作為一個居民，我對巴士迷既行為好失望

原帖由 fasan226 於 2012-5-9 02:28 發表
其實唔只係巴士迷,而係而家喱一代人的行為收養變左質

無錯，唔止係巴迷，大部份後生仔女都係咁……

少少離題：當年undergrad O Camp，
有晚走去沙角邨食宵，堂堂大學生搞手咪又係wee哇鬼叫。
結果？有居民報警投訴，搞手俾差佬抄低身份證囉。

我因為接受唔到呢種文化，所以大學生涯入面
決定唔搞O camp，唔去同班人癲
（當然另一個原因係自己身體差，頂唔順班人咁鍾意通頂，不過係後話）

我有時真係唔明，點解個個八十九十後都咁鍾意大嗌大叫製造氣氛。
對於呢幾晚有人晌度製造聲浪，我一D都唔覺得奇怪。
唔係唔俾你坐尾車，但係做人唔該都顧下其他人感受，安靜少少。

原帖由 da54 於 2012-5-9 12:42 發表

巴士迷評巴士迷如果主觀的話，不如睇下外人點睇囉...
琴晚我坐的車上有一隊 NOW 新聞台記者，而部車上層前半部的巴士迷都係比較冷靜，
後半部的乘客就不斷係度大叫，而 NOW 的記者同我地前半部的巴士迷傾計時，
都留意到唔同 ...

今日睇左各個媒體報導此事都稍為正面, 亦體諒最後一晚大家心情比較興奮,
外人如記者, 區議員都表現興奮, 周圍影相,
普遍巴士迷亦都無做D太過失禮既事, 車上秩序都比30X, 40為好, 活動算係成功

反而未入屋就係N216上見到呢個POST, 真係有D鬼打鬼感覺
正如除夕夜俾人投訴倒數聲擾人...

老實說, 昨晚在廣田的聲浪已比預計中低, 不過我都好怕樓上居民頂唔順掟水彈落黎

原帖由 cktse 於 2012-5-9 12:46 發表
另外亦響總站見到老問題, 就係有個著白衫既學生哥用大聲浪強制指令企響車前影相甚或影合照既人行開

我雖然話應該尊重每個人o既價值觀和喜好 (合情合理合法者), 不過我都認為做人做任何事, 都要考慮目的, 做法是否能達到其目的。我個人而言, 選擇影尾車主力係想影整個場面, 但總係有o的人, 想o係咁多人o既場合影標準巴士相, 長鏡巴士相, 要冇人阻, 要角度靚。我就認為呢個想法非常不切實際, 選擇在此環境下無可能達到影呢種相o既目的。你就不如轉去其他少人或冇人o既地方, 甚至可以提早前一天或之前影。

另外我都覺得九巴作為一間上市大機構, 係可以做得更好, 例如唔好揀呢條線收尾, 或者提早收車時間, 就唔會咁影響居民。影相的巴士迷只是一群沒組織的人群, 你冇可能指望大家全部都自我克制。正如人類社會都有各種法律和制度, 就係建基於人本身係不能全部都懂顧己及人的考慮。

原帖由 cktse 於 2012-5-9 12:46 發表
講嘈, 琴晚搭左兩班16, 車上乘客都無乜野, 有d只係以正常聲量傾偈,
但去到觀塘, 無端端聽到大叫起哄既聲, 原來後面有班93K跟尾
呢班93K就真係令人幾側目既, 當我地部16號轉入將軍澳道埋站, 頂閘既93K上面有人大叫"過 ...

呢D特別日子就唔好強求用長鏡係總站影相啦,
下晝尖碼影605時, 個別企紅綠燈位既巴迷好似想殺人咁,
係咁狂鬧前面既人唔好阻住佢影相, 包括途人, 外國遊客,
乜粗口乜祖宗都爆晒出黎,
攪到我同其他無出聲既朋友企係同一位置都覺得唔好意思, 心諗把口駛唔駛咁毒...
最後太多人攪到俾警察清場趕走

原帖由 hkbw 於 2012-5-9 10:01 發表


好老實講, 外國鍾意巴士既都有d有你講所謂既精神問題~但香港既代表真係我見過之最~~

外國既會一班人企定定某個位影, 但就唔會好似香港咁成群暴走~
外國既會一齊搭下部車懷勉一下, 但就唔會好似特賣場咁勢要拎到條 ...

外國人係唔會暴走嘅,但係會渣車追, 5504當日已經係一個好例子

原帖由 leslie 於 2012-5-9 12:53 發表
老實說, 昨晚在廣田的聲浪已比預計中低, 不過我都好怕樓上居民頂唔順掟水彈落黎

我見到的有一個掟o左落屋邨平台。

原帖由 gakei 於 2012-5-9 13:02 發表


我見到的有一個掟o左落屋邨平台。

ic...

不過反而想講講5A尾車四連發, 有班友影完衝埋最後一台的車門想上車, 但岩岩該位置是5A排隊頭位, 引來一陣混亂...明明前面的車有位又唔上又想打尖...

原帖由 mickey 於 2012-5-9 02:05 發表
本人住係廣田個頭，
對於16號成為最後一條有熱狗既線之一，
既感榮幸亦感害怕

本來我都好歡迎熱狗最後一晚係廣田出現，
因為始終都對左熱狗咁多年，
但係當我睇到報紙上面，30X上巴士迷既所作所為，
我就變左唔多想熱狗係廣田出 ...

我對你讚好,不過失望已經係10年開前已經失望.

93k熱狗最終以鬧戰作結........
http://www.youtube.com/watch?v=mjSL_lCIUR4