話說小弟有個女性友人身痕想last day 坐熱狗, 順便上fb打卡搏like,
於是搵人陪坐。
我就一冇興趣, 二冇時間, 所以叫左個典型巴迷friend (下稱B君)陪佢,
順便俾機會佢識下純品女仔 (下稱A)。
先講呢位B君, 典型巴迷, 特徵大家都講得七七八八, 不贅了。
總之就毒過核電廠。聽完友人轉告, 真係眼都突。
故事太長, 只說三件趣事。
1. 因為佢地夜晚去坐車, 所以我提議佢地食埋飯先。
按A小姐報告, 佢一眼就認到B君, 仲話「巴士迷有樣睇」,
著到似泥水佬, 成身鹽, 拎住部短鏡機, 掂完佢會有衝動洗手。
而既然係藍田, 男約女衰極都去附近茶餐廳食啦...
女仔多數要扮下淑女, 等男方拍板。
最後竟然去M記食包, B君仲要豪邁地拉開門, 自己先入。
排隊買野食當然又係男先女後。
2. 買完餐, A 同 B之間既交流大概係「.........」,
除左偶然A問幾個問題, B就五字以內答完, 繼續dead air。
但黎料啦, A 問左一句, 你搭咁多熱狗, 有冇一程特別難忘架？
B君就開始上身, 不停講甚麼龍、蘭、豪、都, 用乜野引擎點澎湃點正。
3. 坐車時又係經典。
按A小姐回報, 未上車時B君叫A幫佢hold住個袋, 因為佢要影相。
可憐一個女子就拎住個書包企左半粒鐘。
上到車, 唔需要交流, 因為B君已經全情投入,
一路細細聲扮引擎發聲, 一路就係上層渣車。
呢D經典故事聽完笑到碌地,
但如果人有相似, 同自己有幾分類同, 真係要改呀  |
