信不信由你－692翻巴士事件師爺轉述肇事司機的口供

2009年11月8 日，將軍澳發生翻巴士交通意外，相信大家都重記得。事隔兩年多，當年有份處理該案件的師爺上了電台，講述涉案司機於該意外發生前，在中環的靈異事件，以及該師爺的分柝。

http://podcast.hkreporter.com/fi ... 12-05-09_1_a66d.mp3

大家有興趣可以聽聽，信不信由你。

願往生者安息。

[ 本帖最後由 komodo 於 2012-5-28 10:39 編輯 ]

~08:20 先入正題...

樓主，係翻巴士，唔係反巴士
仲以為邊個要反巴士司機啲口供

我好記得當年女死者衣衫不整死不瞑目...
生果報仲要唔打格登出來...真係極冇道德

世上無奇不有，真係有靈異野都唔出奇
大型車輛嚴重意外久唔久都有發生
雖然好多都係涉及人為因素 (例如 692 呢單本身明顯係司機超速入彎，出事佢都責無旁貸)
但係點解寧舍係某日先出事 / 個潛在危險存在咁耐先出事 / 唔係更危險既地方出事，科學有時真係未能解釋得晒


以往香港都有過唔少巴士失控意外，有 d 明顯係司機操作有誤，例如花園道早幾年有旅遊巴無 brake 撞死人，
或者節目嘉賓之後提及西貢個單翻車，無論"其他"原因係點，事實都係有人以危險方式操作大型車輛
但亦有 d 係證據上司機輸晒，但疑似做左炮灰既
(個人諗起早幾年有架 20xx @63 係馬坑近舂砍角撞牆，事發前司機發現無 brake，於是即刻兜路由環角道口右轉
免得直衝落去舂砍角釀成更大災難，但最後都救唔翻，成架車撞爛晒，好彩無人死亡；
馬坑十幾年前亦有架 LV@66 失控撞小巴；重有石排灣道同柴斜兩個唔算交通黑點既地方有坡柴@48 同 XF@85 翻車、彌敦道 3AV 撞 AM、
中環十幾年前同一個位一晚分別有一架 VA 同一架 3xx 係同一個位炒上石膊；LX326 跑馬地意外、LF180 北碼意外等)


法律上要追究交通責任，好多時都係判司機操作失誤 (LX 同埋 LF 兩單判機械問題，彌敦道個單最後研究到係交通燈編排問題)，
好多所謂"突然無 brake"之類既意外都死無對證 (一係環境上口同鼻拗，一係驗車效果非常正常)
奇就奇在就算假設上述其他巴士意外都真係完全因為剎掣失靈而失控，但睇翻意外環境有時的確令人難以理解出事原因
(例如 LV@66 同 20xx@63 出事前理應有一大段上斜，照計架車出事前高轉上斜已經叉到足夠既風以供掣動、
LX326 至少出事當日應該都完成左幾轉 1號車，意外偏偏唔係發生係人車繁忙既中區或者跑馬地大斜路底、
彌敦道多年黎交通都咁繁忙，個路口交通燈編排失誤咁耐竟然都無重大意外；
成條柴斜有咁多行足成段落斜既巴士，係路面定機械問題都好，竟然係架小路轉出黎車速快極有限既巴士出事)
搭左咁多年巴士，壞車/撞車/機件失靈當然發生過  (試過搭 VA2 架車多次無故響"o安"，
司機拍熄佢時成個軑盤爭少少抽左出黎，調節軑盤角度同高度個鎖壞既，好彩咁都唔失控或者成個組件甩出黎)
雖然我知機械失靈可以全無先兆，但好少聽聞因掣動/轉向呢 d 最關鍵既機件出問題而擺街或者被 port 車
(只係聽過早幾年有架城巴富豪行緊南區線時突然轉向失靈，只可直行或者右轉，最後擺街，
但又奇跡地沿薄扶林捱到落到市區時先壞，而且好彩唔係行緊山道天橋時突然出事......
但除此以外好似從未聽過上上下斜就發現無 brake 或者油門有問題之類而要用各式驚驗方法避免意外
即使因此而造成既小意外都好少聽 (即使係無傳媒報導既小型意外，但若果起因係關鍵既機械出問題
就算單野唔搞到上報紙，至少都會係行內廣泛流傳)，一黎就大大單


