作為一個居民，我對巴士迷既行為好失望

原帖由 hkbw 於 2012-5-9 10:01 發表
外國既會一班人企定定某個位影, 但就唔會好似香港咁成群暴走~

一個我同 edhong 兄都認識o既英國巴士迷, 佢都係喜歡企定定某一個位影, 不過佢係喜歡企定定o係馬路中心影。來到香港都係一樣, 佢最鍾意就在彌敦道的馬路中心影。我同佢講香港呢度唔同, 你最好唔好咁做, 但佢鬧返我轉頭。我同過佢在英國影巴士, 佢一樣試過因為要影 "特見" 而暴走九條街。我唔知呢類人有幾多, 但據我了解都唔少。

外國既會係最後既日子一齊出現見證歷史, 但就唔會一定非要等到最後一班不可~

我唔知你點樣認為 "非要等到最後一班不可" 係有乜o野問題, 係咪你唔認為有價值的事就係有問題? 我尋晚都去o左影 "非要等到最後一班" 尾車, 咁你話我有乜o野問題呢?

地域文化差異, 亦顯示出一般市民既行為操守水平, 呢個亦係我琴晚點都唔肯出去送熱狗的原因.

如果係英國, 我應該好似當年送routemaster咁出左去~

如果畀我, 我係唔會受其他人o既 "行為操守水平" 影響。我自己認為應該做, 值得做, 想做, 就去做。我點解要因為其他人搞搞震而令我自己不能忠了自己o既想法而去行事? 你係咪怕你出去, 會畀人當埋係 "巴敗"?  不過我就唔會介意人o地點睇我, 我只介意我自己點睇自己。

[ 本帖最後由 gakei 於 2012-5-9 10:48 編輯 ]

原帖由 orange 於 2012-5-9 10:28 發表

加上16本身尾班係凌晨,如果提早至早上或晚上開,會因為人太多而影響
其他路線運作,而且尾班車時段做客量少,加埋路面較暢順,可以調動車同
人都較容易,除非個活動係有場地提供,否則維持係凌晨搞會較好

除o左節日倒數呢類有「時間性」活動之外，我唔覺得有其他群眾活動係凌晨搞會較好
又唔見新巴當年LV30/DM28活動係凌晨搞? (雖則你可以話LV30/DM28係官方活動)

我大大話話做了巴迷二三十年, 真正影相都成二十年, 雖然稱不起一個資深巴士迷, 近年我一直不認同很多年青巴迷的行為, 故現在甚少在香港的街上影巴士, 但昨日我為了送別熱狗, 走了幾場, 包括九龍城, 旺火及柏景灣, 在昨日人多, 地方有限, 兼炎熱的情況下, 過千人都沒有出現亂子, 而場面算有秩序, 還能控制, 大家可能經過上次Hung Hom有兩名無知的爛仔巴迷事件影響, 吸取了一定教訓, 都不敢亂來, 而今日的報章對大家昨日的行為也沒有什麼劣評, 真是要比個讚字大家.

我不知道樓主發表本文有什麼居心, 是不是今日多份報章都沒有對大家昨日的行為劣評, 在此歡送熱狗時刻發本文會否惹來傳媒的注意, 再次為巴迷形象蒙上陰影?

樓主稱自己只是一個居民, 但佢2010年已成為本版會員, 從沒發文, 突然在此敏感時間出文, 到底佢是不是巴士迷? 而發本文有什麼目的? 有沒有用其他ACCT的分身? 大家想想啦!

多言了

[ 本帖最後由 blueblue 於 2012-5-9 11:11 編輯 ]

原帖由 gakei 於 2012-5-9 10:46 發表


一個我同 edhong 兄都認識o既英國巴士迷, 佢都係喜歡企定定某一個位影, 不過佢係喜歡企定定o係馬路中心影。來到香港都係一樣, 佢最鍾意就在彌敦道的馬路中心影。我同佢講香港呢度唔同, 你最好唔好咁做, 但佢鬧返我 ...

你令我諗起一個心理學/社會學的理論~ 甚麼樣的人就會跟甚麼樣的人做朋友~  有興趣可參考 Clore (1976) 或者 ‘law of attraction' by Byrne (1971)

我唔知你點樣認為 "非要等到最後一班不可" 係有乜o野問題, 係咪你唔認為有價值的事就係有問題? 我尋晚都去o左影 "非要等到最後一班" 尾車, 咁你話我有乜o野問題呢?

誰會珍惜當你還擁有
將要逝去總想挽留
想挽留想挽留看似荒謬
求今天所得　永遠守
節錄~阿信的故事~

呢d道理, 真係講左幾十年, 明的人還是少數~

如果畀我, 我係唔會受其他人o既 "行為操守水平" 影響。我自己認為應該做, 值得做, 想做, 就去做。我點解要因為其他人搞搞震而令我自己不能忠了自己o既想法而去行事? 你係咪怕你出去, 會畀人當埋係 "巴敗"?  不過我就唔會介意人o地點睇我, 我只介意我自己點睇自己。

呢段回應, 竟然剛好與人力資源顧問點出香港年青人過份自我中心的問題不謀而合~但竟然出自一個都有多年資歷的家祺兄口中~

這個世界並不是只有巴士迷, 亦不是只得你自己一個. 每一個人都有唔止巴士迷這個身份.為左一個身份而完全不顧自己其他身份去做事, 是否一個成熟大體的做法呢?

