城巴青年汽車

唔要軨蓋，大陸味即減九成！

其實德國巴士除了Centroliner之外，真係諗唔到邊款係「好樣」的，
部部都方到起角，德國本土MAN雙層車我直頭覺得怪形怪相。
這部都算係咁了，而且係青年唔係五洲蟲喎。

我搭過馬灣青年，感覺都唔錯丫，外型又唔老土，軨蓋真係唔裝好過裝。

原帖由 aPower 於 2012-6-7 20:04 發表


平心而論
全架車除左電子牌係顯示緊簡體字
同埋車尾兩粒尾燈之外
真係無咩大陸味
(反而嶼巴珀運青年既水牌同車頂既線條仲有大陸味)

買得十幾架 (至少暫時係)，之但係廠方跟足你要求左執右執
用哂外國既車身設計同零 ...

20部唔夠同70部AVC(外加290部BWU)邊有得比
可如港鐵11部E200都賣成200幾萬部

更何況連180萬的e200都唔係全低地台

[ 本帖最後由 herman15hk 於 2012-6-8 00:08 編輯 ]

此車座位:28
        企位:33

我呢度一大堆十年以上的老爺車，
咪又係行得走得

仲要無乜舊車味........

中國一線城市應該得依度的巴士可以用咁耐

原帖由 petcity 於 2012-6-7 21:20 發表
個人感覺，嶼巴青年坐時，友人太太絕非巴士迷
問佢覺得架車點，佢話唔錯，估架車邊度做，佢都估唔到
係國產

一架車行幾耐，先天因素重要，但後天點玩點保養批車都重要
車又未出，試都未試過，就評到批車要打回頭，我覺得口口聲聲
話強國 ...

原帖由 AVD1 於 2012-6-7 16:28 發表

全數入左 16 架，　
另外起網上搵出黎資料，
呢批車售價 156 萬

E200 係 181 萬 4 千幾
AVC (B7RLE) - 159 萬 5 千幾
ASB/ASC 冇資料 ~

謝謝提供資料

原帖由 da54 於 2012-6-7 18:49 發表

歐洲車都有好有壞啦，你搵青年同銀龍比，恕我直言，我好相信你的確對內地巴士製造業毫不了解。

無錯,我係對國產車唔了解,但呢個亦係一般人對國產車o既睇法...

尋晚我將"後生仔'o的相放入iPad,然後俾個完全唔係巴迷(基本上係唔認識巴士)fd望o下,
佢第一眼都話架車幾有時代感,不過有改善空間...

跟住叫佢估架車邊度做,初頭估歐洲,我話o岩一半啦,跟住問佢架車要160萬貴唔貴,
佢話歐洲車係咁上下o卦...

我話到時試坐(佢知我係有研究巴士),佢話都好,佢話應該唔錯...

好啦,我再講佢聽架車其實國產(有解釋埋青年個背景),佢即時180度轉變,又話架車外型老土,
抄襲(我已經話明係同外國合作佢都係咁話),仲話160萬絕對唔值,
我話人仔貴,佢話"大陸人工高定歐洲人工高?大陸淨係識剝削工人同偷工減料......"

跟住我話"地龍"都買國產車啦,佢即刻再講"之前蘋果話批車有問題要整喎",
我最後問佢會唔會試坐,佢竟然話要諗諗,"都唔知會唔會失控抄車..."

以上係真實對話,亦係一般人對國產車o既睇法...

你話我唔了解,不如話係唔敢投以信心一票囉...同埋唔只我,大部份人都係...

原帖由 da54 於 2012-6-7 18:49 發表
歐洲車都有好有壞啦，你搵青年同銀龍比，恕我直言，我好相信你的確對內地巴士製造業毫不了解。

咁冇辦法喎，而家一般香港人心態︰「強國產品，實在『佳』品」
除左炸彈之外，乜都可以爆
而家made in China呢三隻字以現今社會上已經被標籤化
同了唔了解冇乜關係
而係根本強國貨已經同品質惡劣成等號
啲人理得你鑲金、防彈定識升天呢
好似ADL咁，夠來佬貨囉
但一比大陸砌，參差不齊
香港人對強國貨冇信心正常喎
社會一般民眾大多數睇品牌、睇外表
尤其來源地
好似批強國貨地鐵
執N世先出到街、出到街地鐵夠話搞掂晒囉
但香港人都當佢地係批流動炸彈咁啦
係，我唔會否認強國貨當中會有佳品
但以香港而家社會及政治氣氛下
只要涉及強國兩隻字嘅嘢
大把人會有反彈
呢種情況已經唔再係了唔了解嘅層面啦

你要明白嘅係，香港咁抗拒強國，除左強國貨本身質素問題外，仲有係現今嘅社會氣氛

原帖由 sea1986 於 2012-6-8 08:57 發表

咁冇辦法喎，而家一般香港人心態︰「強國產品，實在『佳』品」
除左炸彈之外，乜都可以爆
而家made in China呢三隻字以現今社會上已經被標籤化
同了唔了解冇乜關係
而係根本強國貨已經同品質惡劣成等號
啲人理得你鑲金、防 ...

咁老實講句, 要香港人比得信心佢, 佢自己都要做得好先得,
當然我唔會評論究竟呢批青年好定係唔好, 真係要出左街先知 ~

睇返以前韓國貨未一樣睇唔起,
十多年前買電視全部都係話 Panasonic, Sony, Sharp ...
買手機就 Nokia, Ericsson (再後期就 Sony Ericsson) ...

而家 ?
通街都見三星手機, 三星電視, 三星 LCD / LG 手機, LG 電視 ...
甚至韓國車 - 現代 ...

韓國貨一樣轉到營, 大陸唔係唔得,
係究竟大陸人有冇心去做姐 ?

如果一味就係諗點樣搵最多 o既錢,
黑心產品都唔緊要, 最重要就係錢呢個心態的話,
我想講呢個國家就算比佢進步多一百年二百年做出黎個 D 都係垃圾 ~

原帖由 AVD1 於 2012-6-8 10:22 發表

咁老實講句, 要香港人比得信心佢, 佢自己都要做得好先得,
當然我唔會評論究竟呢批青年好定係唔好, 真係要出左街先知 ~

睇返以前韓國貨未一樣睇唔起,
十多年前買電視全部都係話 Panasonic, Sony, Sharp ...
買手機 ...

咁亦講真，我相信大部分強國巴士質素係差的，棘端 d 講有 d 五洲虫行左三年，架車仲殘過行左廿幾年的中華巴士....
不過講黎講去到係比例問題，總無一個國家出黎的野係 100% 都係劣貨，亦唔會有一個國家出黎的野係 100% 都係好貨....
正等如內地有些人比不少香港人更有良心，同樣地香港有些人比不少內地人更無文化修養。無可能一竹篙打沉一船人。

大陸車會自焚，咁之前在香港也有D牌及V牌自焚啦，而英國也有B牌及其他牌子自焚啦。維修保養好與壞、自然損壞都有機會出現。

咁要對祖國產品建立信心係要D時間証明，但起碼大家要放底個有色眼鏡先囉！