城巴青年汽車

原帖由 Wattyung 於 2012-6-8 11:05 發表
大陸車會自焚，咁之前在香港也有D牌及V牌自焚啦，而英國也有B牌及其他牌子自焚啦。維修保養好與壞、自然損壞都有機會出現。

咁要對祖國產品建立信心係要D時間証明，但起碼大家要放底個有色眼鏡先囉！ ...

呢副眼鏡，相信過多百幾二百年都未必除到
(除左強國政權用非常手段要香港剝呢副眼鏡啦)

而家香港社會氛圍就係︰一竹篙打晒一船人，
就算強國產品真係勁到飛天、攞到世界第一又點？
香港人總會抗拒架，因為強國啲嘢根本同黑心、品質差劣掛勾
睇下強國啲高鐵，一味得個快字、結果咪整左單溫州事故出嚟
早排啲電池的士，一撞即爆
九江大橋可以被艘躉船一撞即冧
一個由上至下、由左至右、由石屎建築到食物日用品都可以係假、係豆腐渣、係黑心嘅國家
試問點可以好似南韓咁咁短時間就可以俾到全世界信心？
俾多一百年都已經嫌多囉

攞南韓同強國比
好難比，我雖然個人都唔buy南韓
但我真係佩服到南韓人真係攞到誠意出嚟改革
品質真係有料到噃

原帖由 petcity 於 2012-6-7 21:20 發表
個人感覺，嶼巴青年坐時，友人太太絕非巴士迷
問佢覺得架車點，佢話唔錯，估架車邊度做，佢都估唔到
係國產

一架車行幾耐，先天因素重要，但後天點玩點保養批車都重要
車又未出，試都未試過，就評到批車要打回頭，我覺得口口聲聲
話強國 ...

但尋日八月十五敏感,
走入去大嶼山坐批青年...
已經想講...飽了...

係..或者架車晌上面黎講係一等一貨色,
但晌香港...我會覺得,
呢D車仲未入流...

即使呢度D人如何話老九堆二代NEOPLAN如何不濟,
但我覺得,
總比一部青年來得好...

係...架青年係好肯去,
但上落車門過多既聲響,
唔協調既燈光,
古怪既車尾設計,
呢三樣我會覺得係最直接影響乘客既因素...
已經搖頭了...

後天點保養,
其實只係一個令車型是否能長壽既因素
而且更加係乘客關心既事以外既問題...

原帖由 da54 於 2012-6-8 10:58 發表

咁亦講真，我相信大部分強國巴士質素係差的，棘端 d 講有 d 五洲虫行左三年，架車仲殘過行左廿幾年的中華巴士....
不過講黎講去到係比例問題，總無一個國家出黎的野係 100% 都係劣貨，亦唔會有一個國家出黎的野係 100% 都係好 ...

應該咁講,
就算今日我地用既野,
即使日本品牌,英國美國歐洲品牌又如何,
好多都係中國製,
或者貼近呢度D講,
你買架巴士模型,
都係中國製造的...
但你唔會晌揀架巴士模型既時候擔心佢會唔會拎到返屋企就散晒...

但一去到其他野度,
點解會態度一百八十度轉變?

始終係同質素成對比的...

只能夠講,
始終中國晌創意上其實仲係唔高,
咁多年好多野佢仲係靠外國科技去帶領,
要佢好實在咁"自主研發"一樣野出黎,
其實仲係好難,
高鐵,一樣係引入外國技術而衍生出黎既產物,
去到汽車科技一樣係靠合資而成,
細心想下...祖國除左粥粉麵飯外,
有幾多野係完全用佢地既意念去研發出黎,
呢個先係重點...

原帖由 da93 於 2012-6-8 11:32 發表

但尋日八月十五敏感,
走入去大嶼山坐批青年...
已經想講...飽了...

係..或者架車晌上面黎講係一等一貨色,
但晌香港...我會覺得,
呢D車仲未入流...

即使呢度D人如何話老九堆二代NEOPLAN如何不濟,
但我覺得,
總比一 ...

嶼巴/珀客的青年最大的缺點是車身重, 行起上來硬係頂住頂住, 車尾設計唔話佢, 瑞典V牌同英國D牌都整過呢D古怪野出來, 反而我覺得青年根本不用幫埋巴士公司整咁多標貼.
強國的巴士最大缺點係車身鋼水差劣, 壽命比起日本車短, 底盤設計落後......