至於, 過份自我中心會有甚麼問題, 相信不用小弟多作解釋~

不過咁, 我預左呢度大部份既人都應該會話我只介意自己點睇自己~
well~~冇話唔得既, 但生活係一個社會, 一個群體之中, 又是否可以完全唔顧其他人感受, 只介意自己點睇自己而行呢?!
相信呢d大家自己心中有數~

[ 本帖最後由 hkbw 於 2012-5-9 11:20 編輯 ]

果班友, 鐘意到影響人 就錯晒~ 我都好僧佢地, 又嘈又煩

I like buses in HK...I dont live in HK but from HK.. I used to not like hotdog buses, but I felt saddened about the retirement of hotdogs... I wish I was In HK to ride in one..

原帖由 hkbw 於 2012-5-9 11:11 發表


呢段回應, 竟然剛好與人力資源顧問點出香港年青人過份自我中心的問題不謀而合~但竟然出自一個都有多年資歷的家祺兄口中~

這個世界並不是只有巴士迷, 亦不是只得你自己一個. 每一個人都有唔止巴士迷這個身份.為左一個身份而完全不顧自己其他身份去做事, 是否一個成熟大體的做法呢喃
至於, 過份自我中心會有甚麼問題, 相信不用小弟多作解釋~

究竟人應該過「自己想過的(合法)生活」，還是過「社會/其他人認為你應該過的生活」?
如果人唔可以以自己原則/思想過日子(危害他人/自身安全或非法行為除外)，咁真係枉為人

原帖由 hkbw 於 2012-5-9 11:11 發表
你令我諗起一個心理學/社會學的理論~ 甚麼樣的人就會跟甚麼樣的朋友做朋友~  Clore (1976)

站在道德高地講說話, 永遠都係天下無敵、無懈可擊o既。

我希望你身邊所有朋友, 都係如你一樣超高水準。

但明明講緊外國巴士迷情況, 為了爭拗, 你利用此事來針對我和我的朋友, 品德也是可見一斑。

誰會珍惜當你還擁有
將要逝去總想挽留
想挽留想挽留看似荒謬
求今天所得　永遠守
節錄~阿信的故事~ 呢d道理, 真係講左幾十年, 明的人還是少數~

答非所問。

我見到o既只係你令人感覺到一o的你個人覺得冇價值o既o野, 就等如係有問題。你完全唔尊重其他人o既選擇同價值觀。呢o的係咪就係你口中o既 "過份自我中心" o既表現?

o係某o的人心目中, 一日到黑坐o係電腦前面上論壇講巴士都係好有問題, 咁你是不是因為人o地咁睇, 你就唔去做?

呢段回應, 竟然剛好與人力資源顧問點出香港年青人過份自我中心的問題不謀而合~但竟然出自一個都有多年資歷的家祺兄口中~
這個世界並不是只有巴士迷, 亦不是只得你自己一個. 我地每一個人都有唔止巴士迷這個身份.
至於, 過份自我中心會有甚麼問題, 相信不用小弟多作解釋~

又一個答非所問。

我有我巴士迷身分, 也有我其他身分, 哪跟我去不去影尾班車, 和其他人的行為又有什麼關係? 如何跟 "自我中心" 拉上關係? 煩請解說。

原帖由 kei_hk 於 2012-5-9 10:41 發表
其實﹐九巴今次都是額外抽車﹐所以係唔會影響平時本身的班次﹐沿途的客基本不會受影響。

反而接近尾車/尾車﹐這才影響沿途乘客﹐明明有車上變上唔到車﹐令到他們隨時無車回家。

講真﹐9點幾或10點幾開出最後的熱狗係最好的。
1來﹐開出時間尚早﹐去到另一邊戀站也是尚早﹐聲浪對其他人影響較細。
2來﹐一眾巴士愛好者都有其他交通工具離開。



你估昨晚緊接16號熱狗到站後開出的數班 N216﹐會唔會比平時特別多客?
雖然此方向會較少客﹐但又會唔會影響到平時沿途上車的乘客?

琴晚走的時候, 都見到N216明顯開密左...

不過, 熱狗尾車過後, 見到唔少巴迷好傍惶咁望住N216張乳豬紙....
心諗, 去到廣田呢d山卡啦的地方, 好心預先做research, 諗下完左點走

原帖由 nwfb1001 於 2012-5-9 11:22 發表


究竟人應該過「自己想過的(合法)生活」，還是過「社會/其他人認為你應該過的生活」?
如果人唔可以以自己原則/思想過日子(危害他人/自身安全或非法行為除外)，咁真係枉為人 ...

下下只著眼過自己想過的生活, 唔理其他人既感受, 甚至再進一步既想做就去做, 咁我又真係想問一句: 咁同一般動物有何分別?!

人既原則, 我唔認為有任何絕對性, 在我立場, 只跟人的原則做人, 不論係自己還是別人設定既, 同樣有問題~

[ 本帖最後由 hkbw 於 2012-5-9 11:37 編輯 ]