[做馬]如果當年城記唔買坡柴, 而買全新熱蘭

我就提供咗好多數據，不管是九巴以內或以外，去support 我嘅論點。但我到而家都仲未見到有任何數據去支持1A空調價連營運成本需要加價超過40%。數據唔一定要問九巴攞嘅。正如你問我中巴10號熱狗價唔通我又去中巴問咩。

若果我係九巴忠實支持者，其實可以考慮去中秀茂坪總站掛個banner 寫住“熱烈慶祝九巴成功爭取替1A路線合理地加價超過四成”。。。

[ 本帖最後由 914 於 2012-5-31 16:17 編輯 ]

咪係咯。要參考數據唔一定要搵巴士公司嘅。有心做research 網上大把料。

不過總有人喜歡得個講字。冇法啦，想學政府加副局長位嘛。

原帖由 tonyyang 於 2012-5-26 16:01 發表


(頭先o係公司唔打咁多,返o黎再詳述加數據)

先回一回帶,去返93年o既香港先...

當時九巴購入超過600部冷氣車,而當時成個九巴車隊約有3300架車,約佔車隊18%...
(AL@150+AD@130+ADS@30+AM@約160+AT@約80+AA@約30+AN@ ...

咁又係丫
好多時全冷前一日都仲用緊lx/lv
城巴接辦之後就全冷囉
你話爭幾遠丫

嘩，邊個話做生意訂價錢要一級級跟成本訂架？諗 d 花臣咪加到價囉，只要人客接受咪得
但另一方面，高檔野個訂價當然又唔只成本咁簡單；中間應該重有好多錢賺唔到流失左
九巴 1A 冷馬莫講收 $6.x，就算收熱狗價，但流水客多成咁，相信個收入仍然拍得著 11x 13x 215x 219x 呢類線，
但收咁貴多年黎又偏偏咁多人搭，而且成條線又無乜獨市生意，咁都無野好講


中、九巴 (其實城巴都有) 諗花臣搶錢早有前科，爭在有時搶到有時失敗。以前見過個笑話，
中巴 70年代 60/90 線，用高背座椅熱狗由中環去赤柱/石澳，收 $2.5/4.0 (同期最貴既南區線只係 8毫子)，最後嚴重無客執晒笠
當年負責既外藉中巴經理，廿年後以自己間公司接辦中巴大量南區線，出冷氣車由中環/銅鑼灣去香港仔一帶都未使 $4.0


中、九巴 70-80年代個 d 所謂豪華巴士線，高背座位熱狗，收貴咁多都唔見得好賺，爭在未完全執晒笠
接近 90年代，中、九巴收費定位開始唔同；九巴只分兩種，除左一般普通線，豪華、冷馬或者點對點呢 d 全部合拼晒為之"豪華"服務
九巴無論 2xx 線定有冷車既普通線，由 AL2/AD2 起係全車獨立位、黏貼式車窗、下層背對背位，
之後重有明星巴士、收音機巴士、音樂巴士、環保巴士之類好多花臣野，自然收貴 d


中巴係分普通線、豪華 2xx 線、冷氣 5xx 線，豪華 2xx 線係貴上加貴，冷氣 5xx 線都好貴，但無豪華 2xx 線貴得咁驚人
開辦 5xx 線正正係要打城巴殺到南區既村巴，城巴用非專豪華車收(相對)天價服務南區，中巴就以冷馬做賣點搞 5xx 線
收費雖貴但平過城巴堆屋村線；內籠都係 cheap 少少，開冷氣得黎只係熱狗樣、熱狗籠；
唔同 260 262 呢 d 線加冷係加 DC 呢 d 獨立座椅"豪華"車，A20 係用 CX DC 行，所以"可以"比 115 111 101 冷馬價貴成倍有突


城巴一開始以全冷做目標，加上佢有大量黏貼式車窗獨立座位康偈冷蘭，就算佢趕著要車可能做左水魚但整車成本都唔會高過中、九幾多
但佢加冷個價錢一樣分"普通"、"豪華"級數黎加；佢 93/95 年接辦既中巴線，剛好可以分最好賺既西、南區流水或者香隧線、
南區行山 (算唔好賺)、南區泳灘、渣甸山、半山線，另加部分隧巴
一般隧巴、西、南區流水或者香隧線，佢係普通級數服務，佢買頭批 3xx 4xx 8xx 都係 3+2 全車窄位同埋下層橫位
甚至出熱狗行，呢 d 線冷馬價只比熱狗價貴少少；半山線或者佢都明白巴士既不足所以都係收平價
收得平只係佢賣大包搶客，同埋想令乘客更易接受冷馬價錢；例如當年接手中巴前有時事節目問市民大約接受幾錢車費，
記得當年係香港仔總站問到接受 70 號幾錢，該市民"唔好貴過 $4啦" (當時 70冷馬係 $4，不過通常係更平既熱狗)
最後城巴 70號一開始就係減左價既全冷線；最近睇到 d 舊野，見到廿年前紅小由皇仁去灣仔 $3、西環 $4，
廿年後既今日大家搭巴士去呢兩度，車費竟然都重係呢個價，相信當年城巴西環線服務雖然差但仍然打得走中巴同小巴，就係靠屈機平車取勝