之前無意中睇到一單倫敦地鐵早年撞牆意外，一抽去緊總站既列車本應收油埋站，然後掉轉方向離站
當時成個月台有大量目擊者 (包括職員) 親眼見到該列車司機 (清醒，唔似心臟病發或者昏迷或者訓著覺)
唔單止無收油，或者太遲先開始剎車，或者發白日夢/分心所以無剎車
反而入站後一路加速，直至成抽列車以時速 6x 公里直撞埋牆 (總站後好似只有好少越位隧道然後就係一幅牆)
更驚人係後黎搜索死傷者時，發現司機連撞車一刻保護自己既基本反射動作都完全無
(遺體隻手仍然渣著控制器加速，連鬆開隻手等架車自動剎停既動作都完全無)
該列車司機都唔係新入職，入職後紀錄大致良好，亦有唔少職員提到佢性格唔似係會自殺，事後調查佢亦應該唔係醉駕/藥駕
兼且事發前佢亦帶備唔少錢準備當日收工後去買架私家車俾個女，即係可以排除埋佢想自殺既可能，
呢單野至今英國好似都未能完全用科學解釋得到佢發生咩事


有時 d 野唔知點解就係整定，可能係有靈異野，又或者冥冥中有力量主宰某 d 事
早年睇報紙講有個貨車司機某日唔知點解一反常態擒過去左邊開門落車，同一時間有第二架車炒左落佢司機位度
而自己同母親以前試過唔知點解某日突然改變自己慣用交通模式，竟然分別"錯過"左馬頭圍道塌樓同埋一場小型交通意外
暫時諗到另一樣同交通有關既古怪野係 2007-2008 年左右一段短時間
由則魚涌祐民街落斜至 116 巴總前呢段路面唔知點解好似有特別物質啜著，但望落去無乜異樣
(個人係該段日子試過橫過該段馬路時試過突然俾路面完全"啜"著右邊鞋跟，當時自己反應/動作都唔係好急
只係漫不經心咁想提起隻腳繼續行，但兩度力互相拉扯之間竟然將隻鞋扯爛，鞋底本身定形既鐵片竟然打橫移左出黎，
將大半隻新鞋鞋底鋸開；事後多番用手/腳同埋左邊隻鞋做實驗都完全做唔出類似既破壞力)
又試過兩次半夜未訓突然想望落樓下該段路面，竟然就見到有的士係呢個位打白鴿轉
呢個位係急斜、急彎、前少少有盞成日停既燈，照計完全無需急於一時
而且係的士司機宵夜熱門地方，亦係來往康怡至英皇道一帶其中一條必經之路，若果路面有問題相信通行都知
但望著呢條路十幾年，多年黎即使日間交通繁忙好幾倍都甚少有車失控或者出意外
印象中該路面大約半年後左右總之就回復"正常"
("事發"個段時間同當日係秋冬時份無乜雨，而印象中該段路面無特別多/少洗街工作，
平時亦唔多覺有運載化學品既車之類駛經，條路又完全無跡象係有車曾經係度漏油或者損壞路面......


個人頗相信世上或者有外在力量主宰唔同事物發生，但當中有時或者又有些少奇妙關系，有 d 野係整定，亦有野係因果
例如 692 意外個司機，淨係呢度已經有唔少版友講過佢事發前已經有一段時間每晚瘋狂駕駛，
簡直似係不斷挑戰駕駛極限
偏偏調查時發現佢"駕駛紀錄良好" (以佢瘋狂駕駛都唔係一朝一夕既事，即使未撞過車或者每次撞車後私自賠錢免整花個底，
但實在都好難連超速/衝燈/令乘客受傷入廠都未發生過，除非入行前多年/工作時間以外佢真係完全唔會接觸車輛)

