車 位 不 足 九 巴 默 許 司 機 違 例 泊 街

原帖由 LRT1027 於 2012-6-9 14:56 發表
元朗廠既問題
其實好多總站而家都冇車擺過夜
天瑞, 天耀, 天水圍鐵路站, 天富, 朗屏 都可以考慮

269D有6部擺天富過夜

至於天鐵以前有69M,268C,B1擺過夜,而家唔清楚仲有冇

廠唔係越起得大就越有效率，淨係收工開工排隊出出入入都夠複雜，
如果大家有留意的話，最近好多路線頭車都會放多左張紙寫住頭車，(似乎每廠都有自己的設計，並非統一)，
作用應該係泊街果陣示意其他司機唔好頂住架頭車，等第二日朝早更師傅拎車果陣可以最早開走。

睇完你地解釋，我覺得政府同巴士公司都有問題…

點解政府唔比多D地方可以足夠容納巴士擺車？！

同時間我想問，點解九龍灣廠係觀塘工業區個舊車廠荒廢咁多年有關人士都唔返出來比返巴士公司用呢？比新創建也好，九巴重用也好，我真係唔明…

原帖由 DGCNYO 於 2012-6-9 21:02 發表


屯廠總修都叫細，咁世上真係唔多大......
你隊爆曬個廠，唔洗人做野咩？整車，翻噴都要空間，你估玩俄羅斯方塊有位就磁咩.....

睇下#2 先啦...

沙田廠就更加係成間廠塞滿車
夜收工果d 無位擺,就連地下維修坑既通道都塞埋
如果沙田廠火燭既話, 真係唔知點算

即係如果唔係CHING 咁講,我都以為巴士廠點都要空番條維修坑出黎...

你話屯廠唔細...

總修中心...起多2層泊下車都得掛..?

[ 本帖最後由 tkf_2005 於 2012-6-10 03:25 編輯 ]

原帖由 千年 於 2012-6-10 00:57 發表
點解政府唔比多D地方可以足夠容納巴士擺車？！

政府唔見得有心想搵地比巴士公司, 未起樓既工業用地都仲可以諗下, 新整一塊地出來起車場? 免了, 係都起樓賺錢先啦
而且仲要考慮區議會呢? 個個區議會都唔想附近有個嘈音/空氣污染源頭, 政府又唔願意統籌區議會, 簡單 d 講就係怕左佢地
所以就算政府重新規劃土地用途, 你都只會聽到政府叫人搬, 而唔會建議可以搬去邊

好喇, 就算而家搵到塊地, 都係臨時租借, 政府有權話收就收
大巴士火炭場已經係好好既例子, 玩左唔夠幾年就話要搬
如非必要, 我唔見得巴士公司肯投資一大筆錢, 起一棟好有規模既多層停車場
事實亦係咁, 大把停車場, 實際上只係一塊平地

就算巴士公司肯起多層車場, 又要考慮面積/層數既問題
地大, 我起兩三層已經擺到好多車, 但邊度有咁大塊地?
地細, 咁就要起多幾層, 新巴廠就係其中一例子

原帖由 KJ1502 於 2012-6-9 22:07 發表
搭單一問:新巴柴廠又點解天台有位唔泊,成日擺街?個天台淨係八號風球先會泊滿

拎住部車上落三四層, 講就好聽, 揸就免喇, 又唔方便, 又要晒多十幾廿分鐘上落
揸私家車都冇人想泊到入一入啦, 更何況難度更高既巴士

[ 本帖最後由 bnr34 於 2012-6-10 08:42 編輯 ]

抽水多於事實，真係廄到無倫。

原帖由 tkf_2005 於 2012-6-9 16:48 發表
九廠已經係最大果間廠...用GOOGLE MAP 淨計天台都放250-300架... 2樓佢都係全層泊車LA...點計都應該放到500-600部...點會430架咁少..
九廠佔地咁大,成層地下洗車入油維修點都夠...,要塞爆巴士連維修坑都唔止430架LA...
當佢地下拎哂做維修車間/洗車等等... 點都放到5-600架O既...

巴士廠不是停車場, 唔係度度都泊得車
九龍灣廠為例, 地下入油,洗車, 維修坑
二樓就有地方上廣告, 仲要比返個位泊工程車, 大洗等等


仲有果d 九巴留返既老古董呢?
2011 年去過, 四架係度舖緊塵
沙廠就最少都兩架...

九廠天台已經用盡d 地方泊車
有d 位已經超窄, 仲要只限短車
我諗九巴都唔想d 車擺街卦...但係有辦法咩?

片段中訪問的九巴員工協會理副理事長 -- 李國華是誰?
他代表的"九巴員工協會理"是什麼組織? 紅簿?綠簿?定白簿?

默許司機違例泊街?乜講到好似司機自作主張泊街.應該係 "指示司機違例泊街".

原帖由 千年 於 2012-6-10 00:57 發表
同時間我想問，點解九龍灣廠係觀塘工業區個舊車廠荒廢咁多年有關人士都唔返出來比返巴士公司用呢？比新創建也好，九巴重用也好，我真係唔明…

留返黎係適當時候重建做創紀之城x期囉。不過觀塘工業區一黎轉型中，二黎D道路已經超晒負荷，實在唔太適合重開觀塘廠

其實巴士廠可唔可以整到好似鐵路車廠咁下面做泊車+維修，上面做商場/住宅？佔地較大同樣唔係問題，出入口夠多就可以maintain返個效率