23/23M/26M/28A合併

原帖由 dippy 於 2012-5-16 08:30 發表 http://www.hkitalk.net/HKiTalk2/images/common/back.gif


唔係無人要去番調景嶺中學同調景嶺的學校
但以前有90特車, 依家都有93M, 全日假假地都叫做有條296M
(九巴話因為新巴而唔入得調景嶺嫁)
似乎同觀塘全日線既討論無乜關係喎
依家講緊全日線, 又唔係講緊番調景嶺定番 ...

唔知係唔係我地o係地球住得太耐，所以覺得同你溝通有o的困難。

我舉將軍澳個例子，係要指出你「有需求就會有人搭 606A 去觀塘，少人咁做即係無需求」呢個謬論有幾唔合邏輯，
我上面舉左個例子係「E22A 由康盛出發無人搭落山去將南（調景嶺）落車唔等於無人需要咁搭」，
你講得單向上山 93M 已經九唔搭八，連取消左調景嶺都未發展既 90 都搬晒出黎，小弟真係五體投地，
原來你係拎住二十年前本地圖同大家討論今日既實際需求，我覺得你不切實際囉。
我單係見到 296M 繁忙時間一班車都幾十人o係尚德行四個字入去調景嶺啦，
拿我無話需求大到要開線，不過我只想證明「直線貴車無人咁搭唔代表來往兩地無需求」，
雖然繁忙時間每班車都有幾十人要咁行，但我又唔會霸道到要繁忙時間得十個人上車都要人全日全車兜埋去既。

至於你個括號，事實就係一早已經有九巴線打破呢個謠傳啦。2012 年喇，講 90 都算啦，呢樣都仲拎出黎講？

當然上述既同觀塘線無直接關係，
不過都只係回應你用 606A 看出四彩去觀塘需求好低呢個神奇論述，反證你個謬論唔合理。
我個人唔主張話一步就幫彩福開全日線落觀塘，但都一樣對巴士公司用呢班 7 點開既特車話人地無需求好反感。
或者唔加開班次住，但你班車唔開 7 點，改開 7 點半甚至 7 點 9 我相信客量都好唔一樣，如果班你點都無打算加既，
只係一直保留一班車，我寧願你實實在在開晏o的真係去載客，有一班正常時間既車搭都好過無，唔係用個差既開車時間黎做我無客。

[ 本帖最後由 3ASV174 於 2012-5-16 15:17 編輯 ]

原帖由 dippy 於 2012-5-16 15:49 發表 http://www.hkitalk.net/HKiTalk2/images/common/back.gif


但食正繁時既81S/305一樣做唔起喎

有咩關係請問?

原帖由 dippy 於 2012-5-16 15:48 發表 http://www.hkitalk.net/HKiTalk2/images/common/back.gif


咁你眼中既將軍澳又同S3BL100既將軍澳好唔同喎
人地個將軍澳D人"你估個個調景嶺客會咁神心同你行一大餐去搭車？"
但你個將軍澳D人"我單係見到 296M 繁忙時間一班車都幾十人o係尚德行四個字入去調景嶺啦，"
咁呢期又到 ...

唔會個個調景嶺客同你行一大餐去搭車，所以的確朝早 296M 可以企滿人去到尚德然後又有大半車行入調景嶺，
而又同時有大量學生搭巴士小巴去寶林轉港鐵去調景嶺，兩者沒有抵觸，
調景嶺同山上都無鬼，有都只係有人立心不良心裡有鬼，或者選擇性當人係鬼「我睇你唔到」。

14B 同 606A 比（其實一路講緊彩福，我地係講緊 14B 特車，唔係 15A，你繼先前 90 後又搭錯線），
你話差距唔大無意思，因為全世界可能得 Dippy 一個覺得o的錢唔係錢，可以日日搭隧巴唔過海。
四彩只係公屋，我絕對相信好多人都會寧願行落山搭車，都唔會搭 $9.8 隧巴去觀塘（仲要仍然得朝早先有車）。
所以你一直話 606A 無乜人彩福去觀塘，同 14B 倒塔咁早特車客少就反映需求少係仍然唔成立，因為根本從來無正常交通服務反映彩福落觀塘既需求，
你一直都只係靠扭曲既工具去推論，只能推出謬論。

[ 本帖最後由 3ASV174 於 2012-5-16 16:20 編輯 ]

原帖由 dippy 於 2012-5-16 08:10 發表 http://www.hkitalk.net/HKiTalk2/images/common/back.gif


如果唔將成舊野拉到咁遠
9仔去新蒲崗/黃大仙都有佢既功能
但9特車又食唔到
睇黎三彩需求都好獨特

9仔特車而家開七點幾,
呢個時間根本就唔到新蒲崗返工人士...