如果佢出事前 (或者一般大型意外前) 真係有無法正常以合理解釋既靈異野發生，或者未必係只係一件隨機選中佢既怪事
而係有意無意衝著佢而黎，可能係上天有意安排一個"殺一儆百"效果同埋"整治"佢
(香港法例同九巴管理下一路無法阻止佢瘋狂駕駛，於是由"天"教訓佢)
亦有可能佢事發前其實已招惹過唔少靈異野被"尋仇"，例如事發前佢曾經已有間接/直接引起過交通傷亡
肇事司機咁樣晚晚瘋狂飛巴士，個人覺得都有可能佢以前渣私家車或者入職九巴後
試過唔少次撞死動物或者累到其他車輛大炒後不顧而去 (撞車/撞傷/撞死人係香港一定走唔甩，
但飛車期間撞到動物或者只係間接累死其他人而唔直接牽涉在內，分分鐘又容許佢消遙法外一段長時間)


呢單意外可能真係整定，但對司機同對乘客牽涉入呢單意外既成因絕唔可以混為一談
(如果夾硬將當日死傷乘客歸究於"前世做錯咩事"之類，個人覺得係穿鑿附會、過分迷信兼且同對佢地非常不敬)
點解偏偏係 692 出事而唔係 N293 或者其他線或者私牌時自炒，可能只係上天殘忍地安排"適量"既無辜陪葬者以達至"徵治"或者殺一儆百效果
(炒 N293 或者其他線炒車或者私牌自炒，可能"只係"令乘客受傷，即使九巴一早管理完善警告過或者炒左佢
可能佢完全唔會汲取教訓，只轉職去其他交通行業，製造更大個路上計時炸彈)


以上只係個人意見，無意對交通意外死難者不敬或者胡亂為危險道路使用者既行為辯護
個人覺得呢種有可能被社會定性為狡辯既"歪理"有時反而比現有宗教 (尤其西方宗教) 更有效導人向善
(成日亂咁黎或者挑戰極限，即使法律/道德治唔著班人，"靈界"都會"出手")
同埋令人心境舒服 d (好多時自己睇到呢類好似有得避免既人為意外都會替遇事者難過，唯有咁樣"開解"自己)
觀乎西方社會雖然無亞洲社會講咁多"靈異"野，但亦有類似思想，例如 <在天堂遇見的五個人> 較勉強既 <哈利波特> 書
算係以"另類"同無咁恐怖既角度帶出世事環環相扣、冥冥中自有主宰等概念，或許比"靈異"講法更易令人接受，
唔會受到部分人覺得"迷信"、"歪理"等先入為主而影響，或者因為人類對未知既恐懼而更加拒絕接受呢類野

[ 本帖最後由 HW8373 於 2012-5-27 23:53 編輯 ]

原帖由 HW8373 於 2012-5-28 07:50 發表
以上只係個人意見，無意對交通意外死難者不敬或者胡亂為危險道路使用者既行為辯護
個人覺得呢種有可能被社會定性為狡辯既"歪理"有時反而比現有宗教 (尤其西方宗教) 更有效導人向善
(成日亂咁黎或者挑戰極限，即使法律/道德治唔著班人，"靈界"都會"出手")
同埋令人心境舒服 d (好多時自己睇到呢類好似有得避免既人為意外都會替遇事者難過，唯有咁樣"開解"自己)
觀乎西方社會雖然無亞洲社會講咁多"靈異"野，但亦有類似思想，例如 <在天堂遇見的五個人> 較勉強既 <哈利波特> 書
算係以"另類"同無咁恐怖既角度帶出世事環環相扣、冥冥中自有主宰等概念，或許比"靈異"講法更易令人接受，
唔會受到部分人覺得"迷信"、"歪理"等先入為主而影響，或者因為人類對未知既恐懼而更加拒絕接受呢類野

靈體係存在，我亦親身見過一次，唔係一般鬼故咁疑幻疑真，係撞到正一正望得清清楚楚，所以係信有呢樣野。
我o既理解係，唔係靈體出現出手搞掂司機，而係當一個人要行衰運時，就會望到平時肉眼看不到的東西，
簡單 D 講，司機當日有大禍臨頭在先，見到靈體為後。

