瑞士好定挪威好?

Oslo去Bergen沿途風景幾靚, 所以唔好錯過, 但唔知FBI2兄係唔係近期去, 風雪交加既風景我就唔係咁清楚啦, 而且班次可能有唔同, 一日5班, 最好預約, 唔係企到腳軟.

去到Bergen呢, 我當時就住近海既Youth Hostel既, 不過只在夏天開, 而另一間YH就上山, 聽講要坐車半個鐘喎.....

Bergen唔大, 漁市場, Bryggen同Mt. Floyen都響3公里範圍內, 一個上下午就夠, 會有"住一日太多時間, 但行幾個鐘又唔係好抵"既感覺, 但睇Fjord又無理由坐夜船架......

第二日8點幾既火車去Voss, 之後坐個多小時既巴士去Gudvangen, 去到Flam大約1-2點度, 而Flam真係唔大, 就算係沿住路行個圈都應該係2個鐘內就得

當年我就響YH住一晚, 呢間YH可能係全年開放(Flam只有一間YH, 其他既都係貴酒店)但如果係想一日完成, 可以坐4點既火車(CHECK過全年都有)上到去等約1個鐘度, 就會有去Oslo既火車(當日既最後一班, 唔係就等夜車啦), 就約11點度返到Oslo

假設火車無改時間既話, 又想全部地方去晒, 夏天計就應該係咁
Oslo朝早第一班車去Bergen, 到Bergen約下午3-4點, 住YH, 之後行景點
第二日坐約8點半火車去Voss, 之後Gudvangen, Flam, 坐4點火車上Myrdal, 之後坐最後一班火車返Oslo

洗費如下(有railpass計, 2004年價)
夜車臥鋪唔記得,因為我響Kobenhavn H預約定, 計丹麥Kr, 估計150-200NKr
Bergen-->voss唔駛
Voss-->Gudvangen: 76NKr
Gudvangen-->Flam92.5Nkr
Flam鐵路:105NKr
Myrdal-->Oslo火車預約:50NKr

剛剛查過, Oslo-->bergen正價716NKr, Myrdal-->Oslo557NKr, Bergen-->Voss148NKr, 但係NSB成日有MInipris, 有經驗旅行者話坐去邊都係199NKr(剛上NSB網站既新價錢), 但點買點用就唔知啦

冬天我就好難幫你諗, 因為好多資料都唔清楚

又醒起一樣野, 阿簡生出個本旅遊書(勁厚, 成本黃頁咁既)曾經講過話, 去歐洲讀書既非歐洲學生, 響當地學聯(開ISIC既組織啦)會買到全歐洲既分區火車證, 係連埋東歐, 英國等Eurorail pass唔包既國家, 我地就話買呢d要偷雞姐, FBI2君可以堂堂正正買呢隻Rail pass啦, 印象中仲比Eurorail pass更平

原帖由 wesley 於 2006-2-26 10:37 發表
Oslo去Bergen沿途風景幾靚, 所以唔好錯過, 但唔知FBI2兄係唔係近期去, 風雪交加既風景我就唔係咁清楚啦, 而且班次可能有唔同, 一日5班, 最好預約, 唔係企到腳軟.

去到Bergen呢, 我當時就住近海既Youth Hostel既 ...

係有,但最少要買21日票,售價不比香港買平.
我計劃是5月23-31日左右去挪威,由阿姆斯特丹出發,坐ryanair經倫敦去oslo.
去完bergen,voss等地返oslo後,就會坐火車去copenhagen.

有無飛機去Bergen? 如果直接去Bergen就少左一程由Oslo-->bergen呢程啦

原帖由 wesley 於 2006-2-26 14:27 發表
有無飛機去Bergen? 如果直接去Bergen就少左一程由Oslo-->bergen呢程啦

有都應該好貴,平機票沒有去bergen的.

ps:昨日用0.01lv(未計稅)買左張riga返tampere的機票

原帖由 FBI2 於 2006-2-26 13:54 發表


係有,但最少要買21日票,售價不比香港買平.
我計劃是5月23-31日左右去挪威,由阿姆斯特丹出發,坐ryanair經倫敦去oslo.
去完bergen,voss等地返oslo後,就會坐火車去copenhagen.

我當年用30日連續票,所以行程較密:
1 day :朝早Oslo >[Train]>voss>Flam>[往Bergen飛翔船]>約6時入黑前到,之後遊盪到班夜車開....
total張pass只用了2日1夜.....第二朝返回Oslo就即走落哥本哈根....

所以我以往有朋友買Euro pass都會勸她先考慮想玩"到此一遊"定"細意欣賞"...

Eurorail Pass差不多日日都要用, 真係一樣偉大既發明, 我幾有興趣計下如果我程程買單程票, 會唔會比我2年前歐洲遊全費仲要貴

當年歐遊, 2萬8, 28日, 包全部開支(機票, 旅館, 車費, 日用洗費, 紀念品)

下面個link系我當時寫既日記內容, 因為我響內地讀書, 要照顧內地朋友, 所以寫得比較內地化, 如果睇完仲有問題我再答丫

http://www.4211.net/bbs/dispbbs. ... ;ID=5407&page=2

原帖由 wesley 於 2006-3-1 21:21 發表
Eurorail Pass差不多日日都要用, 真係一樣偉大既發明, 我幾有興趣計下如果我程程買單程票, 會唔會比我2年前歐洲遊全費仲要貴

當年歐遊, 2萬8, 28日, 包全部開支(機票, 旅館, 車費, 日用洗費, 紀念品)

下面個 ...

我都係預1200-1300歐去21日咋....當然我係由芬蘭出發啦.

非準備前往瑞士的人，可不可以上瑞士旅遊局的Office拿資料？
有次辦公時間上去，只見關上了的門......

當然可以啦, 呢度係包羅所有去瑞士既資料, 剪報呀, 小冊子呀, 都好多, 人地靠旅遊搵飯食架, 呢d野絕對唔會馬虎

你有無試過開度門呀, 佢係關左木門, 但唔代表唔係辦公架, 試下開下先丫嘛

如果Summer Hoilday先去瑞士
會唔會比冬天去差..?

之前聽過人講..話瑞士冬天靚過夏天好多~~