先去圖再去文,
純粹是兩則影相趣事罷了~
\
趣事一: 寶琳路真的很危險
同巴敗一D關係都無,
純粹係我影最尾張相果陣係企山邊, 又熱又焗, 多蚊係意料之中,
等左十分鐘已經咬左好多撻,
點知之後戲玉先到: 有條兩尺青竹蛇係我面前兩米處游過, 之後入左枯葉裡面不知所蹤!!
老實講我唔係話好怕蛇, 但係我留意得部車又留意唔到條蛇喎!點知條蛇會唔會趁我唔為意咬我一啖?
結果之後等果十分鐘我已經完全忘卻左車阻既擔憂, 剩係係咁重複望左望前望左望前,
最後影完相連相都唔睇就即撇,
呢 D 地方真係唔岩我, 又狗又蚊又蛇, 仲要多車多廢氣..
事件二:
唔係乜野趣事
因為我自己相機 ISO 極限得 1600, 夜攝唔落腳架是極難的
曾考慮過問一位非巴迷 FD 借部強大得多既 NIKON 黎用
但係後來諗諗下, 呢四年影相, 我部機都算得上同我出身入死, 點可以去到最尾唔一齊行落去?
結果還是帶部老機出去
前日部老機非常生性, 一 D 機械故障都無... 平時? 成日快門失靈, 自動熄機, 電池接觸不良...
甚至連我部成日斷線既 IPOD 竟然斷都無斷過, 係關鏈時刻提供資訊, 都唔知兩舊野搞乜鬼..
BTW, 今日係我出黎影相四周年, 四年前今日我第一次出黎影相, 影既亦係一開始貼既 5A
RIP all hot dog, who reborn in our memory
最後送上炒光暗相一幅
 |