2名女死者做左追巴靈替身???無從判斷

其實係個節目主持人同嘉賓諗多左姐...
下次幫新記作番個1414失事口供先

雖然話好多事件都解釋唔到, 但我反而相信只係某 d 細節未有被提及, 未有分析及證實, 又或者分折完都係證實唔到

舉個例子, 樓上有人聽聞某部城巴富豪行行下唔能夠左轉而擺街, 跟住就形容到冇發生意外係奇蹟
以我理解, 講果個都冇拎住部車 / 捉住個車長去研究究竟係邊度出現問題, 既然估估下既, 咁我又一齊估啦
講得出可以直行右轉, 即係軚尺冇事, 否則轉都轉唔到, 只係唔能夠左轉的話, 要諗都係諗軚箱
就當軚箱本身已經虧虧地, 左轉既輔助力比較弱, 車長本身都要比較用力左轉
行下行下, 內構又蝕多樣, 所以忽然仲虧左 d, 結果車長扭都扭唔到
又或者, 只係車長扭到手都軟, 索性擺街算__數
我都聽聞過因為水撥冇水出而擺街, 當咁奇呢既野都發生到既時候, 好多野都有可能架啵
要搵個理由講到係靈異事件的話, 我都可以搵到理由解釋到係物體現象, 甚至乎係人為因素

一部巴士成千件組件同時運行, 就算有透視眼都睇唔晒發生過咩事, 更何況根本冇可能透視到, 問題往往都要睇返件組件推斷發生過咩野事
推斷得到既咪有答案囉, 推斷到, 但證實唔到既, 就係得個問號咁去整架啦
新車越來越多電子野, 奇怪野仲多添, 部車行行下可以忽然冇油到,  5 km/h 爬完一段斜路, 轉個灣又有返有油到
唔通下下推晒俾阿豬阿狗搞搞震? 咁樣一部巴士上面都應該好多靈異物啵

事實上, 咩身份既人, 會講返咩野既說話
教徒會講信__得救
淡友只會唱到個市有咁衰得咁衰
靈異節目又邊會話世上冇奇怪野丫, 講得出就真係奇怪喇

[ 本帖最後由 bnr34 於 2012-5-28 22:20 編輯 ]

原帖由 HW8373 於 2012-5-28 07:50 發表
世上無奇不有，真係有靈異野都唔出奇
大型車輛嚴重意外久唔久都有發生
雖然好多都係涉及人為因素 (例如 692 呢單本身明顯係司機超速入彎，出事佢都責無旁貸)
但係點解寧舍係某日先出事 / 個潛在危險存在咁耐先出事 / 唔 ...

其實冥冥中自有主宰,
晌各個宗教其實都有相類似既概念,
應該咁講,
人與生俱來,
就係對一D本身唔了解既事物有好奇心,
好多野人類科學未解釋得到係事實,
無論係宇宙,還是靈界,
以致去到人本身所潛在既力量,
我地作為一個人,
好多時能夠做既野其實係好渺少...

然而一個司機瘋狂駕駛既行為,
明顯同呢件事扯唔上關係,
你可以話好多事係注定發生,
但事實係咪真係完全不可避免?

所謂靈體,
其實究竟係真係靈體,
定係人對一種未知既事物而標籤既名字?
我諗大家可以用各種角度去探討...
至於駕駛紀錄既問題上,
只能夠話,
好多野始終有漏洞,
正如九記而家請咁多人,
個個都要查牌,
係人都要交架啦...
但係咁多份查牌紀錄入面,
晌你見到咁乾淨既背後,
有邊個可以講未超過速,未衝過燈丫?
楂住一架車(無論係咪巴士),
始終一定會出過錯...
咁我覺得,
出事司機駕駛紀錄良好,
同引起嚴重交通意外其實冇大關係...
只能夠講,
好多野,
其實係我地見唔到,
就會當冇咁解...

[ 本帖最後由 da93 於 2012-5-28 22:22 編輯 ]