全港最新熱狗

中大校車唔係本身已經有水塘位？

原帖由 053h4 於 2012-6-15 01:15 發表


我呢兩個星期坐過幾次，唔發現有
當然，間中先去行下，無代表性

我諗板友所講既水塘位係中門之前，唔係 3+2 配搭而係 2+2 配搭
比起嶼巴車設計，咁的確又真係多左企位空間 ge
但如果撇除車重因素，要載人載得有效D, 我會覺得應該中門前要 1+1, 中門後 2+2 ，好似鐵巴 B10M 咁大個水塘先清到客
反正通常都唔會搭多過十分鐘，有車上就得

原帖由 kks 於 2012-6-15 01:58 發表

我諗板友所講既水塘位係中門之前，唔係 3+2 配搭而係 2+2 配搭
比起嶼巴車設計，咁的確又真係多左企位空間 ge
但如果撇除車重因素，要載人載得有效D, 我會覺得應該中門前要 1+1, 中門後 2+2 ，好似鐵巴 B10M 咁大個水塘先清 ...

係囉，而家後面3+2，個個隻腳都ngaa晒出黎，就算想企都企唔到。
最好係前1+1後2+2，如果做唔到就前1+2後2+2都好。

給少去中大的朋友：
由於客量眾多，現時部分校巴班次係開超過一部車的。
例如新亞落山，停埋聯合已經滿，後車就會：
a.照新亞起載執雞　或　b.行政樓吉車起載，視乎當日司機的編更。
官方路線無行政樓做起點，但司機時間表係有行政樓起載車次的。
以上所言有錯請指。

原帖由 DIH 於 2012-6-15 09:38 發表
係囉，而家後面3+2，個個隻腳都ngaa晒出黎，就算想企都企唔到。
最好係前1+1後2+2，如果做唔到就前1+2後2+2都好。

給少去中大的朋友：
由於客量眾多，現時部分校巴班次係開超過一部車的。
例如新亞落山，停埋聯合已經滿，後車就會：
a.照新亞起載執雞　或　b.行政樓吉車起載，視乎當日司機的編更。
官方路線無行政樓做起點，但司機時間表係有行政樓起載車次的。
以上所言有錯請指。

TERM TIME時就連轉堂巴一個班次可以有兩部車既, 雖然本身轉堂巴既巴次係某D時段係好密~

而家OFF TERM (只得SUMMER COURSE)仲有咩?

行政樓起載, 以我所知, TERM TIME時1745-1800左右就會有既~

火車站<--->新亞而家話就話行緊OFF TERM時間表, 但睇落上山又唔似係, 落山就應該係..

有時OFF TERM上本部, 真係寧願計時間擔逸夫車好過~

原帖由 hkbw 於 2012-6-15 17:45 發表


TERM TIME時就連轉堂巴一個班次可以有兩部車既, 雖然本身轉堂巴既巴次係某D時段係好密~

而家OFF TERM (只得SUMMER COURSE)仲有咩?

行政樓起載, 以我所知, TERM TIME時1745-1800左右就會有既~

火車站新亞而家話 ...

落山方向：

教學日時間：
1615 開始每 15 分鐘有 3 班車 NA 起載下山（唔計轉堂巴），行8架中大熱狗, 另外 1630 其中 2 班車由強記支援
1730 打後開始部份字軌改為固定行政樓起載下山, 去到 1900 都仲有
1800 後 (i) 5 號字軌做完循環線（俗稱圈圈巴）之後亦會過黎支援，做兩個單新亞落火車站，兩個單行政樓落火車站
             (ii) 逸夫開出經新亞往火車站實際班次為約10分鐘一班，另外亦會有車新亞、行政樓起載、1842 有班聯合起載

非教學日時間（而家）：
1615 開始每 15 分鐘有 2 班車 NA 起載下山，行6架中大熱狗
1730 打後開始部份字軌改為固定行政樓起載下山, 去到約 1830 落山車會開始少


上山方向：

無論教學日同非教學日，上新亞既車都係客滿即開，D車未上客之前會於方樹泉樓對面泊位等開車（當然有時太多人搭車既話，會斷纜），但非教學日因為客少左，冇咁快打爆一班車，因此開出既車會少左。
通常教學日平均 5-7 分鐘會開一架車（早上多人返學果段時間會更密），非教學日有時要等約10分鐘左右，當然實際情況都係睇幾時有火車到，一有火車到，上爆左架校巴就開得

