長康2期前青華酒樓鋪位租出事宜

原帖由 GR614 於 2012-6-4 23:01 發表

無問題，只係覺得徙左個舖位。

領匯租給教會有個好處, 係租的地方大, 呎租可能平過商業機構但免除了租不出的風險, 加上大多教會及社福機構都準時交租, 同埋定期有一班人在教會出沒, 加上該區潛在會返教會的會友, 對商場的人流有一定幫助, 試想想星期日或者其他有團契, 佈道會, 培靈會, 甚至有明星分享見證的日子有幾百人甚至更多人聚會完畢要搵野食對附近食肆的生意幫助有多大.

再者, 靠一個屋村去支撐一間酒樓是十分困難的事, 酒樓本身經營成本高, 樓主個Case間酒樓已結業丟空數年, 即係開乜死乜, 根本租不出, 站在領匯的立場, 有租收, 縱使租金低, 總比丟空佢一個崩都收唔到好, 到時若教會帶旺人流咪又可以酌量加佢少少租.

有個例子有愛民商場, 本來村內有兩間酒樓, 後來兩間先後結業, 因為一條村根本支撐不了酒樓, 後來領匯要租給保齡球場才吸引到稻香進場.

你看看粉嶺祥華商場間大快活結業多年, 間舖丟空到2006年底才租得出, 租戶就是教會, 呎租是比同場商戶都比較低, 但在六年內該教會人數由200人多少少到2012年有超過500人恆常聚會, 令樓上金明苑酒樓及附近冬菇亭生意翻一翻, 樓下又吸引到間板長外賣店進場, 潛在人流可想而知. (果間教會本來借用雍盛苑一個庇護工場的飯堂作聚會, 搬到祥華之後, 雍盛商場間酒樓生意少了一大半, 最後支撐不住)

另外一種是無論出盡辦法都租不出的舖位, 例如大元多層停車場地下, 地方太大又有天井, 加上位處一隅, 商業機構根本看不上眼, 最後又係租給教會作社福及宗教用途(不過好似果個地方的屋契有指明用途只可供社福機構使用)

[ 本帖最後由 gordon 於 2012-6-5 01:30 編輯 ]

原帖由 KR7607 於 2012-6-5 00:48 發表
係咪要哂兩層
睇入便又好似間開左一個個單位咁

無為意..

原帖由 gordon 於 2012-6-5 01:12 發表
領匯租給教會有個好處, 係租的地方大, 呎租可能平過商業機構但免除了租不出的風險, 加上大多教會及社福機構都準時交租, 同埋定期有一班人在教會出沒, 加上該區潛在會返教會的會友, 對商場的人流有一定幫助, 試想想星 ...

呢間酒樓我以前都成日幫襯到最尾叫"青華"既時候都有飲下茶。

我都明白開教會會帶黎人流，附近亦有大量位置租比非商業用途如童軍，自修室等。我個人對教會並唔反感，不過只係覺得，樓下間Cheese Pizza搞咁耐都搞唔到，何解唔索性將有關舖位改為開商店先....當然呢個可能涉及好多因素，街外人唔能夠掌握。

講起二期，近康祥樓附近有個舖位可以話係經典，美心執左之後，吉左十幾年都無人租...

[ 本帖最後由 GR614 於 2012-6-5 09:12 編輯 ]

樓下芝脆雞脾鄰近小學話排氣口問題唔脾開業
但我又見而家教會個地盤入便好似間開左一個個鋪位咁
上層亦都進行工程中

原帖由 gordon 於 2012-6-5 01:12 發表
領匯租給教會有個好處, 係租的地方大, 呎租可能平過商業機構但免除了租不出的風險, 加上大多教會及社福機構都準時交租, 同埋定期有一班人在教會出沒, 加上該區潛在會返教會的會友, 對商場的人流有一定幫助, 試想想星 ...

師兄似乎又講得o岩喎
自從我o個度樓下間教會開張之後，間兩三年前開業，只係做左一年左右就捱唔住o既小食店都重新裝修緊，似乎會有新經營者接手
唔知係咪因為新經營者睇中呢點
跟住另一個上一手商戶3-4年前摺左o既舖位近排又有人出出入入，似乎又會準備裝修租出去，唔知又會開乜野類型o既商舖...
希望唔好又係o個間教會因為唔夠地方開聚會而租埋o個個舖位o黎用，又或者開埋d「唔等駛」o既舖頭啦

利申：我o個度唔係領匯/房屋署商場...

原帖由 KR7607 於 2012-6-5 13:57 發表
樓下芝脆雞脾鄰近小學話排氣口問題唔脾開業
但我又見而家教會個地盤入便好似間開左一個個鋪位咁
上層亦都進行工程中

咦？咁竹園譚仔係咪因為類似原因，開業幾日之後就一直封塵到而家？

原帖由 busnrail_fans 於 2012-6-5 18:27 發表

師兄似乎又講得o岩喎
自從我o個度樓下間教會開張之後，間兩三年前開業，只係做左一年左右就捱唔住o既小食店都重新裝修緊，似乎會有新經營者接手
唔知係咪因為新經營者睇中呢點
..

唔知係咪包餃店呢

呢間野奇到可以係長康一期二期各開一間分店 :lol

原帖由 GR614 於 2012-6-6 17:57 發表

唔知係咪包餃店呢

呢間野奇到可以係長康一期二期各開一間分店

唔係師兄咁講，我都唔知原來包餃店係連鎖店o黎，仲以為得我返學o個邊o個間添

BTW 我o個邊新間o個間係一間類似唐記包點o既野，專賣中式點心、蒸飯