23/23M/26M/28A合併

del

[ 本帖最後由 Snoopy@FB8617 於 2012-5-18 14:47 編輯 ]

原帖由 dippy 於 2012-5-18 14:22 發表 http://www.hkitalk.net/HKiTalk2/images/common/back.gif
如果你覺得用一條換一條係合理, 有機會過到
咁根本唔駛郁就更加無理由反對
新線去到觀塘市中心, 過條天橋已經係創紀之城
有何問題呢

有返少少正常理解能力的人都會知道我唔係講緊創紀之城五期，
五期就只要停到觀塘巿中心都得。
我講緊係創紀之城1/2/3期、花園大廈、牛頭角鐵路站，
東行叫做「創紀之城」的分站，西行叫做「牛頭角鐵路站」的分站。
成個站俾你一野飛起左，請問樂華同四順到時分別應該搭咩車來往牛頭角鐵路站果頭呢？
（今次我唔講創紀之城喇，費事你又當左係APM，迴避問題）
走入去勵業街、九倉果頭的返工客就真係多得你唔少。

仲有，觀塘官立小學/喜鵲樓個站又變左真空。
須知道有唔少住樂華的老人家用23M來往牛頭角賽馬會診所睇街症的。
無左23M，又唔補返條線由樂華開、行果段牛頭角道，
你係咪想同呢班老人家過唔去？佢地第時應該點搭車？
而家你擺到明就係令人由有變無（唔係少左個選擇，係有由變無！）
你係咪又無視緊？

當好多線繁忙時段編定行車時間都多過非繁, 你又知14D非繁都要行咁耐?
極端D, N216行哂成座山都係半個鐘
我一單連休比佢50分絕對合理
而且我未見過非繁新清落斜會塞車倒灌上山囉
但我就成日見非繁觀塘倒灌出去塞死左

我個point只係話14D唔見得快過油塘先經巿中心再上四順。

你唔郁28A即係繼續留條線喺度放血啦
咁有意思咩

而14B上樂華, 唔加車而減班併落我個方案度一樣work只係有無需要咁解
依家你係咪肯定條線上樂華會賺多左先
但已經知道成本會多左喇喎
如果拉14B上山, 到時又到油塘山下被減班
咁呢班被減班既居民咪更加無辜
油塘去觀塘既需求點都大過油塘去樂華掛
你不停泵資源落去牛頭角, 係咪既得利益作崇呢?
當然, 你話如果14B回復7部車拉上樂華, 咁我諗居民都唔會介意樓下多條線既

如果你想併埋28A，就意味住樂華<->牛頭角鐵路站變真空，
四順<->牛頭角鐵路站同樣變真空，真係咁想郁28A的話，
倒不如成條取消，因為28A點都唔夠22M鬥，收費輸，
你改成23A/23B仲衰，收費又貴多截，又唔入總站，你咁天真以為居民會因為
樂華有架全日巴士經康寧道落觀塘，而棄22M取巴士？
倒不如正正經經做返獨巿的牛頭角道仲好。

14B唔拉上樂華，唔知油塘俾人減一兩分鐘班無辜D呢，
定係樂華無左成大條線落牛頭角賽馬會診所、牛頭角鐵路站，更加無辜？

哦, 即係區內線小巴被減就要巴士找數
小巴公司不屑做呢批客就要巴士公司埋單
呢D乜野道理黎嫁
咁如果有一日秀旺線無咁好做, D車回流番區內, 但巴士又開左取消唔到
咁巴士公司咪好無辜囉

我個point係，紅小根本滿足唔到四彩居民來往觀塘區內其他地區的需求，就係咁多。

原帖由 dippy 於 2012-5-18 14:05 發表 http://www.hkitalk.net/HKiTalk2/images/common/back.gif

咁咪證明到你唔了解實際情況囉

你自己都話無人坐23M由牛頭角樂華去四順
咁即係23/23M/26M都係做緊四順觀塘啦

咁唔通27無人由四順坐出旺角?!