[ 本帖最後由 gordon 於 2012-6-8 11:58 編輯 ]

原帖由 AVD1 於 2012-6-8 10:22 發表

咁老實講句, 要香港人比得信心佢, 佢自己都要做得好先得,
當然我唔會評論究竟呢批青年好定係唔好, 真係要出左街先知 ~

睇返以前韓國貨未一樣睇唔起,
十多年前買電視全部都係話 Panasonic, Sony, Sharp ...
買手機 ...

對於韓國貨成功轉型,
曾經有報告指出,
其實最大原因係關乎南韓對文化產業推動改變策略有關

文化產業,
以我地最容易接觸得到既,
劇集,pop(所以為何有人話jpop,kpop,其實主要講既正係兩地音樂),電影呢三大範疇去睇...
報導亦指出,
韓國晌呢幾方面於亞洲區所佔既比例,
近年亦逼近日本,
經濟層面睇,
最簡單直接既,
就係促進兩地文化交流,
文化交流以後,
就係刺激經濟利益,
品牌既認受性,
即使汽車未被香港認同,
但其他品牌,手機,護膚品,食品,
絕對係能夠因此而打入海外市場,
然而透過打入海外市場既商機,
亦令韓國品牌能夠轉型,
某程度上,
你睇到既係一個結果,
但係透過一連串改革下而成既結果...
中國欠缺乜野?
正正係呢一種
你願意睇凌瀨遙,佐佐木希,
你亦願意聽少女時代唱歌,
但你唔會想睇內地劇集如何歌頌五毛...
冇錯,
內地演員知名度的確有所提升,
近年電影商亦有較大意慾用內地演員,
但始終...仍處於一種"合資"既階段,
要100%中國製造,
又要有外銷既作品其實唔多...

而香港晌呢方面亦退步左唔少...
所以亦造就左一種...
香港人仍然接受唔到中國製造既感覺,
但其實,
並非完全不接受,
而係,
選擇性不接受...

[ 本帖最後由 da93 於 2012-6-8 12:39 編輯 ]

原帖由 da93 於 2012-6-8 12:02 發表

對於韓國貨成功轉型,
曾經有報告指出,
其實最大原因係關乎南韓對文化產業推動改變策略有關

文化產業,
以我地最容易接觸得到既,
劇集,pop(所以為何有人話jpop,kpop,其實主要講既正係兩地音樂),電影呢三大範疇去睇.. ...

而家大陸品牌其實大部份都係來自內需, 真正可以出國 o既真係小之有小,
大部份大陸一線品牌, 出到外國一樣都係變二三線 ~

十幾年時間, 人地韓國三星已經成為左一個高科技巨企, 睇下人地 Galaxy 條 line, 更係全球人士期待
起北美, 韓國現代汽車銷售量一早打左入前十, 高過部份日本品牌 ~

大陸貨 ?
我諗除左 Lenovo 呢間叫勉強起外國上到一線品牌位置之外,
冇一間大陸公司可以上到位 (諗返 Lenovo 實情都係買起左 IBM ThinkPad 條 line 先上到位, 如果當年冇呢件事相信而家同一眾大陸品牌都係一擔擔) ~
Haier, TCL 呢 D 大陸名牌, 外國真係 ...   除左價錢平之外, 我完全諗唔到有咩原因要買佢 ~

可能你講得岩, 南韓文化轉變係使整個大韓民族起各範疇上都有提升
由最基本 o既 心態呢方面都改埋,
最重要係佢地心目中有團火, 係要比人地做得更加好, 要比人地接受佢自己 o既野,

而大陸就著重盈利, 而假大空
點樣起最短時間去爭取做到第一, 點樣去搵到最多 o既錢,
高鐵大國... 係呀, 比佢起幾年內爭到第一又如何, 就係一次意外已經破哂產 ~

根本大陸呢個心態一日唔轉, 幾難可以吸引到人去用佢, 幾難可以另到人比到個信心佢 ~
所以我先話就算比大陸好進步多一兩百年, 如果心態唔變, 做出黎個 D 都會係垃圾,
但係南韓唔係, 人地十幾年已經追貼日本 .....

