚少在香港的街上影巴士, 但昨日我為了送別熱狗, 走了幾場, 包括九龍城, 旺火及柏景灣, 在昨日人多, 地方有限, 兼炎熱的情況下, 過千人都沒有出現亂子, 而場面算有秩序, 還能控制, 大家可能經過上次Hung Hom有兩名無知的爛仔巴迷事件影響, 吸取了一定教訓, 都不敢亂來, 而今日的報章對大家昨日的行為也沒有什麼劣評, 真是要比個讚字大家.

我不知道樓主發表本文有什麼居心, 是不是今日多份報章都沒有對大家昨日的行為劣評, 在此歡送熱狗時刻發本文會否惹來傳媒的注意, 再次為巴迷形象蒙上陰影?

樓主稱自己只是一個居民, 但佢2010年已成為本版會員, 從沒發文, 突然在此敏感時間出文, 到底佢是不是巴士迷? 而發本文有什麼目的? 有沒有用其他ACCT的分身? 大家想想啦!

多言了  

原帖由 dennis-ying 於 2012-5-9 21:52 發表
個人認為這篇文章有極符合邏輯的地方！

如果親愛的樓主只是一位普通的廣田居民，
為何會懂得在 italk 發表文章？
難道 italk 為廣大市民所認識？
可能親愛的樓主，早於2010-1-3 建立ac，
留後日不時之需！

如果親愛的樓主只是廣田居民、而又是巴士迷，
廣田巴總離自己的家多麼近，
為何一點鐘仍留守自己家中，
唔落一落樓，影一影16號最後的熱狗？
可能樓主係5月9日有要事做，
要在家中好好休息！
又或是樓主對熱狗何其的討厭，
所以留在家中！

我都知道這一班巴士迷，「何其」令人討厭，
辛苦樓主向我們表達意見！  

師兄你地好，
或者我應該澄清下，
小弟只係一個偶然關注區內交通既普通廣田居民

至於點解會有italk account，
只係因為2年前，
留意到有樣野叫巴士路線重組，
係search engine到search呢個keyword search到italk，
就註冊左個account，
小弟對巴士並無特別愛好，
謹此而已

原帖由 hkbw 於 2012-5-9 10:01 發表
外國既會係最後既日子一齊出現見證歷史, 但就唔會一定非要等到最後一班不可~

剛剛在找一些當年倫敦 Routemaster Last Day 的相片和資料, 或者在此補充一下, 又可以讓大家比較一下 "外國經驗" 和香港熱狗退役之間有什麼分別。

倫敦似乎是應警方要求, Routemaster Last Day 唔可以行到夜晚, 要在中午左右行最後一程, 下午由新巴士接替。警方全程跟進開路和維持秩序。最後一班車開o左 3 架 Routemasters, 終點一樣係迫滿人。由於巴士泊街, 圍觀民眾迫晒出馬路。

而根據資料, 尾二服務日開了 24 架特別車, 最尾日只開 3 班車, 但送別人數比前一天多了 20 倍。由此可見, "一定非要等到最後一班不可" 不是港人專利, 外國人都會做。

倫敦情況顯示警方是有較大參與, 安排可能較妥善。相比下, 香港警察參與度似乎就小得多。如果以此角度睇, 香港巴士迷都算係咁, 咁少警力之下, 冇做成太大秩序問題。當然對於一些不當行為我們不應加以美化, 要繼續批評, 希望將來大家會更守秩序, 更為其他人設想。而香港警方也可以提高參與度, 畢竟人多的活動, 要有警察維持秩序係天公地道o既事。而巴士公司可以調節尾班服務去日頭或者少民居之地, 畀大家可以略為「放肆」一些都唔會影響其他人。

http://www.londonbuspage.com/051209.htm
Dec2005_London_RM_10.jpg

原帖由 656-HU3984 於 2012-5-10 11:04 發表
師兄, 如果你覺得我認為網上呢D虛擬既分數係好重要的話
或許你錯了.
起碼我唔會因為有人LIKE而沾沾自喜, 更唔會因為被扣分而耿耿於懷.
(你睇到只有第二版有人評分, 當然啦, 我只係係第二版回左文, 後面就有源源不絕 ...

一個正常人響下晝或者夜晚放工見到成村人響總站度又如何?
就算佢知道熱狗最後一日, 都唔代表佢會知道你地班友會響凌晨點幾兩點叫囂大吵阻佢瞓覺

我作為一名 2x 歲的巴士迷，我都對個別巴士迷的舉動極度不滿！
(我於當晚十時離場，除了第二天要上班外，就是不想與一些行為失控的巴士迷同場！免得我會衝動的在場「鬧爆」那些行為失控的巴士迷。)


熱狗退役，全城皆作送別…難捨難離之情，實無可厚非…

但告別可是有很多方式。有必要一定要在深夜時份「以叫囂的形式」作送別嗎？這樣一定擾人清夢！情緒高漲還情緒高漲，但就是不能「以情緒高漲」為由而作出一些破壞公德的行為！(如因巴士職員的安排不合自己心意而借情緒高漲而對他們不禮貌等…)


若要不被人標籤為「巴膠」，先要檢討一下自己的行為！

[ 本帖最後由 Mclok_Dennis 於 2012-5-10 16:24 編輯 ]

唉，倫敦 Routemaster 告別後仍然有兩條特別路線 9H, 15H 有 RM 行....
如果九巴都開兩條咁既路線用熱狗行，我諗星期二就唔會咁多人~

原帖由 da54 於 2012-5-10 15:59 發表
唉，倫敦 Routemaster 告別後仍然有兩條特別路線 9H, 15H 有 RM 行....
如果九巴都開兩條咁既路線用熱狗行，我諗星期二就唔會咁多人~

你以為?
據講英國ROUTEMASTER尾日行正線都好多人歡送呵.

另外,倫敦的9H,15H係咩線來架? 我只見過9,15短棍用ROUTEMASTER.

原帖由 Mclok_Dennis 於 2012-5-10 15:55 發表
我作為一名 2x 歲的巴士迷，我都對個別巴士迷的舉動極度不滿！
(我於當晚十時離場，除了第二天要上班外，就是不想與一些行為失控的巴士迷同場！免得我會衝動的在場「鬧爆」那些行為失控的巴士迷。)


熱狗退役，全城皆作送別 ...

根據站規 45. 文章字體 (Font Size) 不得大於「6」,
請修改文章

admin26

原帖由 FBI2 於 2012-5-10 16:06 發表


你以為?
據講英國ROUTEMASTER尾日行正線都好多人歡送呵.

另外,倫敦的9H,15H係咩線來架? 我只見過9,15短棍用ROUTEMASTER.

9H 和 15H 就係 "短棍" 囉 H for Heritage 嘛 ~

原帖由 FBI2 於 2012-5-10 16:06 發表


你以為?
據講英國ROUTEMASTER尾日行正線都好多人歡送呵.

另外,倫敦的9H,15H係咩線來架? 我只見過9,15短棍用ROUTEMASTER.

我不如掉轉咁講啦：如果無 9H, 15H，Routemaster 告別可能有更多人~
睇得明未？

9H & 15H 點解 gakei 兄已答。