[ 本帖最後由 kks 於 2012-6-16 01:02 編輯 ]

原帖由 kks 於 2012-6-15 20:32 發表
無論教學日同非教學日，上新亞既車都係客滿即開，D車未上客之前會於方樹泉樓對面泊位等開車（當然有時太多人搭車既話，會斷纜），但非教學日因為客少左，冇咁快打爆一班車，因此開出既車會少左。
通常教學日平均 5-7 分鐘會開一架車（早上多人返學果段時間會更密），非教學日有時要等約10分鐘左右，當然實際情況都係睇幾時有火車到，一有火車到，上爆左架校巴就開得

如果架車已經上緊客，到表定夠鐘都唔爆，都會依時開車既。
最搞野係教學日中午時間有些強記巴同前車相隔幾分鐘，裝得十零個就開車上山。
唔知係咪趕住做完呢單去食飯。
難為架中大熱狗食到頂閘，強記車就浪費兩重油。

－－－－－－－－－－
山下校巴站篷底裝了個電視，但到現時為止除了教人搭畢業禮專車外，未見佢開過，
等我見佢裝時重滿心歡喜以為會有預報開車時間添......

另外，上山方向，逸夫新幹線個站在後面，其實都去到本部的，
對好多人而言最保險係等入坑主線，人龍長時好少人識得走去後面上Shaw車，
但在我通常會出現的中午時份，Shaw車一係在主線開前已走（主線客無誘因去等佢），
一係在主線開後即走（主線客想轉投都趕唔切），
結果中午時份好多時都係小貓三四隻，浪費了個班次。

原帖由 DIH 於 2012-6-15 23:53 發表

如果架車已經上緊客，到表定夠鐘都唔爆，都會依時開車既。
最搞野係教學日中午時間有些強記巴同前車相隔幾分鐘，裝得十零個就開車上山。
唔知係咪趕住做完呢單去食飯。http://www.hkitalk.net/HKiTalk2/images/smilies/de ...

果個電視日日都會開
不過只係朝頭早0745-0850 加班車時段
只係用黎 SHOW 「不得超載」同埋「請出示中大通卡」（但事實上又唔會查）
預報開車時間嘛……其實好多班次就連中大都唔知幾時會開，因為真係睇需求
中大校巴本身有4個字軌係set 左全日大部份時間都只係做火車站上行NA，本身無固定開車時間的，多人搭車就做密D，少人仲可以做少幾轉

強記車 / 部份車走早除左係因為做正點開車班次 / 做埋呢轉食飯之外，仲可能係因為個司機之後有任務，
例如如果要做 18 分新亞轉堂落山，佢 08 分仍在火車站等客，咁未客滿都要開架喇

搭Shaw 車去本部我自己會就番時間，少人時段會上
不過如果係好多人搭SHAW車要企果 D 時段（不過都只有一兩班車係咁），除非趕時間否則我都盡量唔上
因為怕阻住真正需要去 SHAW 既人


P.S. SORRY，頭先數車數錯左
正確：教學日四點至七點應該係行8架熱狗，非教學日行6架
(3架夜更 + 1架中更 + 2架兩味車 + 教學日會輪流安排每日2個早更司機加班多3個鐘)
頭先我數漏左兩架兩味車

[ 本帖最後由 kks 於 2012-6-16 01:11 編輯 ]

原帖由 053h4 於 2012-6-14 22:36 發表


但上山落山都頂閘, 車體負荷比一般公共巴士更高, 一日都應該要行十幾轉
中大基本上無條係平路

如果損耗大增唔耐用, 假如增加成本, 都唔係好事
而其實, 我覺得中大D校巴, 加水塘位加企位實際D..... ...

冇親身搭過中大校巴線，唔知同211比邊條損耗大D呢？

原帖由 on11358 於 2012-6-16 03:55 發表

冇親身搭過中大校巴線，唔知同211比邊條損耗大D呢？

我諗211的損耗不會比中大校巴大。

滿載約60-70人；
上山途中一右一左兩個窄彎；
部分路段有壆（由火車站上新亞好似係4條壆，下山6條）；
而且中大校巴無綠燈，路口有位就過，
架車中途除了在本部停站回一回氣之外，一程車內無得抖架。

中大車路的斜度我相信都斜過上翠竹的路。