建議224M更改為224及更改路線

原帖由 ~誰@359~ 於 2012-5-15 13:21 發表 http://www.hkitalk.net/HKiTalk2/images/common/back.gif
根本今時今日開條巴士線仲想搶港內線渡輪客，本身就夠O咀
定線吸到渡輪客係其次，最重要係條渡輪本身有冇人幫襯
一個十個人既market畀你做晒又如何？
家陣又唔係接駁天星，走去做觀塘碼頭北角碼頭，想條線打直死定打橫死？ ...

唔好用「搶」, 搶只可以用黎形容東隧開通時, 地鐵+601+606.

講真, 我就成日搭觀塘-北角/西灣河渡輪過海, 繁時/非繁時都有, 亦唔係想像中有冇人搭o既問題,
而係有人搭但冇吸引人駁腳o既交通, 令到客源來來去去都係宏利金融至巧明街海濱一帶.
雖知道西灣河碼頭有鯉景灣/嘉亨灣/逸濤灣等住宅, 觀塘/九龍灣亦有開始有大集團大企業進駐,
繁時試去觀碼走走, 不難見到白領儷人/筆挺西裝男進出碼頭.

樓主建議係做埋偉業街+懶行去觀塘道搭車o既客, 小弟只係順理成章加埋觀碼渡輪客落去,
加強建議誘因.

原帖由 EX-TL 於 2012-5-15 13:39 發表 http://www.hkitalk.net/HKiTalk2/images/common/back.gif

樓主建議係做埋偉業街+懶行去觀塘道搭車o既客, 小弟只係順理成章加埋觀碼渡輪客落去,
加強建議誘因.http://www.hkitalk.net/HKiTalk2/images/smilies/default/handshake.gif

唔係講緊你個方案有問題，順手執埋碼頭客係諗得過。

但係如果目的係為左食碼頭轉船客，而唔係填補工業區，
仲要好似樓上行茶果嶺，專揀少客的地方行，多人的油塘同觀塘巿中心就做唔到，
就真係本末倒置，等死。

樓主係諗RDP之15A建議獲通過後至實行224, 到時觀塘道就會有15A去megabox+宏照道,
反而碼頭區就要搭出返觀塘市中心再入九龍灣o既224, 咁行法查實對觀塘工業區去九龍灣,
抑或出觀塘道搭車o既乘客都無益處, 何況回程觀塘道至宏照道一段係同15A完全重疊?

樓主一心想15A改行觀塘道後, 有224填補到偉業街, 但呢段路需求唔大, 拎出來傾o既後果,
總離唔開定線唔吸引/客量不足/浪費資源等理由, 所以若要做呢段路o既建議, 有必要拋出
任何可切實執行o既方案, 響地圖上畫條線去觀塘市中心容易, 實際運作起上黎對九龍灣/
觀塘工業區乘客有冇吸引力就係後話.

要服務到觀塘偉業街之餘, 又想方便乘客出觀塘市中心搭車, 呢段路的確只可以用敬業街,
茶果嶺道, 鯉魚門道, 觀塘道, 但實際上呢段路較常出現擠塞, 對後者乘客來講並唔吸引.

小弟唯有轉移呢批客去定富街轉巴士, 牛頭角站/九龍灣站轉港鐵, 至少無論班次/車程
都在可預計範圍之內; 用航班到達觀碼時間做巴士之定點開車時間, 一來可方便渡輪客,
二來令觀塘碼頭附近有意搭車出觀塘道轉車/德福o既乘客易預時間, 唔駛「無止境的等待」
咁唔係更好? 觀碼至德福一段甚少塞車, 巴士到達德福時, 冀可維持正常班次.

對樓主之建議行車路線, 小弟只贊同德福-觀塘碼頭一段, 回程已於反建議講o左.
另外贊同樓主, 唔好再講油塘/茶果嶺, 根本建議原意唔係做果邊.