你呢個邏輯實在令人匪夷所思，唔通因為27有好多客搭佢由四順出旺角，
所以無人搭佢由四順來往彩雲彩虹？所以27做唔到四順<->彩虹？
呢個係咩道理？

點都好，班次多D證明唔到需求一樣多D。
仲有上面板友都講左，順天落觀塘真係比較多，順利比較少，
咁拉埋好可能都係落觀塘多過落彩虹新蒲崗。
之但係成個四順落觀塘的需求多過落彩虹，唔代表
單睇順利村，落觀塘的需求都多過落彩虹囉。

丫，仲有，四順仲有54/54M綠小，車海班次落彩虹，但係落觀塘條47疏成咁，巴士主導，你又唔使計埋？

原帖由 dippy 於 2012-5-18 23:18 發表 http://www.hkitalk.net/HKiTalk2/images/common/back.gif

即使拉唔到14B上落華
都仲有35可以去到
http://g.co/maps/cmg9k
唔通呢度已經被剔出左樂華既範圍?
等23M既時間內應該有超過5部小巴了

當然, 我唔反對加車拉條14B上去

而順利-創紀1-3期如果真係咁好做
23M都唔駛 ...

你真係好野，呢個位都叫做經樂華……

睇實景圖已經知道呢度要行樓梯落去先去到樂華村範圍啦，
由樂華村上返黎仲慘，要行樓梯上，叫老人家咁行你估好好玩？

仲有樂華北邨、樂雅苑呢？係咪叫佢地本來唔使點行，變成要行一大段去功樂道搭車？

14B已經講左，我唔明點解減一兩分鐘班有問題，
而令到人由有變無係無問題，
唔加車就寧願搞到有人由有變無都唔減得果少少班，唔拉得上樂華囉。

仲有你係咪又係雙重標準？點解14B拉疏一兩分鐘都唔得，
29M 6-8俾你大幅減到30分一班又得？唔好同我講14D，
拉埋條貴價14D做新蒲崗四順都做唔到本來的班次。

23M牛頭角鐵路站唔止係返工客，花園大廈都有大把人住的，
佢地無人需要去四順返學？你將樂華<->牛頭角站，四順<->牛頭角站飛起左，
咁原有乘客點算？影響太多人。
你以為23M果個站客量好少？麻煩你自己先坐一次23M睇真下！

由頭到尾，我只係見到閣下，對觀塘實際情況欠缺理解，
就大放厥詞，胡亂堆砌，胡亂發表不合乎事實的言論。
麻煩你先做下功課，了解下觀塘到底需要d咩先好發表建議啦。

仲有, 紅小絕對係供求關係
如果無人坐就唔會有車
如果彩盈線無錢, 點解會開到
反而試車果班14B隨時連1個客都無

紅小起碼正正經經做緊全日，全日線吸引力一定有過一日一班，
起碼唔係走左班車就無，而且乜紅小七點鐘出觀塘又好多客咩家陣？

同埋咁一樣推翻唔到紅小滿足唔到四彩<->巿中心/觀塘其他各區的需求的立論。

[ 本帖最後由 S3BL100 於 2012-5-18 23:42 編輯 ]

原帖由 dippy 於 2012-5-18 14:10 發表 http://www.hkitalk.net/HKiTalk2/images/common/back.gif


落新蒲崗咪坐14D/29M囉
一樣有得坐
要數哂既仲有95

勁wo
當29M20分鐘時仲有邊個坐
最強....95咁貴仲有邊個坐
D人走去坐小巴/小巴-->MTR

結果...
你都無回我問題
咁81K同80K係味取消?
你又唔講
係因為知道如果無屋村-->市中心-->屋村
單純既屋村-->屋村or屋村-->屋村-->屋村
完全死得/半死
現家最做到係屋村-->特快到市中心-->屋村/地鐵站/工業區 or屋村-->屋村/工業區-->市中心/地鐵站
再唔係屋村-->工業區-->市中心都勉勉強強做到
唔如果單純黎做，結果--巴士好大機會比小巴同MTR打到半死
就算屋村-->市中心-->屋村繁時有人坐--頂多味改繁時......
你咁改都係浪費車，同埋同$過唔去