長毛:主席,黃定光議員訓左,我唔知佢有無生命危險

原帖由 cky 於 2012-5-13 19:47 發表
葉國謙話搞緊下星期通宵會議, 那個香港 "金日成皇朝" 話得喎...
之但係佢俾報紙賣佢去食米芝蓮都唔去開會
梗係啦, 贊成開通宵會, 不過係你地自己坐晌度而我就唔嚟而已 ...

真係開通宵的話, 曾鈓成應該會搵孫公學返兩招

其實議會拉布本身無問題, 我亦唔會話反對, 但問題重點唔應該係拉布所講
之內容, 而係拉布所反對的議題, 拉布要用得其所...先可以得到市民支持

直言, 如果拉布係用於23條立法/網絡23條, 可能會得到更多市民支持,
因為那d立法直接影響市民同民生...

但今次拉布所針對的是立法會議員出缺的替補機制, 其實我諗大部分市民
都會認為同自己較遠, 即使講到被選權問題, 都要講到有議員請辭唔做/出缺
的情況先會用到, 本身係十分政治的話題, 而非民生,  要有大比率的市民支持,
相對有難度...而CY 亦用返民生問題及民意作為對今次拉布之攻擊...

(當然, 人民力量佢地都好識計數, 佢地唔駛大部分市民支持, 只要留住佢地
支持者就OK, 而有關拉布亦容易得到其支持者擁護)

而如果拉布重點唔係針對議題, 而是變左針對建制派議員, 咁就似乎有所失焦...

[ 本帖最後由 3ASV196 於 2012-5-14 09:27 編輯 ]

今次拉布戰反應其實唔算太好
討論既人唔算高

反而主席調轉頭有賺

原帖由 3ASV196 於 14/5/2012 09:14 發表

但今次拉布所針對的是立法會議員出缺的替補機制, 其實我諗大部分市民
都會認為同自己較遠, 即使講到被選權問題, 都要講到有議員請辭唔做/出缺
的情況先會用到, 本身係十分政治的話題, 而非民生, 要有大比率的市民支持,
相對有難度...而CY 亦用返民生問題及民意作為對今次拉布之攻擊...

其實已經關乎我哋啲選舉權...

雖則我覺得要政府就範，和平手段已經行唔通。你見林瑞麟企到幾硬就知。

原帖由 238X 於 2012-5-14 10:54 發表


其實已經關乎我哋啲選舉權...

雖則我覺得要政府就範，和平手段已經行唔通。你見林瑞麟企到幾硬就知。

林瑞麟過埋六月三十日都要走佬啦
老實講如果唔係班保皇反對休會待續,
根本就唔會搞到而家咁,
要怪就怪個班人,
根本今次係佢地自作自受 ~

CY 要急都急唔黎,
鬼叫而家仲係曾蔭權話事 ~

趁立法會會期尾，罰下班建制派聽書又未嘗不可
等班功能界別議員都嘗試呢D滋味

同埋最唔明朗既就係9月選立法會
經過舊年選區議會，形勢係點大家都知
對泛民響晒警號

其後部份所謂既溫和派泛民為保選票同激進劃清界線
又有部份泛民直頭自身難保

玩拉布只可以趁早拉，下屆隨時無得咁玩

立法會主席曾鈺成在凌晨時段宣佈在今天(2012年5月17日)1200前中止辯論, 正式進入表決議程, 預計是投票2-3天, 絕大部份人民力量的修訂都應該會被否決了.

原帖由 sea1986 於 2012-5-11 12:28 發表
唔好話第一次見
美國國會經常拉布，何必大驚小怪？

不止西方國家，日本亦有富他們特色的「拉布」戰－－議員蟻步走到投票箱放選票，使會議延長了十多小時之久。