「Gakei! at Sat May 24 21:42 said:
星期四唔好彩, 去東涌搞到要「原船遣返」(來回乘梅窩輪渡), 今日再接再勵,
考完科 FAUD 之後就即刻行去紅磡坐 30X 入荃灣. 影左一陣 X31/E31, 見到
XXX 和他的朋友, 之後我就先走去荃灣廣場「哈迪 B」醫肚, 醫完肚就即刻
走去攝下層坐位起程, o的人真係威, 下層有位都唔坐.
在荃灣青衣區內竟然兜足廿五分鐘, 車廂內「兜」聲四起, 入長安村又塞左陣.
進入三號幹線範圍, 遠眺青衣九巴車廠有大量底盤, 應該係屬於富豪的.
過左橋到達東涌, 首先我沿海邊走左去舊碼頭, 然後爬返個小山丘出返去巴士
總站. 除左終段坑渠路較陡峭外, 其餘路程皆十分易行, 唔駛十分鐘路程就可以
穿梭舊馬頭和巴士總站. 總站今日有好多流動廁所, 好似百萬行o個日咁. 另外
仲有流動廁所車.
巴士站有好多「危險的巴士迷」, 架城巴倒車, 他們竟然企正車尾, 仲有不時
呼喝路人行快o的, 一o的禮貌都唔曉. 之後我攝左架城巴 E21 走人, 不過今
次冇位坐喇.
去到大角咀, 見到城巴四軸拖車泊o係度, 跟住走左, 大角咀冇乜人, o的車落
客後一批批咁返港島. 最後我影左一輪車就行返入內街搭 2E 返歸.」
 |