至於而家青年汽車呢間公司, 可能起大陸咁多間車廠黎講都算係咁,
但係如果你話深圳個間蟲蟲, 我只會冇眼睇 ~

至於你話 156 萬去買架青年返黎值唔值, 我不予置評
不過如果比我揀, 當一架 B7RLE 賣 160 萬 o既時候, 我就寧靜比多 4 萬去買架歐洲貨 ~

係, 大陸唔係冇好產品, 但係大部份都係黑心, 豆腐渣 o既時候,
我就唔會比個 156 萬落海 ~

最小歐洲貨鋼水較好係人所共知 o既一個事實 ~

後話:
我一向都覺得韓國佬好多野都係抄返黎, 好似
Samsung 最新個部 Galaxy SIII 咩 S-Voice,  同 Siri 有咩分別 ?
Hyundai D 車個樣, 好多架都有 Toyota 同埋 Honda o既影子 ~

但係最小佢抄返黎都有 Quality, 之後盡力改進,
唔似得大陸真係擺明係抄, 擺明係 Cheap 個種

[ 本帖最後由 AVD1 於 2012-6-8 12:48 編輯 ]

原帖由 AVD1 於 2012-6-8 12:42 發表
Hyundai D 車個樣, 好多架都有 Toyota 同埋 Honda o既影子 ~  

講開南韓車
Hyundai喺北美推出嘅Hybrid車
居然同Lexus同Toyota一樣，突登將logo轉作藍色以示識別

不過即使而家南韓車好似成功打入美國市場
其實唔係個個美國人都對呢啲南韓車有信心
一嚟國家意識強烈
二嚟好多美國人仍然覺得啲車嘅「鋼根水泥」唔及美國車
一撞即凹
論價錢唔及日本車平
論硬淨度又唔及美國車
所以有啲美國人仍然對南韓車有抗拒

睇下南韓貨打左咁多工夫都唔係完全得到全世界認同
更何況無落過工夫但又一昧認屎認屁嘅強國貨？
而家係好現實
一聽到強國貨三隻字，好多香港人實敬而遠之
想個個香港人一聽到強國貨即刻擁戴佢
真係唔知過多幾多世先得

原帖由 AVD1 於 2012-6-8 12:42 發表

而家大陸品牌其實大部份都係來自內需, 真正可以出國 o既真係小之有小,
大部份大陸一線品牌, 出到外國一樣都係變二三線 ~

十幾年時間, 人地韓國三星已經成為左一個高科技巨企, 睇下人地 Galaxy 條 line, 更係全球 ...

其實我唔認同係文化轉變,
日本如是,韓國亦係,
只係令一個地域既文化令其他地區既人更容易接受..
今日你去睇一套韓劇,
其實可能同十年前既韓劇係一樣咁既步伐,
唔會有好大分別...

但問題係市場接受與否

同埋,
韓國係咪一定冇內需?
刺激內需既背後,
打出外地市場引伸既商機,
係會比只留晌國內大,
當然,
日本同韓國,
地理上冇中國咁大,
你可以話中國單靠內銷已經可以長期養活一班人,
但如果係的話,
內地車廠就唔會拓展外地市場

抄唔抄呢樣野我暫時唔去諗住,
有時衰D講,
天下文章一大抄,
只係抄得黎有冇人覺得你係抄緊咁解...

又正如大宇可能晌美國市場未必好,
但同一時間地,
美國車晌外地市場亦唔見得一定好咁解..

始終仲係歸於一個國家,
用乜野政策,
去令別國既人接受咁解...
問心一句,
早十年香港都冇咁多韓式料理...
亦冇咁多skin乜,L字頭既女士用品牌舖頭,
呢個已經係一個例證

[ 本帖最後由 da93 於 2012-6-8 14:28 編輯 ]

其實呢d車, 我見過真,真係坐過先敢評論...
我不唔太關心外型等, 反而我自己一直對內地座椅感覺一般,
重點想睇下內籠手工點先..

原帖由 gordon 於 2012-6-8 11:48 發表
嶼巴/珀客的青年最大的缺點是車身重, 行起上來硬係頂住頂住, 車尾設計唔話佢, 瑞典V牌同英國D牌都整過呢D古怪野出來, 反而我覺得青年根本不用幫埋巴士公司整咁多標貼.
強國的巴士最大缺點係車身鋼水差劣, 壽命比起日 ...

D標貼真係畫蛇添足
睇落D字體夠晒怪
架車夲身做得好已經足夠!