根本唔係獨唔獨特個問題,
而係本身個時間係有問題就有問題..
冇理由因為搭個條線令自己個返工習慣改變...
返八點半甚至乎九點更加冇理由會走去搭呢條線特別車...我瞓多陣遲一陣起身唔好?

同樣道理一樣可以引用係14B身上..
14B特車落到去都可唔駛八點個陣, (以14B特車唔係長路程七點半到唔到觀塘都成問題)
咁我做乜要坐你?
將個開車時間推遲已經可以,
推遲服務時間係唔等於要將14B特車加班...

原帖由 GL3789 於 2012-5-16 10:23 發表 http://www.hkitalk.net/HKiTalk2/images/common/back.gif


一條線全日，不能單靠學生客的

又冇人話一定要靠學生客...
不過14B呢類短途特車只係得一班車係好難搵返工客返黎..

我情願佢開遲d食多d學生客好過...
起碼大部分學生客朝早都係返差唔多時間而返工客唔係...

[ 本帖最後由 brianso198 於 2012-5-16 21:40 編輯 ]

原帖由 dippy 於 2012-5-16 19:50 發表 http://www.hkitalk.net/HKiTalk2/images/common/back.gif


如果你話全世界得我一個係坐隧巴唔過海
似乎唔係事實喎
我既觀察就係有人同我一齊坐隧巴唔過海
會唔會係得少數人先好似3ASV174咁吝嗇呢

依家係你同S3BL100要去話四彩有巴士D人就會坐巴士
但更多既版友已經指出根 ...

其實我同你鬥 up 辯論無意思，
究竟同我一樣寧願轉車都唔肯坐隧巴唔過過海既人多，定係同 Dippy 一樣視財如糞土肯日日搭隧巴唔過海既人多，
明眼人一睇就分得清楚。
你詭辯拗贏我話除左 Dippy 之外仲有一二三四五六七個人都會咁搭根本無意思，
我係討論客觀事實，討論普羅大眾既正常合理乘車需要，唔係 Dippy 既大富翁搭車模式。

真理越辯越明，究竟係我唔了解現實，定係 Dippy 只為詭辯脫離現實，大家有眼見。

至於彩福至觀塘一事，
我從無爭取彩福至觀塘全日服務，我一直以來既睇法都係話「用 606A 同倒塔咁早 14B 特別車去否定彩福來往觀塘既交通需要不合理」，
而我既睇法係「只肯開一班車唔係問題，但請開在一個真係立心服務乘客既時間」，我再重申我立場，
係因為唔想俾 Dippy（唔好意思，我一定要指明係你）扭曲我既立場，繼而無的放矢攻擊我既意見。

原帖由 dippy 於 2012-5-16 19:50 發表 http://www.hkitalk.net/HKiTalk2/images/common/back.gif

依家係你同S3BL100要去話四彩有巴士D人就會坐巴士
但更多既版友已經指出根本無人有證據證明到俾巴士公司聽有需求
只係不斷咁賴地硬
講真, 條條線拉到入去都無人坐, 咁又係咪巴士公司次次都嫌錢多
突登開D騎呢時間去玩殘班居民同燒空油呢?
定係根本有咁既服務offer俾居民, 居民都寧願比錢落山/行落山坐其他線
何者較合理, 我相信大部份明事理既人一眼就睇得出

其他point已經由3ASV174回應，不贅。

只係針對「有無證據」一點，無錯，我地係無證據，
但係三彩人口接近四萬，比較返四順人口都係五萬至六萬之間，
大大話話都有三條巴士線出觀塘，加埋平均班次係個位數，
用下常理推斷，三彩會唔會無需求出觀塘？

如果講證據，點解啟德樓都未起好，就有證據證明果度有需求，
開條5M仲要拉24、5D、641入去？