但南區泳灘同埋渣甸山線，城巴劃做郊區 (可以收貴) 線，冷馬價同中巴熱狗比一樣貴好多 (但平均價位比自己南區屋村巴士抵)；
出 2xx 7xx (或者之後既 13xx 14xx)，全車內籠只比非專利既豪華車低一少級 (無左頭枕，同埋下層背對背得黎係窄位)
6 系如果俾中巴做落去直到新巴接手，個價位係同 14/63/64/65/66 一樣，熱 $6.0 冷 $8.0，但城巴得條 6 61 平少少，
6A 同佢自己條 6X 收 $8.4 多年，到新巴加第一次價先平手；11 511 個價位應該係跟一般郊區線熱 $4.2 冷 $5.8-6.2，
城巴出冷馬收夠 $6.1 (應該係當年申報加價三巴加幅有別拉開左個價)；260 佢更毫無意欲減價 (262 加完價都平過佢)
只係轉特快夾硬維持 $10.6 (如果硬跟中巴加冷思維，同樣特快既 90B 37X 70 應該全部 $6.2，但城巴收費明顯較平)
8X (快過 8 但慢過 780 788 好多) 冷馬都去到接近後者冷馬水平既 $5.8，N8X 直頭 $9.4，去到有 N8/通宵隧巴既地方先有較平分段


部分新城想搶客既線，即使係佢自認為係郊區既地方，冷馬收費都可以同中巴原訂個比例或者自己其他線有異，若講 98年至今港島巴士無加過價：
41A 如果照中巴 41 個套正常加價加落去，應該係熱 $6 冷 $8，但而家先係 $6.9
重有 73、延長至赤柱既 399 應該都係熱 $6 冷 $8，但 73 全冷加埋延長到數碼港左至今先 $5.8，
973 過西隧後去赤柱分段多年前開始都減到 $5.8；城巴自己開條 314 都只係 $6.9
山頂線更誇張，中巴 15/15B 多年加價一時加多一時加少，明明應該跟大隊到 98年熱 $6 冷 $8，但搞搞下變左熱 $6.7/7.9 冷 $8.8/8.7
但城巴為搶錢就算開條長得多既 515 先係 $8.4
香港仔區內，76 黃竹坑去石排灣、97A 98 呢 d 線"理應"係熱 $2.4 冷 2.9 價位；香隧線、41A、48 係熱 $2.9 冷 $3.7，但呢 d 線今日價位有高過佢亦有低過佢
南區大部分薄扶林線同香隧線，本身只有 72A 特別平，個價位相當於來往淺水灣至舂砍角/赤柱既普通線價錢
但 98年後 72A 冷馬價、63/64/65/66 淺水灣至馬坑/赤柱價，只有 72A/63 係 $4.5，城巴自己既 6系同埋 64/65/66 都貴過呢個數
其餘所有香隧線或者經薄扶林出市區線 (另加埋 76)，不論快慢，到 98 年其實大可以熱 $4.2 冷 $6.2 咁玩，
但城巴無咁多冷馬，就將 92 減熱狗價減到 72A 個價位，加冷亦同 72A 睇齊；70、592 號本身有冷馬價，城巴減冷馬價同將其餘香隧線跟佢睇齊
城巴香隧系只係 $4.7，南區行山系列都只係 $5.3，寧舍 90B 只因行山道天橋咁就 $5.8，不過都唔夠 91 543 呢 d 慢線甚至佢自己堆 R線咁狼
中巴郊區線熱狗價位以前都俾人批評太高，但佢個堆 5xx 線收咁貴一樣行得通，鬼叫中巴以前差得濟，
城巴開 37R 90R 97R 出中環個價位差唔多收到赤柱價都有生意，就顯得中巴 504 537 590 $6.2 都尚算抵；之後城巴轉招式，
37系行山行隧道或者特快都一律 $4.7，或多或少都吸引到人；新巴早年懶高檔咁大幅加冷/全冷又唔減價，
十年前係中巴行得通個種收費，係新巴度強行普及簡直自殺；以前睇過段 $6.5 年代 DA55 行 91 (不經利東) 出中環片
全程拍烏蠅，得總站有十個八個客，唔算飛車都係 25分鐘甚至更少就到中環總站，中間分站好似只有一兩個人上過車，而家非繁少人極都無咁折墮......


要數好多野都數到；簡單黎講九巴一開始就將冷馬包裝為豪華服務
九巴早期所謂"豪華"既 AL/AD 雖然只係 3+2，但由 3波 TD - 歐三年代咁多年，就只有九巴係買親冷馬都預設(所謂豪華設計)全車座椅頭枕
雖然顯得佢既 AL/AD 特別舊 (尤其新城 3+2 冷馬都翻新晒)，但人地識包裝，一步步咁令大眾默默承受佢既"豪華"服務同收費
咁又俾佢過到骨；


其實有如去食店陪野飲，配熱、凍、特飲加 $2 / 4 / 6，雪櫃同冰同更大隻杯既成本其實都未必真係貴咁多
但需求彈性有時自會令班客照俾，商家大可以好似九巴咁巧合名目黎包裝凍野，搵隻靚 d 既杯黎裝，全部收特飲價
同樣會有好多顧客因為需求彈性而照飲如儀
但講到尾，即使最早期冷馬仍未普及 (甚至試驗階段既冷雞冷鴨)，九巴公關部走出黎話成本要高幾多幾多，
當中有幾多成係佢地出口術借 d 意講到唔收貴 d 唔得，真係佢地自己至知


[ 本帖最後由 HW8373 於 2012-5-31 20:21 編輯 ]